La Biblia: Libro de hechos y profecías Lilkika ba

La Biblia: Libro de hechos y profecías DVD ka bilara, so yuhmpa bara sa. Tila wina pas soka ba sika La Biblia: el libro más antiguo y actual. Lilkika na kaikma ningkara, naika mamkabi wali na ansa muns:

1) Baibil ra wi ba, dia tnatka ra naiwa tasba sinska pawan ba wal kumi takisa? 2) Yawan nahki nu sa, naiwa pyua Baibil ra aisi kaiki ba, blasi ra ulban ba kat ban sa? 3) Baibil ulbanka kau almuk nani ra sika, dia dukya kli kli takisa ki? 4) Nahki tnatka ra John Wyclef, Johannes Gutenberg, William Tyndale, John Hus, Martín Lutero, Casiodoro de Reina, bara Charles Taze Russell ba mita help munan tasba aiskara Gâd Bila ba yakabi lakan kabia, kuna nahki muni serts ba Baibil mapara buan? 5) Baibil ra sins aihwa ni smalki ba nahki help wan munisa lalah mana pulanka nani ra (1 Tim. 6:9, 10), marit laka trabilka nani ra (1 Kor. 13:4, 5; Epe. 5:28-33), siknis trabilka nani ra (Lawana 34:8), bara lalah tawan wari takaia sin pura luaia (Mat. 16:26)? 6) Dia wan marikisa Baibil alki dauki taka, wan nisanka, wan taya kalatka, apia kaka wan masraka tawan upla misbara kaikaia laka swiaia sip sa (Luk 10:27)? 7) Baibil wi ba kat daukaia ba, man ra nahki lilia tara maikisa? 8) Upla wala help munaia dukyara, nahki lilkika na yus munaia sip sma ki? (Febrero 2006 Gâd Warkka Dauki wahya 8 ba sin kais.)