Sringkam lâka pura lus
1. ¿Dîa muni muihni lakri kum kum ba Baibil stadika kum tâ briaia ai sringka brisa?
1 ¿Baibil stadika kum yabaia sip apia lukisma? Patitara piua ra, Gâd napakanka kum kum, Moses bara Jirimaya baku, Jehova mita yaban warkka ba sip daukbia apia lukan (Bla.St 3:10, 11; 4:10; Jir. 1:4-6). Baku damra walisma kaka, man baman baku sma lukpara. ¿Naha lukanka nani nahki pura luaia sip sma?
2. ¿Dîa muni utla utla ra smalkaia baman apia, baku sin Baibil stadika nani tâ briaia ba upla kum kum mihta ra baman swiaia apia sa?
2 Wan kupia kraukaia sa Jehova sip apia dukia kumi sin wan makabras (Law. 103:14). Wan warkka sa ‘disaipil nani daukaia’ bara ‘witin nani ra smalkaia’. Baha mita, yawan naha ba daukaia sip sa (Mt. 28:19, 20). Jehova naha warkka ba upla kau sinskira nani apia kaka kau lankira nani mihta ra mangkras kan (1 Ko. 1:26, 27). Baha mita, utla utla ra smalkaia baman apia, baku sin Baibil stadika nani tâ briaia warkka ba upla kum kum mihta ra baman swiaia apia sa.
3. ¿Nahki Jehova lan wan daukisa Baibil stadika tâ krikaia?
3 Jehova lan wan daukisa. Jehova lan wan daukisa disaipil nani daukaia (2 Ko. 3:5). Ai asla takanka bâk Baibil tânka kasak nani wan smalkisa bara upla skul tara diman nani kat sin nu âpu sa (1 Ko. 2:7, 8). Baku sin, Smasmalkra Kau Tara, Jisas, dîa daukan ba Baibil ra ulbi swin yawan nina blîkbia dukiara. Bara kangrigisan bâk sin wan smalkisa. Jehova yawan dîa nit ba wankan sa Baibil smalkaia dukiara. Bara upla ra lan daukaia dukiara Smalkisa bukka wankan upla ra natka isi kum ra smalkaia dukiara. Baibil stadika kum tâ briaia ba yawan sut daukaia sip sa.
4. ¿Yawan nahki nu sa Jehova hilp wan munbia?
4 Moses bara Jirimaya Jehova hilpka wal ai warkka daukan (Imp.St 4:11, 12; Jir. 1:7, 8). Yawan sin Jehova hilpka makabaia sip sa. Baku sin, Baibil stadika kum tâ brisa piua ra, Jehova tânka kasak ba smalkisa, naha ba Witin pain kaikisa (1 Jn. 3:22). Baha mita, Baibil stadika nani tâ briaia warkka ba tâ baiks, kan naha ba uba liliakira sa.