Introducción a la Palabra de Dios wauhkataya ba yus munbia upla nani wal aisi tâ krikaia.
1. ¿Dîa hilpka raya yawan brin smalkaia warkka dukiara?
1 Aidrubanka Kau Tara “Sigamos buscando primero el Reino de Dios” ba ra wauhkataya Introducción a la Palabra de Dios yawan brin. ¿Nahki naha wauhkataya raya na smalkaia warkka ra yus munbia tâ krikaia bîla nani aisaia ridi takisa piua ra? Naha ba Razonamiento bukka baku tiks ailal takisa tânka kumi bani dukiara, baha mita yus tara brisa. ¿Nahki yus munaia sip kabia smalki taki waia dukiara?
2. Smalkaia warkka ra “Introducción a la Palabra de Dios” wauhkataya ba, ¿nahki yus munbia?
2 Makabi walanka 8 ba yus muni naku wibia: “Upla manis wal aisi aula sa bara kaiki sna upla aihkika ba makabi walisa Gâd ba wan trabilka nani bri ba witin patka brisa sapa. [Plis kum kum ra kau pain sa ulbi sakanka wina makabi walanka daukaia.] ¿Man dîa luki sma? [Ansika maikbia swis.] Baibil ba ansika param yabisa”. Baibil borska taki ba tila wina kum kum aisi kaiki tânka aisaia sip sma. Watla dawanka ba kau nu takan daukisa kaka, pas wahia ra makabi walanka 20 taki ba mariks, bara uplika ra makabi wals ahkia yua kli balaia sip sma makabi walanka tila wina kum laki kaikaia. Apia kaka, Baibil stadi takaia dukiara yus muni ulbi sakanka kum saki, mariks nahki tânka kau laki kaikaia sip sa.
3. Naha wauhkataya raya wal kristian rilidianka âpu pliska ra, ¿nahki yus munbia?
3 Makabi walanka 4 bara 13-17 ba yus munaia sip sa upla kristian apia rilidianka bri pliska ra smalki sa taim. Sampla baku, 17 ba yus munma kaka naku wiaia sip sma: “Pamali nani ra hilp munaia dukiara upla nani ra wih kaiki taukisa. Yang nani kaiki sna pamali ba yu bani kau trabil brisa. ¿Man dîa luki sma? [Ansika maikbia swis.] Marit ailal ba naha kupia kraukanka sinskira ba laki kaikisa: “maya mairin ba ai maya waitna ra kulkaia sa.” [Nit apia sa uplika ra wiaia Epesus 5:33 wina saki aisi sma. Sakuna mairin kum wal aisi sma kaka, Epesus 5:28 ulbanka dukiara aisaia sip sma.] ¿Man luki sma naha kupia kraukanka daukbia kaka marit nani ra yamni munaia sip sa?”.
4. Kristian apia rilidianka bri uplika kum wal aisi danh takma taim, ¿dîa daukaia sip sa ban swiaia apia dukiara?
4 Aisi danh takma taim, tânka kau aisaia dukiara uplika ra wis ahkia kli balaia sip sma. Kli balma taim, sim makabi walanka tila wina bors wala yus munaia sip sma. Sanska kum takbia taim, uplika ra wis baha kupia kraukanka sinskira marikram ba Baibil wina sa. Dîa uplika wal aisaram ba, bara Baibil dukiara uplika dîa luki ba laki kaiki, ulbi sakanka kum aisi kaikaia sip kabia ba yas. (Gâd Warkka Dauki wauhkataya, Trisu kati 2013 wahia 3-6 ba kaiks.)