Marikanka nani

Kingka Lâka Sturka, numba 38

“Tasba aiska ra naha maisa pakanka painkira ba upla nani ra yabaia warkka tâ baiki sna. Naha ba man dukiam sa.”

Ulbanka: Kangrigisan ba smalkaia pliska bri ba sut wauhkataya yakabi swiaia dukiara, dîa upla nani wal aisabia ba kunhku kaia sa. Upla kum rait pali kau nu takan daukisa, bara man wal aisaia want sa kaka, wauhkataya mawan ra makabi walanka taki ba dukiara dîa luki ba uplika ra makabi wals, bara Apastil Nani Sturka 24:15 wauhkataya ra taki ba wina aisi kaiks, taim bâra sa kaka tânka kum aisas. Mahka waia dukiara “¿Dîa muni yawan almuk taki pruisa?”, makabi walanka nina sait ra taki ba uplika ra daukbia, bara ahkia kli balma yua ba wis.

La Atalaya Yahbra kati 1

“Upla manis bâra sa witin nani Gâd ra kasak lukras, kan Gâd dukiara kunin manis walan sa. ¿Ani ba kuninka tara kum sa lukisma? [Ansika maikbia swis.] Baibil ra wisa Gâd ba ai brinka sa upla nani ba Witin ra latwan kaikbia bara kasak lukbia [Aiseya 41:13 aisi kaiks]. Naha wauhkataya ra param sakisa nahki kunin tara yumhpa ba daukan sa upla nani Gâd wina laihura kabia.”

¡Despertad! Yahbra kati

“Upla manis wari takisa kan wan iwanka natka pain nani kata ba sut tiwisa naiwa piua ra. ¿Pat kaikram sa nahki wan iwanka natka pain nani ba tiwisa? [Ansika maikbia swis.] Baibil ba kaina manis win upla lukanka bara daukanka nani ba kau saura takbia. [2 Timoti 3:1-5 aisi kaiks.] Naha wauhkataya ra marikisa yawan Baibil smalkanka nani ba bribia kaka wan rayaka kau pain iwbia.”