¿Man Lilia bas ban kaia ra bukka wina nahki kasak yamnika sakaia sip sma ki?

Lilka bara makabi walanka nani Man lilia bas ban kaia ra bukka ra taki ba yawan kasak laik sa. Baku sin, “Upla kum kum naku lukisa”, “Naha na trai muns” bara “Kau pliki kaiks” bakska nani ba yuskira sa. Kuna, ¿naha bukka wal Baibil klaska yabaia dukiara dîa sin hilp mai munbia? (Matiu 28:19, 20).

Lilka bara ulbi sakanka. Print munan bukka ba yus munisma kaka, ¿lilka bara ulbi sakanka nani nit sma ba ani wina pliki sakaia sip sma? Sip sma celularkam ra bukka brisma ba ra waia, bara pîska 4 nani wina kum wahbi sâks. Las pîska ra “Lilka bara ulbi sakanka” bakska ba kaikma. Lilka nani sut marikisa, bara smalkanka wala nani ra waia sin sip sa (lilka 1).

“Edición impresa” wahbi sakisma taim. Baibil klaska kum yabisma taim, celularkam ra bukka alahbi brisma, kuna nahki bukka print munan ba kaikaia want sma kaka, “Edición impresa” wahbi sakaia sip sma. Smalkanka kum ra sma kaka, tnaya ra krukma sirpi yumhpa ba tais, bara “Edición impresa” ba wahbi sâks. Baha ra mai marikisa smalkanka lilkika aiska ba, baku man kaikma dîa stadi takaisma ba. Kli bukkam ra tawaia dukiara krukma sirpi yumhpa ra was, bara “Edición digital” ba wahbi sâks, apia kaka mununhta ra krukma kum ba tais.

“¿Yang ridi sna ki?”. Naha bakska nani ba pîska 4 las ra takisa. Bara marikisa kangrigisan wal smalkaia bara tahbi daukan lâka briaia dukiara dîa daukaia nit sa (lilka 2).

Ulbanka tâka nani. Ulbanka tâka nani sin pîska 4 las ra takisa. bara smalkanka kau tânka tara bri ba dukiara tânka nani marikisa. Alahbi brisma bukka ra ulbanka tâka kumi bani las pîska ra Internet enlaceka kum brisa, taima kaka smalkanka kaiki kapram ba ra kli mai brih wisa (lilka 2).