Изучувач го поместува наназад датумот на еден библиски манускрипт

Според Карстен Питер Тиде, германски експерт по папирологија, постои силен доказ дека трите папирусни фрагменти од Евангелието по Матеј (познати како магдаленски папирус) се напишани во првиот век.

Откако ги споредил фрагментите (кои содржат делови од Матеј, 26. поглавје) со едно древно деловно писмо кое било пронајдено во Египет, Тиде забележал дека египетскиот документ толку личи на „Магдаленскиот папирус како да му е речиси двојник — според општиот изглед и според обликот и творбата на поединечните букви“. Во својата книга Eyewitness to Jesus—Amazing New Manuscript Evidence About the Origin of the Gospels, Тиде и коавторот Метју Џанкона заклучуваат дека сличностите меѓу овие два документа покажуваат дека биле напишани отприлика во истото време. Кога? Деловниот документ е датиран „,во 12-тата година од Господ Нерон, Епиф 30-ти‘ — што, според нашиот календар е 24 јули 66 [н. е.]“.

„Ова датирање, доколку е точно, е од крајна важност“, коментира професор Филип В. Камфорт, во една статија објавена во Tyndale Bulletin, „бидејќи го става манускриптот на Евангелието по Матеј во истиот век кога е и напишано.“ Исто така, тоа би направило магдаленскиот папирус да биде најстар од постоечките фрагменти на Евангелијата.

[Слика на страница 29]

Магдаленскиот папирус, во вистинска големина

[Извор на слика]

Со дозвола на ректорот и асистентите на Магдаленскиот колеџ (Оксфорд)