Можеш да ја дознаеш иднината!
Повеќето луѓе сериозно размислуваат за иднината. Тие сакаат да планираат, мудро да инвестираат и да се чувствуваат безбедно. Но, дали постои некаков начин да се биде сигурен во тоа што ќе донесе утрешнината?
СО ЦЕЛ да откријат што донесува иднината, луѓето експериментирале со сѐ и сешто. Социјалните научници наречени футуролози ги анализираат моменталните трендови и на темел на тоа прават прогнози. Економистите го прават истото на сопственото поле. Астролозите и гатачите гледаат на хороскопи, на кристални топки и на она окултното, и имаат огромен број следбеници. На пример, иако веќе со векови е мртов, францускиот астролог Нострадамус и понатаму е популарен.
Сите овие наводни пророци се покажале многу недоверливи и разочарувачки. Зошто? Бидејќи го игнорираат Јехова Бог и неговата Реч, Библијата. Затоа не успеваат да одговорат на некои основни прашања, како што се следниве: ‚Зошто можам да бидам сигурен дека работите кои се претскажани во Библијата ќе се случат? Како тие се вклопуваат во Божјата намера за луѓето? Како можеме моето семејство и јас да извлечеме корист од овие пророштва?‘ Библијата одговара на овие прашања.
Библиските пророштва се супериорни и на многу други начини. За разлика од астролошките прогнози, тие дозволуваат слободна волја на личноста. Според тоа, никој не е жртва на судбина (5. Мојсеева 30:19). Записите, како што се оние на Нострадамус, се морално празни, а таа празнина ја покриваат со мистерија и сензационализам. Но, библиските пророштва имаат цврста морална основа. Тие објаснуваат зошто Бог ќе стори онака како што имал намера (2. Летописи 36:15). Исто така, Јеховините пророштва никогаш не пропаѓаат, зашто „Бог не лаже“ (Тит 1:2). Затоа, поединците кои се водени од Божјата реч живеат просветлен, смисловен и среќен живот без да го трошат своето скапоцено време и своите средства на ништожни стремежи (Псалм 24:12, 13).
За овие и за многу други работи беше дискутирано на Обласните конгреси на Јеховините сведоци „Божјата пророчка реч“ за 1999/2000 кои се одржаа ширум светот. Предавањата, интервјуата, приказите и библиската драма им го свртеа вниманието на присутните кон прекрасното духовно наследство кое го уживаат оние кои ја проучуваат и ја применуваат Божјата пророчка реч. Следната статија ќе даде краток преглед на некои возбудливи врвни точки од конгресот.