Летни потсетници
1 Многумина од нас нема да бидат во матичното собрание во текот на месеците за годишен одмор ова лето, како кога ќе присуствуваат на обласни конгреси. Ако не сме тука на крајот од месецот, не треба да заборавиме да му го испратиме својот извештај од службата на собранискиот секретар. Ова треба да го сториме доволно рано за тој да биде вклучен во собранискиот месечен извештај кој секретарот го собира и го испраќа на Заедницата до шести во месецот.
2 Исто така сакаме да бидеме будни за поволните прилики за неформално сведочење. Таквите поволни прилики можат да се појават додека патуваме, посетуваме роднини или разговараме со другите што ги среќаваме. Дали како Исус бараме прилика да дадеме сведоштво? Тој не се воздржувал од неформално сведочење (Јован 4:5-30). Апостол Павле на ист начин ‚го откупувал поволното време‘ и се радувал на одличните резултати (Ефеш. 5:16, NW; Дела 17:17; 28:30, 31; Кол. 4:5). Направи конкретни планови да учествуваш во неформалното сведочење. Биди добро подготвен со неколку актуелни мисли за разговор и имај при рака списание или трактат за да подбудиш интерес.
3 Со внимателно применување на овие потсетници нема да пропуштиме своето време ова лето да го користиме мудро и да му ги дадеме на Јехова своите ‚првини од плодовите‘ (Изр. 3:9).