Целосно поддржувај ја програмата на Состаноците за јавност на твоето собрание
1 Пред неколку години еден млад човек нашол леток кој соопштувал во кое време се состаноците на месното собрание. Бидејќи ја барал вистината, одлучил да присуствува на Состанокот за јавност истата таа недела, а во салата дошол малку порано. Еден објавител срдечно го поздравил и во текот на разговорот му понудил библиска студија која тој ја одбил. Меѓутоа, бил толку одушевен од добро подготвеното предавање за јавност, што се предомислил и после состанокот ја прифатил студијата. Овој млад човек брзо напредувал и се крстил по неколку месеци. Од ова искуство можеме да научиме најмалку три корисни лекции.
2 Прво, Состанокот за јавност бил соопштен. Кога претседавачот го најавува насловот на јавното предавање што ќе се одржи следната седмица, мисли на оние од твоето подрачје, кои можеби се посебно заинтересирани за таа тема, сеедно дали текушто ја читаат нашата литература или не. Некои луѓе не сакаат да читаат или читаат со голема тешкотија, но можеби ќе бидат спремни да чујат говор на библиска тема.
3 Второ, на новодојдениот му било укажано срдечно добредојде. Ако испланираш да дојдеш во салата колку што е можно порано, можеш да се поздравиш со своите браќа и сестри како и со некои интересенти (Евр. 10:24). Ако новодојдениот присуствува за првпат, можеби не знае што да очекува. Објасни му дека нашите состаноци започнуваат со песна и молитва и кажи му како ќе се води состанокот. Ако е прикладно, покани го да седи до тебе за да може да следи од твојата Библија и песнарка. Предложи му, после состанокот, да продискутирате за секое негово прашање.
4 Трето, говорот бил добро подготвен. Оние кои имаат предност да го претставуваат собранието како јавни говорници трошат долги часови во подготвување и вежбање на материјалот со цел да ги поттикне слушателите на поголема љубов и добри дела. Денес секој од нас е под притисок, а закрепнувачките вистини од Божјата Реч се токму она што ни е потребно за да истраеме. Се разбира, колку и да е информативно, јавното предавање малку ќе ни користи нам лично ако не посветуваме поголемо внимание на она што се кажува. Дали понекогаш имаш потешкотии да се сконцентрираш во текот на говорот? Од корист ќе ти биде ако правиш кратки белешки, токму како што правиме често на нашите конгреси. Не пропуштај да го следиш во својата Библија секој библиски стих што се чита и објаснува.
5 Заедницата овозможува јавни предавања на голем број различни библиски теми. Делувајќи преку претседавачкиот надгледник или преку брат кој тој го одредил, старешинството ја координира програмата на собраниските Состаноци за јавност. Темите што ги истакнува Заедницата се избрани за да ги задоволат текуштите месни потреби. Не пропуштај ниту една од овие битни информации и потполно поддржувај го седмичниот Состанок за јавност на твоето собрание.