Достигни ги сопружниците не-Сведоци
1 Причина за голема радост е кога брачните двојки се обединети во вистинското обожавање. Меѓутоа, во многу семејства патот на вистината го има прифатено само еден од брачните партнери. Како можеме да ги достигнеме тие сопружници не-Сведоци и да ги охрабриме да го обожаваат Јехова заедно со нас? (1. Тим. 2:1—4).
2 Разбери го нивното мислење: Иако некои сопружници не-Сведоци може да се противат, почесто тоа е проблем на рамнодушност или недоразбирање. Некое лице може да се чувствува изоставено или да биде љубоморно поради новопронајдениот духовен интерес на неговиот партнер. „Сам во куќата, се чувствував напуштен“, се сеќава еден сопруг. „Имав чувство како мојата сопруга и децата да ме напуштаа“, вели друг. Некои мажи можеби мислат дека го губат своето семејство во некоја религија. (Види Стражарска кула од 15 август 1990, страници 20—23 [англ.].) Поради тоа, доколку е можно, најдобро е уште на почетокот сопругот да биде вклучен во подготовката за домашна библиска студија заедно со неговата сопруга.
3 Работете како тим: Една двојка Сведоци делотворно работеле заедно помагајќи им на оженетите луѓе да дојдат во вистината. Откако сестрата ќе воспоставела студија со сопругата, братот ќе извршел посета кај сопругот. Честопати можел да започне студија и со сопругот.
4 Биди пријателски настроен и гостољубив: Семејствата во собранието можат да помогнат покажувајќи интерес за семејствата кои сѐ уште не се обединети во вистинското обожавање. Неколку пријателски посети можат да му помогнат на сопружникот не-Сведок да ги види Јеховините сведоци како срдечни, грижливи христијани кои ги имаат при срце најдобрите интереси на секој еден.
5 Одвреме навреме старешините можат да разгледаат кои неодамнешни напори се направени за да се достигнат сопружниците не-Сведоци и да одредат што уште може да се стори со надеж да бидат придобиени кон Јехова (1. Петр. 3:1, НС, фусн.).