Како да ја зголемиме радоста од состаноците
1 Состаноците се неопходни за нашата духовна благосостојба. Радоста што произлегува од нив е директно поврзана со она што го правиме пред, за време на состаноците и после нив. Како можеме да си помогнеме себеси и на другите да ја задржат радоста од присуството на состаноците на едно високо ниво?
2 Пред состаноците: Подготовката има директна врска со радоста што ја чувствуваме од состаноците. Кога сме добро подготвени, посклони сме да внимаваме и да учествуваме. Освен тоа, секоја задача што ќе ја добиеме треба добро да ја подготвиме со цел да ги изнесеме информациите точно според упатствата и да го задржиме интересот на присутните. Треба темелно да ја извежбаме. Кога придонесуваме за живи и изградувачки состаноци кои им користат на сите, нашиот личен напредок станува видлив и чувствуваме поголема радост (1. Тим. 4:15, 16).
3 За време на состаноците: Коментирањето на состаноците може да ни помогне повеќе да уживаме во нив. Деловите за кои се бара учество на присутните треба да се сметаат за лична задача на секого во собранието. Обично најмногу се постигнува со коментарите кои се кратки и конкретни. Краткото раскажување изградувачки искуства може да биде многу охрабрувачко и освежувачко, и треба да бидеме подготвени да ги вклучиме секогаш кога ќе се укаже прилика во програмата (Изр. 15:23 NW; Дела 15:3). Кога изнесуваме некоја точка од состанокот, треба да зборуваме воодушевено и убедливо, правејќи ја интересна, реалистична и практична.
4 После состаноците: Споделувањето со другите љубезен збор, пријателски поздрав и неколку клучни мисли кои биле разгледани на состаноците ќе ни биде од корист на сите нас. Изразувањето на нашата радост кога ќе ги видиме младите, постарите и новите како учествуваат, ја продлабочува љубовта на братството. Наместо да зборуваме негативно за некои кои можеби ги пропуштаат состаноците, треба да им ја пренесуваме радоста од нашето присуство и со тоа да ги охрабриме да присуствуваат (Евр. 10:24, 25).
5 Да не се лишуваме себеси од оваа неопходна подготовка за размена на охрабрување (Рим. 1:11, 12). Со совесно вложување искрени напори, сите ние можеме да одржиме радост од присуството на христијанските состаноци.