Проповедањето нѐ разликува
1 Многу луѓе прашуваат: „По што се разликуваат Јеховините сведоци од другите религии?“ Како би одговорил ти? Би можел да објасниш некои од нашите библиски темелени верувања. Но, дали си помислил и на тоа да истакнеш колку многу нашата јавна служба нѐ разликува од другите религии? (Мат. 24:14; 28:19, 20).
2 Денес малкумина религиозни луѓе се мотивирани да ги споделат своите верувања со другите. Можеби мислат дека е доволно да ги слушаат законите на цезарот, да водат морално чист живот или, пак, да прават добри дела за другите. Сепак, не чувствуваат обврска да им помогнат на другите да научат што вели Библијата за добивањето спасение. Во кој поглед ние сме поинакви?
3 Нашата ревносна служба е во остра спротивност со активностите на другите религии. Повеќе од 100 години, денешните сведоци трудољубиво ја проповедаат добрата вест до краевите на земјата, имитирајќи ги раните христијани. Нашата цел додека го правиме тоа е да им помогнеме на колку што е можно повеќе луѓе да ги доведат своите животи во склад со Божјата волја (1. Тим. 2:4; 2. Пет. 3:9).
4 На каков глас си? Дали си познат како ревносен проповедник на Божјата реч? (Дела 17:2, 3; 18:25). Поради твојата проповедничка активност, дали твоите соседи веднаш ја увидуваат разликата помеѓу нивната и твојата религија? Дали си познат како таков кој е желен да ја дели оваа надеж со другите? Дали имаш редовна рутина на учество во службата? Запомни дека ние не се разликуваме од другите само по нашето име туку и по тоа што го правиме она што го опишува тоа име — сведочиме за Јехова (Иса. 43:10).
5 Љубовта кон Бог и кон ближниот нѐ мотивира да се ангажираме во проповедничката активност (Мат. 22:37—39). Затоа ние, исто како Исус и апостолите, сакаме да ја искористиме секоја прилика за да ја споделиме со другите пораката за Царството. Да продолжиме ревносно да им ја проповедаме добрата вест на оние кои сакаат да слушаат. Тоа ќе им помогне на оние кои се со искрени срца да ‚ја видат разликата помеѓу . . . оној кој Му служи на Бога и оној кој не Му служи“ (Мал. 3:18).