Рубрика прашања

◼ Како да постапиме за да ги прекинеме неплодните библиски студии?

За ова прашање треба да размислиме ако некоја од нашите сегашни студии е во тек повеќе месеци. Дали интересентот доаѓа на собраниските состаноци и дали почнува да го менува животот во склад со она што го научил од Божјата реч? Ако е така, сакаме да продолжиме да му помагаме. Но, ако тоа не е случај, можеби ќе биде подобро ако нашето време го користиме за да им сведочиме на други.

Ако сфатиш дека треба да прекинеш некоја студија, љубезно разговарај за тоа со станарот. Кажи му дека за тебе било предност да му пренесеш што вели Библијата. Сега останува на него да одлучи што ќе стори во врска со она што го научил и да преземе иницијатива да постапува во склад со тоа (Ис. Нав. 24:14, 15).

Истакни ја итноста на времињата и објасни дека сакаме да им дадеме и на други иста прилика да ја научат вистината и да заземат став на Јеховината страна (Соф. 2:3).

Објасни му на станарот дека ќе стоиш на располагање и дека, ако сака да стапи во контакт со тебе, ќе ти биде драго да му помогнеш духовно. Охрабри го сериозно да размисли за правецот што треба да го заземе за да му угоди на Јехова и да се моли за тоа. Поттикни го да доаѓа на состаноци и кажи му дека, ако навистина одлучи да му служи на Јехова и редовно доаѓа во собранието, ќе ти биде драго да ја продолжите студијата користејќи понов материјал за да му помогнеш да напредува кон зрелост. (Види и Наша служба за Царството од јуни 2000, страница 4, пасус 3.)