Нашиот живот и служба — работни листови

Превод на референци кои ги нема на македонски

10-16 ЈУЛИ

ОД РИЗНИЦАТА НА БОЖЈАТА РЕЧ | ЕЗЕКИЕЛ 15-17

„Дали си ги одржуваш ветувањата?“

w88-E 15/9 17, пас. 8

Јехова го извлекува својот меч!

Владетелите на Вавилон и Египет се споредени со големи орли. Едниот орел откршил врв на кедар така што го симнал од престолот царот Јоахин и го заменил со Седекија. Иако Седекија се заколнал дека ќе му биде лојален на Навуходоносор, ја прекршил заклетвата и побарал воена помош од египетскиот владетел, другиот голем орел. Ако Седекија при својата заклетва се повикал на Божјето име, тогаш му нанел срам на Јехова кога ја прекршил. Самата помисла дека ќе му нанесеме срам на Бог треба да нѐ поттикне да си стоиме на зборот. За нас е голема чест да го носиме Божјето име! (Езекиел 17:1-21).

31 ЈУЛИ — 6 АВГУСТ

ОД РИЗНИЦАТА НА БОЖЈАТА РЕЧ | ЕЗЕКИЕЛ 24-27

Најди духовни бисери

w88-E 15/9 21, пас. 24

Јехова го извлекува својот меч!

Езекиел требало да се однесува на необичен начин. (Прочитај Езекиел 24:15-18.) Зошто овој пророк не смеел да покаже дека тагува кога му починала жената? За да покаже колку ќе бидат вчудовидени Евреите кога ќе бидат уништени Ерусалим, неговите жители и храмот. Она што Езекиел веќе го кажал во врска со тоа било доволно. Тој повеќе немало да ја пренесува Божјата порака сѐ додека не чуе дека Ерусалим е уништен. Слично на тоа, христијанскиот свет и лицемерните верници ќе бидат вчудовидени при уништувањето на лажното христијанство. Откако ќе почне големата неволја, она што помазаниците веќе го кажале за неговиот крај ќе биде доволно (Матеј 24:21). Кога Божјиот меч ќе падне врз лажното христијанство, лажните христијани и другите ќе бидат вчудовидени и ќе знаат дека Јехова е Бог (Езекиел 24:19-27).