Кого ќе го избереш за водач? Што вели Библијата?

Луѓето си бираат водачи. Тоа е многу важна одлука.

Што вели Библијата?

Луѓето кои владеат се ограничени

Библијата опишува во кој поглед се ограничени сите луѓе кои се на власт.

• „Немајте доверба во достоинствениците, ниту во некој друг земен човек, од кого нема спасение! Животната сила му излегува, и тој се враќа во својот прав — во тој ден пропаѓаат неговите мисли“ (Псалм 146:3, 4, фуснота).

Дури и најспособните водачи кога-тогаш ќе умрат. Освен тоа, нема гаранција дека оние што ќе ја преземат власта по нив ќе успеат да ги задржат добрите резултати што дотогаш биле постигнати (Проповедник 2:18, 19).

Од Библијата дознаваме дека Бог никогаш немал намера луѓето да владеат едни над други.

• „Патот на земниот човек не е во негова власт. Човекот кој оди не може да управува со своите чекори“ (Еремија 10:23).

Тогаш, дали постои некој кој може да ни го пружи водството кое ни е потребно денес?

Водач кој е поставен од Бог

Библијата објаснува дека Бог поставил еден водач кој е многу способен и во кого може да имаме целосна доверба — Исус Христос (Псалм 2:6). Исус е Цар на Божјето Царство — влада која постои на небото (Матеј 6:10).

Дали ќе го прифатиш Исус како водач? Библијата објаснува колку е важно да донесеме таква одлука:

• „Поздравете го синот [Исус Христос] за Бог да не се разгневи и пропаста да не ве тргне од патот, зашто Божјата лутина лесно пламнува. Среќни се сите на кои Бог им е засолниште“ (Псалм 2:12).

Сега е време да заземеме страна. Библиските пророштва покажуваат дека Исус почнал да владее во 1914 год. и дека наскоро Божјето Царство ќе ги замени сите човечки влади (Даниел 2:44).

За да дознаеш како можеш да покажеш дека го поддржуваш Исус како водач, прочитај ја статијата „Поддржувај го Божјето Царство уште сега!“