Соработување со нашиот водител на Собраниската студија на книга
1 Собраниската студија на книга игра битна улога во развојот на нашите способности како слуги на добрата вест. Групите намерно се одржуваат мали за да се создаде срдечна, семејна атмосфера додека се проучува Библијата и една од публикациите на Заедницата. Овие помали единки исто така пружаат идеални услови во кои се оспособуваме да бидеме поделотворни во службата на подрачјето. Преку уредувањето за студија на книга секој поединечно може да се охрабри и да му биде посветено лично внимание. Како можеме попотполно да соработуваме со водителот и да извлечеме корист од оваа одлична подготовка?
2 Ревносно учествувај во службата на подрачјето: Една од најважните одговорности на водителот на студијата на книга е да му помогне на секој член на групата ревно да учествува во службата. Во тој поглед, книгата Наша служба на страница 45 нѐ потсетува дека „редовноста, ревноста и одушевувањето што тој ги има во службата на проповедање ќе се одразат и на објавителите“. Повремено водителот ќе работи во службата со членовите на неговото семејство, но исто така ќе биде среќен да ги придружува и другите, колку што допуштаат околностите, во различните гранки на службата. Можеш ли редовно да ги поддржуваш состаноците за служба на проповедање? Водителот на студија на книга и другите објавители многу ќе го ценат таквото твое постапување.
3 Состаноците за служба на подрачјето се договараат на погодни места за сите да можат да имаат ревносен удел во делото на проповедање. Иако се обрнува внимание на месните околности, секоја група ќе сака што порано да започне со службата. Многу објавители и пионери имаат одличен успех кога продолжуваат со службата и после дванаесет часот напладне во текот на викендите.
4 Дали би сакал да добиеш помош во некоја гранка на службата? Можеби твојот водител на студија на книга може да уреди некој способен објавител од групата да работи со тебе. На крајот од месецот не заборави без одлагање да го предадеш својот извештај од службата на проповедање. И водителот на студија на книга и секретарот ќе ја ценат твојата соработка и на ова важно поле. (Спореди Лука 16:10.)
5 Кога надгледникот за служба ја посетува групата: Надгледникот за служба обично секој месец посетува по една група за студија на книга со цел да охрабри на поголема и позначајна активност во службата на подрачјето. Внимателно следи го 15-минутниот говор што тој го држи при крајот на студијата на книга, оти тоа ќе пружи конкретни совети кои ќе ѝ помогнат на групата да се подобри во различни обележја на делото на проповедање. Надгледникот за служба исто така е желен таа седмица да работи со различни членови на групата за студија на книга. Биди решен да ѝ дадеш предност на оваа посебна подготовка за да можеш да извелечеш корист од неговото искуство и способности на подрачјето.
6 Нашиот личен пример на соработка и спремноста да им помагаме на понеискусните ќе ни помогнат да создадеме срдечна, пријателска амосфера на Собраниската студија на книга додека „им правиме добро на сите, а најмногу на своите по вера“ (Гал. 6:10).