Да им се помогне на новите да напредуваат
1 На 17. април 1992, скоро 11,5 милиони луѓе ширум светот се состанаа да го прослават Споменот на Христовата смрт. Ова беше преку два и пол пати повеќе од вкупниот број на објавители поврзани со собранијата на Јеховините сведоци. Колку е радосно да се видат такви мноштва како се собираат „на гората Господова“! (Мих. 4:2). Моментално има околу седум милиони луѓе кои покажуваат извесна мера на интерес за вистинското обожавање, а сѐ уште не се јавни фалители на Јехова. Несомнено, Исусовите зборови дека „жетвата е голема“ никогаш не биле толку значајни (Мат. 9:37, 38).
2 Во текот на април, ќе правиме посебни напори да им помогнеме на сите кои ги исполнуваат условите да учествуваат во службата на проповедање. Водителот на Собраниска студија на книга, со помош на другите способни објавители и пионери во неговата група, ќе игра клучна улога во тоа. Наша трикратна цел е 1) да договориме домашна библиска студија со новите кои оваа година присуствувале на посебното јавно предавање и на Споменот; 2) да ги охрабриме оние кои проучуваат да ги исполнат условите за некрстени објавители и 3) да го зголемиме нашиот личен удел во службата на проповедање.
3 Сите треба да направат посебни напори да им изразат добредојде и да се запознаат со новите кои посетиле било кој од нашите состаноци. Што можеме да сториме за да ги охрабриме таквите заинтересирани луѓе да имаат редовна библиска студија?
4 Во 1992 службена година, во Македонија секој месец во просек се водеа 228 библиски студии. Објавителите можат да го поканат својот водител на студија на книга да ги придружува на библиските студии за да се запознае со учениците (km 3/81, стр. 2). Некои од овие библиски ученици можеби ги посетуваат состаноците и се оспособени да учествуваат во делото од куќа до куќа. Дали новите донекаде редовно сведочат неформално? Дали ги исполниле условите за некрстени објавители, што се изнесени во Наша служба, стр. 99-101? Ако е така, објаснете им како можат да започнат со работата од куќа до куќа откако ќе бидат признаени за некрстени објавители.
5 Не смееме да заборавиме да се охрабруваме еден со друг во нашата христијанска заедница (Евр. 10:24, 25). Ако некој забавил во неговата служба, водителите на студија на книга треба да направат одредени подготовки да му пружат помош и охрабрување. Понекогаш, сѐ што е потребно е една срдечна покана да нѐ придружува во службата на подрачјето.
6 За април да се направи истакнат месец на активности во службата на подрачјето ќе биде потребна соработката на сите. Одушевеното водство на водителот на собраниска студија на книга може да биде значајно додека му помага на секој член на неговата група да има целосен удел во службата. Можат да се подготват додатни состаноци за служба. Посебно внимание може да им се посвети на постарите, а и на младите може да им се помогне на практични начини. Родителите треба да се погрижат целото семејство да учествува во службата во текот на април. Ако секој од нас му го даде најдоброто на Јехова во ова време на жетва, и тој богато ќе нѐ благослови нас.