Да им се помогне на сите што покажале интерес
1 Нашата вера и љубовта кон другите ќе нѐ натераат во текот на март да им помогнеме и да ги поканиме на Споменот сите кои покажале интерес за пораката на Царството. На таквите им е потребно некој да ги доведе до Јеховината подготовка за спасение која се сосредоточува на Христовата откупна жртва (Евр. 9:28).
2 Добра идеја е да се направи список на оние кои сакаш да ги поканиш на Споменот. Вклучи ги сите кои повремено посетувале состаноци, како и оние кои порано проучувале или покажале интерес на друг начин. Немој да го заборавиш брачниот другар и другите членови на семејството кои не се верници. Откако ќе го направиш својот список, вложи посебни напори да го посетиш секој од нив. Можеби ќе сакаш да ги замолиш старешините да ти помогнат да направиш извесни посети.
3 Што можеш да кажеш на посетата?
Откако срдечно ќе поздравиш, можеш да кажеш нешто слично на ова:
■ „Досега покажувавте интерес за духовни работи, па мислев дека ќе ја цените и оваа покана на еден посебен настан. [Врачи му ја на станарот отпечатената покана за Споменот.] Споменот на Христовата смрт е единствениот настан за кој Господ Исус Христос им заповедал на своите следбеници да се сеќаваат. Со нетрпение очекуваме повторно да разгледаме што постигнал Христос со својата смрт и како можеме да добиеме вечен живот со нејзино посредство. Минатата година, на овој посебен состанок присуствуваа преку 11 милиони луѓе. Ќе ми биде задоволство оваа година да појдеме заедно.“ Немој да заборавиш да го запишеш времето и местото на кое твоето собрание ќе го прослави Споменот. Исто така, понуди се за превоз ако е потребно.
4 Кога новите ќе дојдат на Споменот, треба да им се покаже дека се добредојдени. Помогнете им да се запознаат со месните објавители и претставете ги на било кој интересент кој можеби живее во нивна близина. Тоа ќе им овозможи да дознаат дека и други луѓе од нивното соседство се заинтересирани за вистината. Ако е можно, предложете им да седнат покрај вашето семејство за време на прославата на Споменот.
5 Се разбира, самото присуствување на Споменот нема да им гарантира спасение. Но, за многумина кои ќе ги поканите тоа може да биде првиот чекор кон покажување на вера во Исусовата пролиена крв. Додека патувате од состанокот дома, прашај го посетителот дали ќе сака следната недела да присуствува на Состанокот за јавност и на Студијата на Стражарска кула. Биди срдечен и пресретлив. Стави му до знаење дека си спремен, ако си во можност, да му помогнеш на било кој начин. Колку побрзо ќе почне редовно да се дружи со нас толку побрзо ќе напредува духовно. Колку ќе бидеме радосни и задоволни ако ја преживее ‚големата неволја‘ заедно со многу други за кои сме биле во состојба да им помогнеме (Откр. 7:9, 14).