Изградувајте се еден со друг коментирајќи на состаноците
1 Во Евреите 10:24 сме советувани „да се поттикнуваме кон љубов и добри дела“. Ова вклучува да се изградуваме еден со друг давајќи смисловни коментари на собраниските состаноци. Зошто треба да коментираме? Како можеме да го правиме тоа? Кој може да извлече корист од тоа?
2 Помисли на сите оние прилики кога ти било од корист додека си ги слушал другите како даваат едноставни, јасни изјави кои го зголемиле твоето разбирање и духовно те зајакнале. Имаш предност да го правиш истото за нив. Кога имаш учество, ти ја покажуваш својата желба ‚да предадеш некој духовен дар‘ за охрабрување на сите присутни (Рим. 1:11, 12).
3 Како да даваш добри коментари: Не давај долги коментари кои ја опфаќаат секоја мисла од пасусот. Опширните коментари обично пропуштаат да го прецизираат конкретниот одговор и може да ги обесхрабрат другите да учествуваат. Првиот коментар на пасусот треба да биде краток, директен одговор на отпечатеното прашање. Оние кои даваат додатни коментари можат да укажат на практичната примена на материјалот или, пак, да покажат како се применети стиховите. (Види Vodič, страници 86—88.)
4 Ако самата помисла да коментираш малку те вознемирува, тогаш однапред подготви краток коментар и замоли го водителот да те праша за тој пасус. Откако ќе го направиш ова на неколку состаноци, ќе ти стане полесно да учествуваш. Сети се дека Мојсеј и Јеремија изразиле недостиг на доверба во нивната способност да зборуваат пред јавност (2. Мој. 4:10; Ерем. 1:6). Но, Јехова им помогнал да зборуваат во негова корист, а ќе ти помогне и тебе.
5 Кому ќе му користат твоите коментари? Ти користат тебе лично затоа што поцврсто ја врежуваат вистината во твојот ум и срце, олеснувајќи ти подоцна да се сетиш на тие информации. И другите имаат корист кога ги слушаат твоите изградувачки изјави. Охрабрени сме кога сите — сеедно дали искусни, млади, срамежливи или нови — се трудат да ја изразат својата вера на собраниските состаноци.
6 Сигурно ќе откриеме дека ‚зборовите во право време, о колку се добри‘ кога ги користиме за да се изградуваме еден со друг на состаноците! (Изр. 15:23, NW).