Проповедањето на Царството помага да се спасат животи!
1 Тоа е најважното дело што се извршува во светот во ова време. Јехова Бог, Исус Христос и миријади ангели го насочиле вниманието врз него. Кое е тоа дело и зошто е толку важно? Проповедањето на Царството, кое помага да се спасат животи! (Рим. 1:16; 10:13, 14).
2 Некои луѓе можеби сметаат дека подобро ќе им служиме на другите ако се вклучиме во обидите да се подобри светот во кој живееме. Многумина се преокупирни со напорите да се постигне мир, да се излечат болестите или да се подобри економијата. Но, што е она што најмногу ќе им помогне на луѓето?
3 Ненадминливо дело: Само пораката за Царството ја објаснува смислата на животот, причината за човечкото страдање и единствената сигурна надеж за иднината. Добрата вест им овозможува на луѓето да станат Јеховини пријатели и со тоа да го добијат „мирот Божји, кој ја надминува секоја мисла“ (Фил. 4:7). Само пораката за Царството дава практично водство што им помага на луѓето да се справат со животните проблеми сега и објаснува како да преживеат кога во иднина ќе биде уништен злобниот свет (1. Јов. 2:17). Зарем не вреди за тоа да ги вложиме сите можни напори во проповедањето на Царството?
4 Да илустрираме: Кој би бил најдобар начин да му се помогне на некое село каде што сите спијат, а му се заканува опасност наскоро да се сруши една брана? Да се црпи водата зад попуштената брана? Да се разубави несреќното село? Не! Некој мора да ги разбуди селаните, да ги предупреди за претстојната катастрофа и да им помогне да избегаат! Оние што се духовно заспани денес се наоѓаат во голема опасност (Лука 21:34—36). Бидејќи овој систем на работи наскоро ќе помине, да настојуваме да му проповедаме со најголема итност на секого што можеме! (2. Тим. 4:2; 2. Пет. 3:11, 12).
5 Продолжи со тоа дело: Да бараме начини на кои можеме да достигнеме уште повеќе искрени луѓе со добрата вест — во нивните домови, на улица, по телефон и неформално. Делото што ни го дал Јехова е најважното дело што можеме да го извршуваме. Ако го извршуваме ревносно, ‚ќе се спасиме и себеси и оние кои нѐ слушаат‘ (1. Тим. 4:16).