Нашата официјална веб-страница — наменета да ни помогне и нам и на другите
Исус ни дал задача да ја проповедаме добрата вест за Царството „по целиот свет, за сведоштво на сите народи“ (Мат. 24:14). За да можеме ‚потполно да ја извршиме својата служба‘, веб-страниците watchtower.org, jw-media.org и jw.org беа комбинирани во една страница со нов дизајн — jw.org (2. Тим. 4:5).
„По целиот свет“: Околу една третина од светското население користи Интернет. За многу луѓе, а посебно за младите, Интернет стана главен извор на информации. Нашата веб-страница им дава на корисниците на Интернет точни одговори на библиски прашања. Преку неа може да дознаат нешто повеќе за Јеховината организација и на едноставен начин да побараат библиска студија или, како што стои на нашата страница, бесплатен библиски курс. На тој начин, добрата вест може да продре до места каде што се мали шансите луѓето да ја чујат пораката за Царството.
„Сите народи“: За да им се даде сведоштво на „сите народи“, библиската вистина мора да е достапна на различни јазици. Секој што ќе ја посети страницата jw.org може лесно да најде информации на околу 400 јазици, повеќе отколку на која и да е друга веб-страница. (Напомена: Јазиците со кирилично писмо, вклучувајќи го и македонскиот, се наведени при крајот на листата со јазици.)
Користи ја: Веб-страницата jw.org доби нов изглед, но не само за да им се даде сведоштво на луѓето. Таа е наменета и за Јеховините сведоци. Ако имаш пристап до Интернет, те поттикнуваме да се запознаеш со нашата веб-страница. Еве неколку предлози како да ја користиме.
[Графикон на страница 3]
(Види во публикацијата)
Пробај
1 Внеси www.jw.org/mk во лентата за адреса на веб-прелистувачот на твојот компјутер.
2 Разгледај ја страницата преку темите од главното мени, подтемите во секоја од нив и линковите.
3 Пробај да ја отвориш страницата на кој и да било уред со пристап на Интернет, на пример, мобилен телефон или таблет. Изгледот на страницата се приспособува на малиот екран, но информациите остануваат исти.