Потребна е подготовка за да можеме вешто да поучуваме

Во најмалку две прилики, на Исус му било поставено истото прашање за вечниот живот, но секојпат го приспособувал одговорот на оној што го прашувал (Лука 10:25-28; 18:18-20). Затоа, иако можеби добро го познаваме материјалот за проучување на Библијата, треба однапред да се подготвиме за него размислувајќи за лицето со кое проучуваме. Кои работи би можеле да му бидат тешки да ги разбере или да ги прифати? Кои од наведените стихови треба да му ги прочитаме? Колку материјал треба да поминеме? За да му помогнеме на интересентот да сфати нешто, можеби ќе треба да подготвиме споредба, објаснување или неколку прашања. Освен тоа, бидејќи Јехова е тој што дава семето на вистината да расте во нечие срце, треба да го молиме да нѐ благослови додека се подготвуваме да проучуваме со интересентот, да го благослови интересентот и нашите напори да му помогнеме во духовен поглед (1. Кор. 3:6; Јак. 1:5).