ДА ЖИВЕЕМЕ КАКО ХРИСТИЈАНИ

Мудро бирај како ќе се забавуваш

Зошто мора да донесуваме мудри одлуки во поглед на изборот на забава? Бидејќи кога избираме кој филм да го гледаме, која песна да ја слушаме, која интернет-страница да ја посетиме, која книга да ја читаме или која видеоигра да ја играме, ние, всушност, избираме со што ќе си го полниме умот. Нашите одлуки влијаат врз нашето однесување. За жал, поголемиот дел од забавата која е достапна денес содржи работи кои Јехова ги осудува (Пс 11:5; Га 5:19-21). Од таа причина, Библијата нѐ поттикнува да размислуваме за работи кои му носат слава на Јехова (Фп 4:8).

ГЛЕДАЈ ГО ВИДЕОКЛИПОТ КАКВА ЗАБАВА ДА ИЗБЕРАМ?, А ПОТОА ОДГОВОРИ ГИ СЛЕДНИВЕ ПРАШАЊА:

Како некои денешни видови забава наликуваат на гладијаторските борби во древниот Рим?
Како можат членовите на собранието да им помогнат на младите мудро да бираат како ќе се забавуваат?
Како стихот од Римјаните 12:9 треба да влијае врз нашиот избор на забава?
Кои корисни видови забава се достапни во местото каде што живееш?

АКТИВНА ИЛИ ПАСИВНА ЗАБАВА?

Голем дел од забавата во светот ги поттикнува луѓето да бидат пасивни наместо активно да прават нешто. Филмовите, книгите и телевизиските програми се полни со креативност, но тоа се идеи на други луѓе, а не твои. Иако нема ништо погрешно во пасивната забава, многу луѓе сфатиле дека поголема корист има од активната забава. На пример, некои уживаат да свират на музички инструмент или да цртаат нешто. Други, пак, сакаат да се рекреираат надвор, така што ќе спортуваат, ќе пешачат во природа, ќе кампуваат и слично. Сеедно каква забава ќе избереме, важно е да правиме „сѐ за Божја слава“ (1Ко 10:31).