Добри дела кои Јехова нема никогаш да ги заборави

Секој Божји слуга може да прави работи за Јехова кои тој нема никогаш да ги заборави. Исто како еден родител кој ги сака своите деца и не ги заборава убавите работи што тие ги постигнале, така и Јехова нема да го заборави нашето дело и љубовта што ја покажуваме кон неговото име (Мт 6:20; Ев 6:10). Се разбира, сите ние имаме различни способности и околности. Сепак, ако правиме сѐ што можеме во службата за Јехова, ќе бидеме радосни (Га 6:4; Кол 3:23). Низ годините, илјадници наши браќа и сестри служеле во Бетел. Дали и ти би можел да служиш во Бетел? Ако твоите околности не ти го дозволуваат тоа, можеш ли да охрабриш некој друг да се стави на располагање за бетелска служба? Дали можеш да помогнеш некому што веќе служи во Бетел да продолжи со таа посебна служба?

ГЛЕДАЈ ГО ВИДЕОКЛИПОТ ЌЕ СЕ СТАВИШ ЛИ НА РАСПОЛАГАЊЕ ЗА БЕТЕЛСКА СЛУЖБА?, А ПОТОА ОДГОВОРИ ГИ СЛЕДНИВЕ ПРАШАЊА:

• Од кој мотив треба да сакаме да служиме во Бетел?

• Што рекле некои браќа и сестри за тоа какви благослови им донела бетелската служба?

• Кои се условите за бетелска служба?

• Како можеш да поднесеш молба за Бетел?