Дали извлекуваш корист од брошурката Секојдневно истражување на Писмото?

Дали имаш навика секој ден да го читаш дневниот стих и коментарот од брошурката Секојдневно истражување на Писмото? Ако не, дали би можел да почнеш да го правиш тоа? Мнозина го разгледуваат дневниот стих наутро, а потоа можат да размислуваат за него во текот на целиот ден (ИсН 1:8; Пс 119:97). Како можеш да извлечеш уште поголема корист од дневниот стих? Би можел да го прочиташ контекстот од кој е земен за да дознаеш нешто повеќе. Обиди се да се сетиш на некој библиски извештај на кој се однесува начелото кое е истакнато во стихот. Потоа размисли како тоа начело е поврзано со твојот живот. Кога донесуваш одлуки во склад со Божјата Реч, дозволуваш таа да те води во животот и можеш да имаш вистинска корист од неа (Пс 119:105).

Бетелските семејства низ целиот свет го разгледуваат дневниот стих за време на библиската утринска програма. Во последниве години, многу коментари од утринската програма беа ставени на JW Broadcasting^® во делот ПРОГРАМИ И НАСТАНИ. Кога последен пат гледаше некој од нив? Можеби некои од информациите што се изнесени таму се токму тоа што ти е потребно. На пример, како може извештајот за Лот да ти помогне кога донесуваш одлуки?

ГЛЕДАЈ ГО ВИДЕОКЛИПОТ НЕМОЈТЕ ДА ГО САКАТЕ СВЕТОТ (1ЈО 2:15), А ПОТОА ОДГОВОРИ ГИ СЛЕДНИВЕ ПРАШАЊА:

• На кое библиско начело се темелеше оваа утринска програма?

• Како извештајот за Лот покажува колку е опасно да го сакаме светот или она што е во него? (1Мо 13:12; 14:12; 19:3, 12, 13, 24-26).

• Како покажуваме дека го сакаме Јехова, а не светот или она што е во него?