Што може да ти помогне да ја читаш Библијата секој ден

Дали ти е тешко да ја читаш Божјата Реч секој ден бидејќи имаш многу обврски? (Ис. Нав. 1:8). Ако да, пробај еден од следниве предлози:

• Стави си дневен потсетник. Намести си аларм на твојот електронски уред за да те потсети да ја читаш Библијата.

• Чувај ја Библијата на видно место. Ако читаш од печатен примерок на Библијата, стави ја на место каде што секој ден можеш лесно да ја видиш (5. Мој. 11:18).

• Слушај аудиоснимки. На некои јазици Библијата е достапна во аудио формат за да може да ги слушаме аудиоснимките додека извршуваме некои вообичаени секојдневни активности. Тара, една мајка која работи ноќна смена и служи како пионер, вели: „Тоа што слушам аудиоснимки од Библијата додека ги извршувам домашните обврски ми помага редовно да ја читам Библијата“.

• Не се откажувај. Ако некои неочекувани околности ти го нарушат планот, прочитај барем неколку библиски стихови пред да си легнеш. Дури и по малку секој ден, може да ти користи многу (1. Пет. 2:2).