സുഭാഷിതങ്ങൾ
18 സ്വയം ഒറ്റപ്പെടുത്തുന്നവൻ സ്വാർഥതയോടെ സ്വന്തമോഹങ്ങൾക്കു പിന്നാലെ പോകുന്നു;
അവൻ ജ്ഞാനത്തെ അപ്പാടേ നിരസിക്കുന്നു.*
2 കാര്യങ്ങൾ ഗ്രഹിക്കുന്നതിൽ വിഡ്‌ഢിക്കു താത്‌പര്യമില്ല;
ഹൃദയത്തിലുള്ളതു വെളിപ്പെടുത്താനാണ്‌ അവന്‌ ഇഷ്ടം.+
4 മനുഷ്യന്റെ വായിലെ വാക്കുകൾ ആഴമുള്ള വെള്ളം;+
ജ്ഞാനത്തിന്റെ ഉറവയോ ഒഴുകുന്ന ഒരു അരുവിപോലെ.
8 പരദൂഷണം പറയുന്നവന്റെ വാക്കുകൾ രുചിയുള്ള ആഹാരംപോലെ;+
അതു വിഴുങ്ങുമ്പോൾ നേരെ വയറ്റിലേക്കു പോകുന്നു.+
10 യഹോവയുടെ പേര്‌ ബലമുള്ള ഗോപുരം.+
നീതിമാൻ അതിലേക്ക്‌ ഓടിച്ചെന്ന്‌ സംരക്ഷണം നേടും.*+
11 ധനികന്റെ സമ്പത്ത്‌ അവനു കോട്ടമതിലുള്ള ഒരു നഗരം;
അത്‌ ഒരു ഉയർന്ന മതിലാണെന്ന്‌ അവനു തോന്നുന്നു.+
16 സമ്മാനം നൽകുന്നത്‌ ഒരുവനു വഴികൾ തുറന്നുകൊടുക്കുന്നു;+
അത്‌ അവനെ മഹാന്മാരുടെ അടുത്ത്‌ എത്തിക്കുന്നു.
17 ആദ്യം പരാതി ബോധിപ്പിക്കുന്നവന്റെ ഭാഗത്താണു ശരിയെന്നു തോന്നും;+
എന്നാൽ എതിർകക്ഷി വന്ന്‌ അവനെ ചോദ്യം ചെയ്യുന്നതുവരെ മാത്രം.+
19 കോട്ടമതിലുള്ള ഒരു നഗരം കീഴടക്കുന്നതിനെക്കാൾ
പരിഭവിച്ചിരിക്കുന്ന സഹോദരനെ അനുനയിപ്പിക്കാൻ പ്രയാസം;+
ചില വഴക്കുകൾ കോട്ടയുടെ ഓടാമ്പലുകൾപോലെ.+
20 സംസാരത്തിന്റെ ഫലംകൊണ്ട്‌ ഒരുവന്റെ വയറു നിറയുന്നു;+
അവന്റെ ചുണ്ടുകളിൽനിന്ന്‌ വരുന്നത്‌ അവനെ തൃപ്‌തനാക്കുന്നു.
21 ജീവനും മരണവും നാവിന്റെ കൈകളിലിരിക്കുന്നു;+
അത്‌ ഉപയോഗിക്കാൻ ഇഷ്ടപ്പെടുന്നവർ അതിന്റെ ഫലം തിന്നും.+
23 ദരിദ്രൻ യാചനാസ്വരത്തിൽ സംസാരിക്കുന്നു;
എന്നാൽ പണക്കാരൻ പരുഷമായി മറുപടി പറയുന്നു.