സുഭാ​ഷി​തങ്ങൾ

11 കള്ളത്തു​ലാ​സ്സ്‌ യഹോ​വ​യ്‌ക്ക്‌ അറപ്പാണ്‌;

എന്നാൽ കൃത്യ​ത​യുള്ള തൂക്കം* ദൈവത്തെ സന്തോ​ഷി​പ്പി​ക്കു​ന്നു.+

 2 അഹംഭാവത്തിനു പിന്നാലെ അപമാനം വരുന്നു;+

എന്നാൽ എളിമ​യു​ള്ളവർ ജ്ഞാനി​ക​ളാണ്‌.+

 3 നേരുള്ളവരെ അവരുടെ നിഷ്‌കളങ്കത* വഴിന​യി​ക്കു​ന്നു;+

എന്നാൽ വഞ്ചകരു​ടെ കാപട്യം അവരെ നശിപ്പി​ക്കും.+

 4 ഉഗ്രകോപത്തിന്റെ നാളിൽ സമ്പത്തുകൊണ്ട്‌* ഒരു പ്രയോ​ജ​ന​വു​മു​ണ്ടാ​കില്ല;+

എന്നാൽ നീതി ഒരുവനെ മരണത്തിൽനി​ന്ന്‌ രക്ഷിക്കും.+

 5 നിഷ്‌കളങ്കരുടെ നീതി അവരുടെ പാതകൾ നേരെ​യാ​ക്കു​ന്നു;

എന്നാൽ ദുഷ്ടന്മാർ തങ്ങളുടെ ദുഷ്ടത കാരണം വീഴും.+

 6 നേരുള്ളവരെ അവരുടെ നീതി രക്ഷിക്കും;+

എന്നാൽ വഞ്ചകരെ അവരുടെ മോഹങ്ങൾ കുടു​ക്കി​ലാ​ക്കും.+

 7 ദുഷ്ടൻ മരിക്കു​മ്പോൾ അവന്റെ പ്രത്യാ​ശ​യും നശിക്കു​ന്നു;

സ്വന്തം ശക്തിയിൽ ആശ്രയി​ച്ച്‌ അവൻ വെച്ച പ്രതീ​ക്ഷ​ക​ളും നശിച്ചു​പോ​കു​ന്നു.+

 8 നീതിമാൻ കഷ്ടതയിൽനി​ന്ന്‌ രക്ഷപ്പെ​ടു​ന്നു;

അവന്റെ സ്ഥാനത്ത്‌ ദുഷ്ടൻ കഷ്ടപ്പെ​ടു​ന്നു.+

 9 വിശ്വാസത്യാഗിയുടെ* വായ്‌ അയൽക്കാ​രനു നാശം വരുത്തു​ന്നു;

എന്നാൽ നീതി​മാ​ന്മാ​രു​ടെ അറിവ്‌ അവരെ രക്ഷിക്കു​ന്നു.+

10 നീതിമാന്റെ നന്മ ഒരു നഗരത്തി​നു സന്തോഷം നൽകുന്നു;

ദുഷ്ടൻ നശിക്കു​മ്പോൾ ആളുകൾ ആഹ്ലാദ​ത്തോ​ടെ ആർപ്പു​വി​ളി​ക്കു​ന്നു.+

11 നേരുള്ളവന്റെ അനു​ഗ്രഹം നിമിത്തം ഒരു നഗരം പ്രസി​ദ്ധ​മാ​കു​ന്നു;+

എന്നാൽ ദുഷ്ടന്റെ വായ്‌ അതിനെ തകർത്തു​ക​ള​യു​ന്നു.+

12 സാമാന്യബോധമില്ലാത്തവൻ അയൽക്കാ​ര​നോ​ടു വെറുപ്പു കാട്ടുന്നു;*

എന്നാൽ നല്ല വകതി​രി​വു​ള്ളവൻ മിണ്ടാ​തി​രി​ക്കു​ന്നു.+

13 പരദൂഷണം പറയു​ന്നവൻ രഹസ്യങ്ങൾ പാട്ടാ​ക്കു​ന്നു;+

എന്നാൽ വിശ്വ​സി​ക്കാൻ കൊള്ളാ​വു​ന്നവൻ രഹസ്യം സൂക്ഷി​ക്കു​ന്നു.*

14 വിദഗ്‌ധമാർഗനിർദേശം* ലഭിക്കാ​ത്ത​പ്പോൾ ജനം നശിക്കു​ന്നു;

എന്നാൽ ധാരാളം ഉപദേശകരുള്ളപ്പോൾ* വിജയം നേടാ​നാ​കു​ന്നു.+

15 അപരിചിതന്റെ വായ്‌പ​യ്‌ക്കു ജാമ്യം നിൽക്കു​ന്നവൻ വല്ലാതെ കഷ്ടപ്പെ​ടും;+

എന്നാൽ ജാമ്യം നിൽക്കാൻ വിസമ്മതിക്കുന്നവൻ* സുരക്ഷി​ത​നാ​യി​രി​ക്കും.

16 ദയയുള്ള* സ്‌ത്രീ​ക്കു മഹത്ത്വം ലഭിക്കു​ന്നു;+

എന്നാൽ ക്രൂര​ന്മാർ സമ്പത്തു തട്ടി​യെ​ടു​ക്കു​ന്നു.

17 ദയ കാട്ടുന്നവൻ* തനിക്കു​തന്നെ ഗുണം ചെയ്യുന്നു;+

എന്നാൽ ക്രൂരത കാട്ടു​ന്നവൻ സ്വയം കഷ്ടങ്ങൾ* വരുത്തി​വെ​ക്കു​ന്നു.+

18 ദുഷ്ടനു ലഭിക്കുന്ന കൂലി വഞ്ചകമാ​ണ്‌;+

എന്നാൽ നീതി വിതയ്‌ക്കു​ന്ന​വനു ശരിക്കുള്ള പ്രതി​ഫലം ലഭിക്കു​ന്നു.+

19 നീതിക്കുവേണ്ടി ഉറപ്പോ​ടെ നില​കൊ​ള്ളു​ന്നവർ ജീവന്റെ വഴിയി​ലാണ്‌;+

എന്നാൽ ദുഷ്ടത​യ്‌ക്കു പിന്നാലെ പോകു​ന്നവർ മരണത്തി​ന്റെ പാതയി​ലാണ്‌.

20 ഹൃദയത്തിൽ വക്രത​യു​ള്ള​വരെ യഹോ​വ​യ്‌ക്ക്‌ അറപ്പാണ്‌;+

എന്നാൽ നിഷ്‌ക​ള​ങ്ക​രാ​യി നടക്കു​ന്നവർ ദൈവത്തെ സന്തോ​ഷി​പ്പി​ക്കു​ന്നു.+

21 ഇക്കാര്യത്തിൽ ഉറപ്പു​ണ്ടാ​യി​രി​ക്കുക: ദുഷ്ടനു ശിക്ഷ ലഭിക്കാ​തി​രി​ക്കില്ല;+

എന്നാൽ നീതി​മാ​ന്റെ മക്കൾ രക്ഷപ്പെ​ടും.

22 വിവേകമില്ലാത്ത* സുന്ദരി

പന്നിയു​ടെ മൂക്കിലെ സ്വർണ​മൂ​ക്കു​ത്തി​പോ​ലെ​യാണ്‌.

23 നീതിമാന്റെ ആഗ്രഹങ്ങൾ നന്മയി​ലേക്കു നയിക്കു​ന്നു;+

എന്നാൽ ദുഷ്ടന്റെ പ്രത്യാശ ദൈവ​കോ​പ​ത്തിൽ ചെന്നെ​ത്തു​ന്നു.

24 വാരിക്കോരി കൊടുത്തിട്ടും* ചിലരു​ടെ സമ്പത്തു വർധി​ക്കു​ന്നു;+

മറ്റു ചിലർ കൊടു​ക്കേ​ണ്ടതു പിടി​ച്ചു​വെ​ച്ചി​ട്ടും ദരി​ദ്ര​രാ​കു​ന്നു.+

25 ഔദാര്യം കാണി​ക്കു​ന്ന​വനു സമൃദ്ധി ഉണ്ടാകും;*+

ഉന്മേഷം പകരുന്നവന്‌* ഉന്മേഷം ലഭിക്കും.+

26 ധാന്യം പൂഴ്‌ത്തി​വെ​ക്കു​ന്ന​വനെ ജനം ശപിക്കും;

എന്നാൽ അതു വിൽക്കു​ന്ന​വനെ അവർ അനു​ഗ്ര​ഹി​ക്കും.

27 നന്മ ചെയ്യാൻ കഠിന​ശ്രമം ചെയ്യു​ന്നവർ പ്രീതി തേടുന്നു;+

എന്നാൽ തിന്മ ചെയ്യാൻ ശ്രമി​ക്കു​ന്ന​വർക്കു തിന്മതന്നെ തിരികെ കിട്ടും.+

28 സമ്പത്തിൽ ആശ്രയി​ക്കു​ന്നവൻ വീണു​പോ​കും;+

എന്നാൽ നീതി​മാ​ന്മാർ പച്ചില​കൾപോ​ലെ തഴച്ചു​വ​ള​രും.+

29 സ്വന്തം ഭവനത്തി​നു കഷ്ടത* വരുത്തി​വെ​ക്കു​ന്ന​വനു കാറ്റു മാത്രമേ അവകാ​ശ​മാ​യി കിട്ടൂ;+

വിഡ്‌ഢി ബുദ്ധി​മാ​ന്റെ ദാസനാ​കും.

30 നീതിമാന്റെ ഫലം ജീവവൃ​ക്ഷ​മാണ്‌;+

ആളുകളെ നേടു​ന്നവൻ ജ്ഞാനി​യാണ്‌.+

31 ഭൂമിയിലെ നീതി​മാ​ന്മാ​രു​ടെ ചെയ്‌തി​കൾക്കു പ്രതി​ഫലം കിട്ടു​മെ​ങ്കിൽ

ദുഷ്ടന്മാ​രു​ടെ​യും പാപി​ക​ളു​ടെ​യും കാര്യം പറയാ​നു​ണ്ടോ?+