എബ്രാ​യർക്ക്‌ എഴുതിയ കത്ത്‌

1 പണ്ടുകാ​ലത്ത്‌ ദൈവം നമ്മുടെ പൂർവി​കരോ​ടു പല പ്രാവ​ശ്യം, പല വിധങ്ങ​ളിൽ പ്രവാ​ച​ക​ന്മാ​രി​ലൂ​ടെ സംസാ​രി​ച്ചു.+ 2 എന്നാൽ ഈ അവസാ​ന​നാ​ളു​ക​ളിൽ ദൈവം നമ്മളോ​ടു പുത്ര​നി​ലൂ​ടെ സംസാ​രി​ച്ചി​രി​ക്കു​ന്നു.+ പുത്രനെ​യാ​ണു ദൈവം എല്ലാത്തി​നും അവകാ​ശി​യാ​യി നിയമി​ച്ചി​രി​ക്കു​ന്നത്‌;+ പുത്ര​നി​ലൂടെ​യാ​ണു ദൈവം വ്യവസ്ഥിതികൾ* സൃഷ്ടി​ച്ചത്‌.+ 3 പുത്രൻ ദൈവതേ​ജ​സ്സി​ന്റെ പ്രതിഫലനവും+ ദൈവ​ത്തി​ന്റെ തനിപ്പ​കർപ്പും ആണ്‌.+ പുത്രൻ ശക്തിയുള്ള വചനം​കൊ​ണ്ട്‌ എല്ലാത്തിനെ​യും നിലനി​റു​ത്തു​ന്നു. നമ്മളെ പാപങ്ങ​ളിൽനിന്ന്‌ ശുദ്ധീകരിച്ചശേഷം+ പുത്രൻ ഉന്നതങ്ങ​ളിൽ അത്യു​ന്ന​തന്റെ വലതു​ഭാ​ഗത്ത്‌ ഇരുന്നു.+ 4 അങ്ങനെ ദൈവ​ദൂ​ത​ന്മാ​രുടേ​തിനെ​ക്കാൾ ഉത്തമമായ+ ഒരു പേരിന്‌ അവകാ​ശി​യാ​യിക്കൊണ്ട്‌ പുത്രൻ അവരെ​ക്കാൾ ശ്രേഷ്‌ഠ​നാ​യി.+

5 ദൈവം ഏതെങ്കി​ലും ഒരു ദൂത​നോട്‌, “നീ എന്റെ മകൻ; ഞാൻ ഇന്നു നിന്റെ പിതാ​വാ​യി​രി​ക്കു​ന്നു”+ എന്ന്‌ എപ്പോഴെ​ങ്കി​ലും പറഞ്ഞി​ട്ടു​ണ്ടോ? “ഞാൻ അവനു പിതാ​വും അവൻ എനിക്കു മകനും ആയിരി​ക്കും”+ എന്നു പറഞ്ഞി​ട്ടു​ണ്ടോ? 6 എന്നാൽ മൂത്ത മകനെ+ വീണ്ടും ലോക​ത്തേക്ക്‌ അയയ്‌ക്കു​മ്പോൾ, “എല്ലാ ദൈവ​ദൂ​ത​ന്മാ​രും അവനെ വണങ്ങട്ടെ”* എന്നു ദൈവം പറയുന്നു.

7 “ദൈവം തന്റെ ദൂതന്മാ​രെ കാറ്റും* ശുശ്രൂഷകന്മാരെ+ തീജ്വാ​ല​യും ആക്കുന്നു”+ എന്നു ദൈവം ദൂതന്മാരെ​ക്കു​റിച്ച്‌ പറയുന്നു. 8 എന്നാൽ പുത്രനെ​ക്കു​റിച്ച്‌ ഇങ്ങനെ പറയുന്നു: “ദൈവ​മാണ്‌ എന്നു​മെന്നേ​ക്കും അങ്ങയുടെ സിംഹാ​സനം!+ അങ്ങയുടെ രാജ്യ​ത്തി​ന്റെ ചെങ്കോൽ നേരിന്റെ* ചെങ്കോ​ലാണ്‌! 9 അങ്ങ്‌ നീതിയെ സ്‌നേ​ഹി​ച്ചു, ധിക്കാരത്തെ* വെറുത്തു. അതു​കൊ​ണ്ടാണ്‌ ദൈവം, അങ്ങയുടെ ദൈവം, അങ്ങയുടെ കൂട്ടാ​ളി​കളെ​ക്കാൾ അധികം ആനന്ദതൈ​ലംകൊണ്ട്‌ അങ്ങയെ അഭി​ഷേകം ചെയ്‌തത്‌.”+ 10 ഇങ്ങനെയും പറഞ്ഞി​രി​ക്കു​ന്നു: “കർത്താവേ, തുടക്ക​ത്തിൽ അങ്ങ്‌ ഭൂമിക്ക്‌ അടിസ്ഥാ​ന​മി​ട്ടു; അങ്ങയുടെ കൈകൾ ആകാശം സൃഷ്ടിച്ചു. 11 അവ നശിക്കും; പക്ഷേ അങ്ങ്‌ നിലനിൽക്കും; വസ്‌ത്രംപോ​ലെ അവയെ​ല്ലാം പഴകിപ്പോ​കും. 12 അങ്ങ്‌ അവയെ ഒരു മേലങ്കിപോ​ലെ ചുരു​ട്ടും; വസ്‌ത്രം മാറ്റു​ന്ന​തുപോ​ലെ അവയെ മാറ്റും. എന്നാൽ അങ്ങയ്‌ക്കു മാറ്റമില്ല; അങ്ങയുടെ ആയുസ്സി​ന്‌ അവസാ​ന​മില്ല.”+

13 എന്നാൽ ദൈവം ഏതെങ്കി​ലും ഒരു ദൂത​നോട്‌, “ഞാൻ നിന്റെ ശത്രു​ക്കളെ നിന്റെ പാദപീ​ഠ​മാ​ക്കു​ന്ന​തു​വരെ എന്റെ വലതു​വ​ശത്ത്‌ ഇരിക്കുക”+ എന്ന്‌ എപ്പോഴെ​ങ്കി​ലും പറഞ്ഞി​ട്ടു​ണ്ടോ? 14 അവർ എല്ലാവ​രും വിശു​ദ്ധസേ​വനം ചെയ്യുന്ന ആത്മവ്യ​ക്തി​ക​ളല്ലേ?+ രക്ഷ അവകാ​ശ​മാ​ക്കാ​നു​ള്ള​വരെ ശുശ്രൂ​ഷി​ക്കാൻ ദൈവം അയയ്‌ക്കു​ന്നത്‌ അവരെ​യല്ലേ?

2 അതു​കൊ​ണ്ട്‌ കേട്ട കാര്യ​ങ്ങൾക്കു സാധാ​ര​ണ​യിൽ കവിഞ്ഞ ശ്രദ്ധ+ കൊടുക്കേ​ണ്ടത്‌ ആവശ്യ​മാണ്‌. അങ്ങനെ​യാ​കുമ്പോൾ നമ്മൾ ഒരിക്ക​ലും ഒഴുകിപ്പോ​കില്ല.+ 2 ദൂതന്മാരിലൂടെ അറിയിച്ച കാര്യങ്ങൾ+ മാറ്റമി​ല്ലാ​തെ നിൽക്കു​ക​യും ഓരോ ലംഘന​ത്തി​നും അനുസ​ര​ണക്കേ​ടി​നും ന്യായ​മായ ശിക്ഷ ലഭിക്കു​ക​യും ചെയ്‌ത സ്ഥിതിക്ക്‌+ 3 ഇത്ര മഹത്തായ ഒരു രക്ഷ അവഗണി​ച്ചാൽ നമുക്കു ശിക്ഷയിൽനി​ന്ന്‌ ഒഴിവാ​കാൻ പറ്റുമോ?+ ആ രക്ഷയെ​ക്കു​റിച്ച്‌ നമ്മുടെ കർത്താ​വാണ്‌ ആദ്യം പറഞ്ഞത്‌.+ കർത്താ​വി​നെ ശ്രദ്ധി​ച്ചവർ അതു സത്യമാ​ണെന്നു നമുക്ക്‌ ഉറപ്പു തരുക​യും ചെയ്‌തു. 4 തന്റെ ഇഷ്ടപ്ര​കാ​രം നൽകിയ പരിശുദ്ധാത്മാവിലൂടെയും*+ അടയാ​ള​ങ്ങ​ളി​ലൂടെ​യും അത്ഭുത​ങ്ങ​ളി​ലൂടെ​യും പല വിസ്‌മയപ്രവൃത്തികളിലൂടെയും+ ദൈവ​വും അതു സ്ഥിരീ​ക​രി​ച്ചു.

5 ഭാവിയിൽ വരു​മെന്നു നമ്മൾ പ്രസം​ഗി​ക്കുന്ന ലോകത്തെ,* ദൈവം ദൂതന്മാ​രെയല്ല ഏൽപ്പി​ച്ചി​രി​ക്കു​ന്നത്‌.+ 6 ഇതെക്കുറിച്ച്‌ ഒരാൾ ഒരിക്കൽ ഇങ്ങനെ സാക്ഷ്യപ്പെ​ടു​ത്തി​യി​ട്ടുണ്ട്‌: “അങ്ങ്‌ മനുഷ്യ​നെ ഓർക്കാൻമാ​ത്രം അവൻ ആരാണ്‌? അങ്ങയുടെ പരിപാ​ലനം ലഭിക്കാൻ ഒരു മനുഷ്യ​പുത്രന്‌ എന്ത്‌ അർഹത​യാ​ണു​ള്ളത്‌?+ 7 അങ്ങ്‌ അവനെ ദൈവ​ദൂ​ത​ന്മാരെ​ക്കാൾ അൽപ്പം മാത്രം താഴ്‌ന്ന​വ​നാ​ക്കി; അവനെ മഹത്ത്വ​വും ബഹുമാ​ന​വും അണിയി​ച്ചു. അങ്ങയുടെ സൃഷ്ടി​ക​ളു​ടെ മേൽ അവനെ നിയമി​ച്ചു. 8 എല്ലാം അങ്ങ്‌ അവന്റെ കാൽക്കീ​ഴാ​ക്കിക്കൊ​ടു​ത്തു.”+ ദൈവം എല്ലാം യേശു​വി​നു കീഴിലാക്കിയതുകൊണ്ട്‌+ യേശു​വി​ന്റെ കീഴി​ല​ല്ലാ​ത്ത​താ​യി ഒന്നുമില്ല.+ പക്ഷേ ഇപ്പോൾ, എല്ലാം യേശു​വി​ന്റെ കീഴി​ലാ​യി​രി​ക്കു​ന്ന​താ​യി നമ്മൾ കാണു​ന്നില്ല;+ 9 എന്നാൽ ദൈവ​ദൂ​ത​ന്മാരെ​ക്കാൾ അൽപ്പം മാത്രം താഴ്‌ത്തപ്പെ​ട്ട​വ​നായ യേശു+ മഹത്ത്വ​വും ബഹുമാ​ന​വും അണിഞ്ഞ​താ​യി നമ്മൾ കാണുന്നു; കാരണം യേശു മരണത്തി​നു വിധേ​യ​നാ​യി.+ ദൈവ​ത്തി​ന്റെ അനർഹ​ദ​യ​യാൽ എല്ലാവർക്കും​വേണ്ടി യേശു മരണം വരിച്ചു.+

10 എല്ലാം ദൈവ​ത്തി​നുവേ​ണ്ടി​യും ദൈവ​ത്തി​ലൂടെ​യും നിലനിൽക്കു​ന്നു. തന്റെ അനേകം പുത്ര​ന്മാ​രെ മഹത്ത്വ​ത്തിലേക്കു നയിക്കാനായി+ അവരുടെ രക്ഷാനായകനെ*+ കഷ്ടങ്ങളി​ലൂ​ടെ പരിപൂർണനാക്കുന്നത്‌+ ഉചിത​മാണെന്നു ദൈവ​ത്തി​നു തോന്നി. 11 വിശുദ്ധീകരിക്കുന്നവന്റെയും വിശുദ്ധീകരിക്കപ്പെടുന്നവരുടെയും+ പിതാവ്‌ ഒന്നാണ​ല്ലോ.+ അതു​കൊണ്ട്‌ അവരെ സഹോ​ദ​ര​ന്മാർ എന്നു വിളി​ക്കാൻ യേശു മടിക്കു​ന്നില്ല.+ 12 “എന്റെ സഹോ​ദ​ര​ങ്ങ​ളു​ടെ ഇടയിൽ ഞാൻ അങ്ങയുടെ പേര്‌ പ്രസി​ദ്ധ​മാ​ക്കും; സഭാമ​ധ്യേ ഞാൻ അങ്ങയെ പാടി സ്‌തു​തി​ക്കും”+ എന്നും 13 “ഞാൻ ദൈവ​ത്തിൽ ആശ്രയി​ക്കും”+ എന്നും “ഇതാ, ഞാനും യഹോവ* എനിക്കു തന്ന മക്കളും”+ എന്നും യേശു പറയുന്നു.

14 ‘മക്കൾ’ മാംസ​വും രക്തവും കൊണ്ടു​ള്ള​വ​രാ​യ​തി​നാൽ യേശു​വും അങ്ങനെ​തന്നെ​യാ​യി.+ അതു​കൊ​ണ്ടു​തന്നെ, മരണം വരുത്താൻ കഴിവുള്ള+ പിശാചിനെ+ ഇല്ലാതാ​ക്കാ​നും 15 ആയുഷ്‌കാലം മുഴുവൻ മരണഭീ​തി​യു​ടെ അടിമ​ത്ത​ത്തിൽ കഴിയു​ന്ന​വരെയെ​ല്ലാം സ്വത​ന്ത്ര​രാ​ക്കാ​നും തന്റെ മരണത്തി​ലൂ​ടെ യേശു​വി​നു കഴിയു​മാ​യി​രു​ന്നു.+ 16 യേശു സഹായി​ക്കു​ന്നതു ദൈവ​ദൂ​ത​ന്മാരെയല്ല, അബ്രാ​ഹാ​മി​ന്റെ സന്തതിയെ​യാണ്‌.*+ 17 അതുകൊണ്ട്‌ യേശു എല്ലാ വിധത്തി​ലും തന്റെ ‘സഹോ​ദ​ര​ന്മാരെപ്പോ​ലെ’+ ആകേണ്ടത്‌ ആവശ്യ​മാ​യി​രു​ന്നു. അപ്പോൾ മാത്രമേ കരുണ​യും വിശ്വ​സ്‌ത​ത​യും ഉള്ള മഹാപുരോ​ഹി​ത​നാ​യി ദൈവ​ശുശ്രൂഷ ചെയ്‌തു​കൊ​ണ്ട്‌ ജനത്തിന്റെ പാപങ്ങൾക്ക്‌ അനുരഞ്‌ജനബലി+ അർപ്പി​ക്കാൻ കഴിയു​മാ​യി​രു​ന്നു​ള്ളൂ.*+ 18 പരീക്ഷിക്കപ്പെട്ടപ്പോൾ+ കഷ്ടതകൾ അനുഭ​വി​ച്ച​തുകൊണ്ട്‌ ഇപ്പോൾ യേശു​വി​നു പരീക്ഷി​ക്കപ്പെ​ടു​ന്ന​വ​രു​ടെ സഹായ​ത്തിന്‌ എത്താൻ കഴിയും.+

3 അതു​കൊണ്ട്‌ സ്വർഗീയവിളിയിൽ*+ പങ്കാളി​ക​ളായ വിശു​ദ്ധ​സഹോ​ദ​ര​ങ്ങളേ, നമ്മൾ പരസ്യ​മാ​യി അംഗീ​ക​രി​ക്കുന്ന അപ്പോ​സ്‌ത​ല​നും മഹാപുരോ​ഹി​ത​നും ആയ യേശുവിനെക്കുറിച്ച്‌+ ചിന്തി​ക്കുക. 2 മോശ ദൈവ​ഭ​വ​ന​ത്തിലെ​ല്ലാം വിശ്വ​സ്‌ത​തയോ​ടെ സേവിച്ചതുപോലെ+ യേശു​വും തന്നെ നിയമിച്ച+ ദൈവത്തോ​ടു വിശ്വ​സ്‌ത​നാ​യി​രു​ന്നു. 3 എന്നാൽ യേശു​വി​നെ മോശയെ​ക്കാൾ കൂടുതൽ മഹത്ത്വ​ത്തി​നു യോഗ്യനായി+ കണക്കാ​ക്കു​ന്നു; വീടു പണിയു​ന്ന​യാൾക്കാ​ണ​ല്ലോ വീടിനെ​ക്കാൾ ശ്രേഷ്‌ഠത. 4 ഏതു വീടും ആരെങ്കി​ലും നിർമി​ച്ച​താണ്‌. എന്നാൽ എല്ലാം നിർമി​ച്ചതു ദൈവ​മാണ്‌. 5 മോശ ഒരു സേവക​നെന്ന നിലയി​ലാ​ണു ദൈവ​ഭ​വ​ന​ത്തിൽ വിശ്വ​സ്‌ത​മാ​യി സേവി​ച്ചത്‌. മോശ ചെയ്‌ത സേവനം, പിന്നീടു വെളിപ്പെ​ടു​ത്താ​നി​രു​ന്ന​തി​ന്റെ ഒരു സൂചന​യാ​യി​രു​ന്നു. 6 എന്നാൽ ക്രിസ്‌തു വിശ്വ​സ്‌ത​നായ പുത്രനെന്ന+ നിലയി​ലാ​ണു ദൈവ​ഭ​വ​ന​ത്തി​ന്റെ അധികാ​രി​യാ​യി​രു​ന്നത്‌. സംസാ​രി​ക്കാ​നുള്ള ധൈര്യ​വും നമ്മുടെ അഭിമാ​ന​മായ പ്രത്യാ​ശ​യും അവസാ​നത്തോ​ളം മുറുകെ പിടി​ക്കുമെ​ങ്കിൽ നമ്മൾതന്നെ​യാ​ണു ദൈവ​ഭ​വനം.+

7 അതുകൊണ്ട്‌ പരിശു​ദ്ധാ​ത്മാവ്‌ പറയുന്നു:+ “ഇന്നു നിങ്ങൾ ദൈവ​ത്തി​ന്റെ ശബ്ദം ശ്രദ്ധി​ക്കുന്നെ​ങ്കിൽ, 8 വിജനഭൂമിയിൽവെച്ച്‌* നിങ്ങളു​ടെ പൂർവി​കർ എന്നെ പരീക്ഷിച്ച ദിവസം,+ അവർ എന്നെ കോപി​പ്പിച്ച സമയത്ത്‌, ചെയ്‌ത​തുപോ​ലെ നിങ്ങളു​ടെ ഹൃദയം കഠിന​മാ​ക്ക​രുത്‌. 9 അവിടെ 40 വർഷം+ ഞാൻ ചെയ്‌തതെ​ല്ലാം കണ്ടിട്ടും അവർ എന്നെ പരീക്ഷി​ച്ചു. 10 അതുകൊണ്ടാണ്‌ ആ തലമു​റയെ അങ്ങേയറ്റം വെറുത്ത്‌ ഞാൻ ഇങ്ങനെ പറഞ്ഞത്‌: ‘അവർ എപ്പോ​ഴും വഴി​തെ​റ്റിപ്പോ​കുന്ന ഹൃദയ​മു​ള്ളവർ; അവർ എന്റെ വഴികൾ ഇനിയും മനസ്സി​ലാ​ക്കി​യി​ട്ടില്ല.’ 11 അതുകൊണ്ട്‌, ‘അവർ എന്റെ സ്വസ്ഥതയിൽ* കടക്കില്ല’ എന്നു ഞാൻ കോപത്തോ​ടെ സത്യം ചെയ്‌തു.”+

12 സഹോദരങ്ങളേ, നിങ്ങൾ ജീവനുള്ള ദൈവ​ത്തിൽനിന്ന്‌ അകന്നുപോയിട്ട്‌+ വിശ്വാ​സ​മി​ല്ലാത്ത ഒരു ദുഷ്ടഹൃ​ദയം നിങ്ങളിൽ ആരിലും രൂപ​പ്പെ​ടാ​തി​രി​ക്കാൻ എപ്പോ​ഴും സൂക്ഷി​ക്കണം. 13 പാപത്തിന്റെ വഞ്ചനയിൽ കുടുങ്ങി നിങ്ങൾ ആരും കഠിന​ഹൃ​ദ​യ​രാ​കാ​തി​രി​ക്കാൻ, “ഇന്ന്‌”+ എന്നു പറഞ്ഞി​രി​ക്കുന്ന ദിവസം അവസാ​നി​ക്കു​ന്ന​തു​വരെ ഓരോ ദിവസ​വും പരസ്‌പരം പ്രോ​ത്സാ​ഹി​പ്പി​ക്കുക. 14 നമുക്ക്‌ ആദ്യമു​ണ്ടാ​യി​രുന്ന ബോധ്യം അവസാ​നം​വരെ മുറുകെ പിടിക്കുന്നെങ്കിൽ+ മാത്രമേ നമ്മൾ ക്രിസ്‌തുവിൽ* പങ്കാളി​ക​ളാ​കൂ. 15 കാരണം, “ഇന്നു നിങ്ങൾ ദൈവ​ത്തി​ന്റെ ശബ്ദം ശ്രദ്ധി​ക്കുന്നെ​ങ്കിൽ എന്നെ കോപി​പ്പിച്ച സമയത്ത്‌ ചെയ്‌ത​തുപോ​ലെ നിങ്ങളു​ടെ ഹൃദയം കഠിന​മാ​ക്ക​രുത്‌”+ എന്നു പറഞ്ഞി​ട്ടു​ണ്ട​ല്ലോ.

16 ആരാണു ദൈവ​ത്തി​ന്റെ ശബ്ദം കേട്ടി​ട്ടും ദൈവത്തെ കോപി​പ്പി​ച്ചത്‌? മോശ​യു​ടെ നേതൃ​ത്വ​ത്തിൽ ഈജി​പ്‌തിൽനിന്ന്‌ പോന്ന​വരെ​ല്ലാ​മല്ലേ?+ 17 അതുപോലെ, 40 വർഷം ദൈവം അങ്ങേയറ്റം വെറു​ത്തത്‌ ആരെയാ​യി​രു​ന്നു?+ പാപം ചെയ്‌ത​വരെ​യല്ലേ? അവരുടെ ശവങ്ങൾ വിജന​ഭൂ​മി​യിൽ വീണു.+ 18 ‘നിങ്ങൾ എന്റെ സ്വസ്ഥത​യിൽ കടക്കില്ല’ എന്നു ദൈവം ആണയിട്ട്‌ പറഞ്ഞത്‌ ആരോ​ടാ​യി​രു​ന്നു? അനുസ​ര​ണക്കേടു കാണി​ച്ച​വരോ​ടല്ലേ? 19 അതെ, വിശ്വാ​സ​മി​ല്ലാ​തി​രു​ന്ന​തുകൊ​ണ്ടാണ്‌ അവർക്കു ദൈവ​ത്തി​ന്റെ സ്വസ്ഥത​യിൽ കടക്കാൻ കഴിയാതെ​വ​ന്നത്‌.+

4 ദൈവ​ത്തി​ന്റെ സ്വസ്ഥതയിൽ* പ്രവേ​ശി​ക്കാ​മെന്ന വാഗ്‌ദാ​നം നിലനിൽക്കു​ന്ന​തുകൊണ്ട്‌ നമ്മൾ ആരും അയോ​ഗ്യ​രാ​യി​ത്തീ​രാ​തി​രി​ക്കാൻ ശ്രദ്ധി​ക്കാം.*+ 2 അവരെ അറിയി​ച്ച​തുപോലെ​തന്നെ നമ്മളെ​യും സന്തോ​ഷ​വാർത്ത അറിയി​ച്ചു.+ പക്ഷേ അവർ കേട്ട കാര്യങ്ങൾ അവർക്കു പ്രയോ​ജ​നപ്പെ​ടാതെപോ​യി. കാരണം അത്‌ അനുസ​രി​ച്ച​വർക്കു​ണ്ടാ​യി​രുന്ന അതേ വിശ്വാ​സം അവർക്കി​ല്ലാ​യി​രു​ന്നു. 3 എന്നാൽ അക്കാര്യ​ങ്ങൾ വിശ്വ​സി​ക്കുന്ന നമ്മൾ ആ സ്വസ്ഥത​യിൽ പ്രവേ​ശി​ക്കു​ന്നു. പക്ഷേ, ലോകസ്ഥാപനത്തോടെ* തന്റെ പ്രവൃ​ത്തി​കൾ പൂർത്തി​യാ​ക്കി സ്വസ്ഥമായിരിക്കുകയായിരുന്നിട്ടും+ ദൈവം അവരെ​ക്കു​റിച്ച്‌ ഇങ്ങനെ പറഞ്ഞു: “‘അവർ എന്റെ സ്വസ്ഥത​യിൽ കടക്കില്ല’+ എന്നു ഞാൻ കോപത്തോ​ടെ സത്യം ചെയ്‌തു.” 4 ഏഴാം ദിവസത്തെ​ക്കു​റിച്ച്‌ ദൈവം ഒരിടത്ത്‌ ഇങ്ങനെ പറഞ്ഞി​ട്ടു​ണ്ട​ല്ലോ: “തന്റെ എല്ലാ പ്രവൃ​ത്തി​യും തീർത്ത്‌ ദൈവം ഏഴാം ദിവസം വിശ്ര​മി​ച്ചു.”+ 5 എന്നാൽ ഇവിടെ ദൈവം, “അവർ എന്റെ സ്വസ്ഥത​യിൽ കടക്കില്ല”+ എന്നു പറഞ്ഞി​രി​ക്കു​ന്നു.

6 ചിലർ ഇനിയും അതിൽ കടക്കാ​നു​ള്ള​തുകൊ​ണ്ടും മുമ്പ്‌ ഈ സന്തോ​ഷ​വാർത്ത കേട്ടവർ അനുസ​ര​ണക്കേടു കാണിച്ച്‌ അതിൽ കടക്കാതിരുന്നതുകൊണ്ടും+ 7 കുറെ കാലത്തി​നു ശേഷം ദാവീ​ദി​ന്റെ സങ്കീർത്ത​ന​ത്തിൽ “ഇന്ന്‌” എന്നു പറഞ്ഞു​കൊ​ണ്ട്‌ ദൈവം വീണ്ടും ഒരു ദിവസത്തെ വേർതി​രി​ച്ചു​കാ​ണി​ക്കു​ന്നു; “ഇന്നു നിങ്ങൾ ദൈവ​ത്തി​ന്റെ ശബ്ദം ശ്രദ്ധി​ക്കുന്നെ​ങ്കിൽ നിങ്ങളു​ടെ ഹൃദയം കഠിന​മാ​ക്ക​രുത്‌”+ എന്നു മുകളിൽ പറഞ്ഞല്ലോ. 8 യോശുവ+ അവരെ സ്വസ്ഥത​യിലേക്കു നയിച്ചി​രുന്നെ​ങ്കിൽ മറ്റൊരു ദിവസത്തെ​ക്കു​റിച്ച്‌ ദൈവം പിന്നീടു പറയു​മാ​യി​രു​ന്നില്ല. 9 അതുകൊണ്ട്‌ ദൈവ​ജ​ന​ത്തി​നു ശബത്തിലേ​തുപോ​ലുള്ള ഒരു സ്വസ്ഥത ഇപ്പോ​ഴും ബാക്കി​യുണ്ട്‌.+ 10 ദൈവം സ്വന്തം പ്രവൃ​ത്തി​ക​ളിൽനിന്ന്‌ സ്വസ്ഥനാ​യ​തുപോ​ലെ ദൈവ​ത്തി​ന്റെ സ്വസ്ഥത​യിൽ കടന്ന മനുഷ്യ​നും സ്വന്തം പ്രവൃ​ത്തി​ക​ളിൽനിന്ന്‌ സ്വസ്ഥനാ​യി​രി​ക്കു​ന്നു.+

11 ആ സ്വസ്ഥത​യിൽ പ്രവേ​ശി​ക്കാൻ നമുക്കു പരമാ​വധി ശ്രമി​ക്കാം. അങ്ങനെ​യാ​കുമ്പോൾ നമ്മൾ ആരും അതേ രീതി​യിൽ അനുസ​ര​ണക്കേടു കാണി​ക്കില്ല.+ 12 ദൈവത്തിന്റെ വാക്കുകൾ* ജീവനു​ള്ള​തും ശക്തി ചെലുത്തുന്നതും+ ഇരുവാ​യ്‌ത്ത​ല​യുള്ള ഏതു വാളിനെക്കാളും+ മൂർച്ച​യു​ള്ള​തും ആണ്‌. ദേഹിയെയും* ആത്മാവിനെയും* വേർതി​രി​ക്കും​വി​ധം അത്‌ ഉള്ളി​ലേക്കു തുളച്ചു​ക​യ​റു​ന്നു; മജ്ജയെ​യും സന്ധികളെ​യും വേർപെ​ടു​ത്തു​ന്നു. അതിനു ഹൃദയ​ത്തി​ലെ ചിന്തകളെ​യും ഉദ്ദേശ്യ​ങ്ങളെ​യും തിരി​ച്ച​റി​യാ​നുള്ള കഴിവു​മുണ്ട്‌. 13 ദൈവത്തിന്റെ കണ്ണിനു മറഞ്ഞി​രി​ക്കുന്ന ഒരു സൃഷ്ടി​യു​മില്ല;+ എല്ലാം ദൈവ​ത്തി​ന്റെ കൺമു​ന്നിൽ നഗ്നമാ​യി​ക്കി​ട​ക്കു​ന്നു; ദൈവ​ത്തിന്‌ എല്ലാം വ്യക്തമാ​യി കാണാം. ആ ദൈവത്തോ​ടാ​ണു നമ്മൾ കണക്കു ബോധി​പ്പിക്കേ​ണ്ടത്‌.+

14 സ്വർഗത്തിലേക്കു പോയ ശ്രേഷ്‌ഠ​നായ ഒരു മഹാപുരോ​ഹി​തൻ നമുക്കു​ണ്ട്‌—ദൈവ​പുത്ര​നായ യേശു.+ അതു​കൊണ്ട്‌ യേശു​വി​ലുള്ള വിശ്വാ​സം പരസ്യ​മാ​യി പ്രഖ്യാ​പി​ക്കു​ന്ന​തിൽ നമുക്കു തുടരാം.+ 15 നമ്മുടെ ബലഹീ​ന​ത​ക​ളിൽ സഹതാപം തോന്നാത്ത ഒരു മഹാപുരോ​ഹി​തനല്ല,+ പകരം എല്ലാ വിധത്തി​ലും നമ്മളെപ്പോലെ​തന്നെ പരീക്ഷി​ക്ക​പ്പെട്ട ഒരാളാ​ണു നമുക്കു​ള്ളത്‌. എന്നാൽ നമ്മുടെ മഹാപുരോ​ഹി​ത​നായ യേശു​വിൽ പാപമി​ല്ലാ​യി​രു​ന്നു എന്നൊരു വ്യത്യാ​സം മാത്രം.+ 16 അതുകൊണ്ട്‌ നമ്മൾ ധൈര്യ​മാ​യി അനർഹ​ദ​യ​യു​ടെ സിംഹാ​സ​നത്തെ സമീപി​ക്കണം.+ എങ്കിൽ, സഹായം ആവശ്യ​മുള്ള സമയത്തു​തന്നെ നമുക്കു കരുണ​യും അനർഹ​ദ​യ​യും ലഭിക്കും.

5 കാഴ്‌ച​ക​ളും പാപങ്ങൾക്കുവേ​ണ്ടി​യുള്ള ബലിക​ളും അർപ്പി​ച്ചുകൊണ്ട്‌ മനുഷ്യർക്കു​വേണ്ടി ദൈവ​ശുശ്രൂഷ നിർവ​ഹി​ക്കാ​നാ​ണു മനുഷ്യർക്കി​ട​യിൽനി​ന്നുള്ള മഹാപുരോ​ഹി​ത​ന്മാരെയെ​ല്ലാം നിയമി​ക്കു​ന്നത്‌.+ 2 മഹാപുരോഹിതനും ബലഹീ​ന​ത​ക​ളു​ള്ള​തി​നാൽ അറിവി​ല്ലാ​യ്‌മകൊണ്ട്‌ തെറ്റു ചെയ്യുന്നവരോട്‌* അനുകമ്പയോടെ* ഇടപെ​ടാൻ അദ്ദേഹ​ത്തി​നു കഴിയു​ന്നു. 3 ബലഹീനതകളുള്ളതുകൊണ്ട്‌ അദ്ദേഹം ജനത്തി​നുവേണ്ടി ചെയ്യു​ന്ന​തുപോ​ലെ സ്വന്തം പാപങ്ങൾക്കുവേ​ണ്ടി​യും യാഗങ്ങൾ അർപ്പി​ക്കണം.+

4 എന്നാൽ ആരും ഈ പദവി സ്വയം ഏറ്റെടു​ക്കു​ന്നതല്ല; അഹരോനെപ്പോ​ലെ, ദൈവം വിളി​ക്കുമ്പോ​ഴാണ്‌ ഒരാൾക്ക്‌ അതു ലഭിക്കു​ന്നത്‌.+ 5 അതുപോലെതന്നെ, ക്രിസ്‌തു​വും മഹാപുരോ​ഹി​തൻ എന്ന സ്ഥാനം സ്വയം ഏറ്റെടു​ത്തുകൊണ്ട്‌ തന്നെത്താൻ മഹത്ത്വപ്പെ​ടു​ത്തി​യില്ല.+ “നീ എന്റെ മകൻ; ഞാൻ ഇന്നു നിന്റെ പിതാ​വാ​യി​രി​ക്കു​ന്നു”+ എന്നു ക്രിസ്‌തു​വിനോ​ടു പറഞ്ഞ ദൈവ​മാ​ണു ക്രിസ്‌തു​വി​നെ മഹത്ത്വപ്പെ​ടു​ത്തി​യത്‌. 6 അതുപോലെ, “നീ എന്നെന്നും മൽക്കീസേദെ​ക്കിനെപ്പോ​ലുള്ള പുരോ​ഹി​തൻ”+ എന്നും ദൈവം മറ്റൊ​രി​ടത്ത്‌ പറയുന്നു.

7 ഭൂമിയിൽ ജീവി​ച്ചി​രുന്ന കാലത്ത്‌ ക്രിസ്‌തു ഉറക്കെ നിലവി​ളി​ച്ചും കണ്ണീ​രൊ​ഴു​ക്കി​യും കൊണ്ട്‌,+ മരണത്തിൽനി​ന്ന്‌ തന്നെ രക്ഷിക്കാൻ കഴിയുന്ന ദൈവ​ത്തോ​ട്‌ ഉള്ളുരു​കി പ്രാർഥി​ക്കു​ക​യും അപേക്ഷി​ക്കു​ക​യും ചെയ്‌തു; ദൈവ​ഭ​യ​മു​ണ്ടാ​യി​രു​ന്ന​തുകൊണ്ട്‌ ക്രിസ്‌തു​വി​ന്റെ പ്രാർഥ​നകൾ ദൈവം കേട്ടു. 8 ദൈവത്തിന്റെ മകനാ​യി​രുന്നെ​ങ്കി​ലും താൻ അനുഭ​വിച്ച കഷ്ടതക​ളി​ലൂ​ടെ ക്രിസ്‌തു അനുസ​രണം പഠിച്ചു.+ 9 പൂർണനായിത്തീർന്ന ക്രിസ്‌തു​വിന്‌,+ തന്നെ അനുസ​രി​ക്കുന്ന എല്ലാവർക്കും നിത്യരക്ഷ നൽകാ​നുള്ള ചുമതല ലഭിച്ചു.+ 10 കാരണം മൽക്കീസേദെ​ക്കിനെപ്പോ​ലുള്ള ഒരു മഹാപുരോഹിതനായി+ ദൈവം ക്രിസ്‌തു​വി​നെ നിയോ​ഗി​ച്ചി​രി​ക്കു​ന്നു.

11 ക്രിസ്‌തുവിനെക്കുറിച്ച്‌ ഞങ്ങൾക്ക്‌ ഇനിയും ഒരുപാ​ടു പറയാ​നുണ്ട്‌; പക്ഷേ കേൾക്കുന്ന കാര്യ​ത്തിൽ നിങ്ങൾ ഇപ്പോൾ പിന്നി​ലാ​യ​തുകൊണ്ട്‌ വിശദീ​ക​രി​ച്ചു​ത​രാൻ ബുദ്ധി​മു​ട്ടാണ്‌. 12 വാസ്‌തവത്തിൽ ഈ സമയം​കൊ​ണ്ട്‌ നിങ്ങൾ മറ്റുള്ള​വരെ പഠിപ്പി​ക്കു​ന്ന​വ​രാകേ​ണ്ട​താണ്‌. പക്ഷേ, ഇപ്പോൾ ദൈവ​ത്തി​ന്റെ വിശു​ദ്ധ​മായ അരുള​പ്പാ​ടു​ക​ളു​ടെ അടിസ്ഥാ​ന​കാ​ര്യ​ങ്ങൾമു​തൽ നിങ്ങളെ ആരെങ്കി​ലും വീണ്ടും പഠിപ്പി​ക്കേണ്ട സ്ഥിതി​യാണ്‌;+ കട്ടിയായ ആഹാര​ത്തി​നു പകരം പാൽ വേണ്ട അവസ്ഥയി​ലേക്കു നിങ്ങൾ തിരി​ച്ചുപോ​യി​രി​ക്കു​ന്നു. 13 പാൽ കുടി​ക്കു​ന്ന​വനു നീതി​യു​ടെ വചന​ത്തെ​ക്കു​റിച്ച്‌ അറിയില്ല. കാരണം അവൻ ഒരു കൊച്ചു​കു​ട്ടി​യാണ്‌.+ 14 എന്നാൽ കട്ടിയായ ആഹാരം, ശരിയും തെറ്റും വേർതി​രി​ച്ച​റി​യാ​നാ​യി തങ്ങളുടെ വിവേ​ച​നാപ്രാ​പ്‌തി​യെ ഉപയോ​ഗ​ത്തി​ലൂ​ടെ പരിശീ​ലി​പ്പിച്ച മുതിർന്ന​വർക്കു​ള്ള​താണ്‌.*

6 അതു​കൊണ്ട്‌ ക്രിസ്‌തു​വിനെ​ക്കു​റി​ച്ചുള്ള അടിസ്ഥാനപഠിപ്പിക്കലുകളെല്ലാം+ പഠിച്ചു​ക​ഴിഞ്ഞ നമ്മൾ പക്വത​യിലേക്കു വളരാൻ ഉത്സാഹി​ക്കണം.+ അല്ലാതെ, പ്രയോ​ജ​ന​മി​ല്ലാത്ത പ്രവൃ​ത്തി​കളെ​ക്കു​റി​ച്ചുള്ള പശ്ചാത്താ​പം, ദൈവ​ത്തി​ലുള്ള വിശ്വാ​സം, 2 സ്‌നാനങ്ങളെക്കുറിച്ചുള്ള ഉപദേശം, കൈ​വെപ്പ്‌,+ മരിച്ച​വ​രു​ടെ പുനരു​ത്ഥാ​നം,+ നിത്യ​ശി​ക്ഷാ​വി​ധി എന്നിങ്ങനെ​യുള്ള അടിസ്ഥാ​നം വീണ്ടും ഇടുകയല്ല വേണ്ടത്‌. 3 ദൈവം അനുവ​ദി​ക്കുന്നെ​ങ്കിൽ നമ്മൾ പക്വത നേടും.

4 സത്യത്തിന്റെ വെളിച്ചവും+ പരിശു​ദ്ധാ​ത്മാ​വും ലഭിക്കു​ക​യും സ്വർഗീ​യ​സ​മ്മാ​ന​വും 5 ശ്രേഷ്‌ഠമായ ദൈവ​വ​ച​ന​വും രുചി​ച്ച​റി​യു​ക​യും വരാനി​രി​ക്കുന്ന വ്യവസ്ഥിതിയുടെ* ശക്തികൾ അനുഭ​വി​ച്ച​റി​യു​ക​യും ചെയ്‌തവർ 6 വീണുപോയാൽ+ അവരെ പശ്ചാത്താപത്തിലേക്കു* തിരി​ച്ചുകൊ​ണ്ടു​വ​രാൻ പറ്റില്ല. കാരണം അവർ ദൈവ​പുത്രനെ വീണ്ടും സ്‌തം​ഭ​ത്തിൽ തറയ്‌ക്കു​ക​യും പരസ്യ​മാ​യി അപമാ​നി​ക്കു​ക​യും ചെയ്യുന്നു.+ 7 കൂടെക്കൂടെ പെയ്യുന്ന മഴ കുടിച്ച്‌ നിലം, അതിൽ കൃഷി ചെയ്യു​ന്ന​വർക്ക്‌ ഉപകാ​രപ്ര​ദ​മായ സസ്യങ്ങൾ മുളപ്പി​ക്കുന്നെ​ങ്കിൽ അതിനു ദൈവ​ത്തി​ന്റെ അനു​ഗ്രഹം ലഭിക്കു​ന്നു. 8 മുൾച്ചെടിയും ഞെരി​ഞ്ഞി​ലും ആണ്‌ മുളപ്പി​ക്കു​ന്നതെ​ങ്കി​ലോ അതിനെ ഉപേക്ഷി​ക്കും; അതിന്മേൽ പെട്ടെ​ന്നു​തന്നെ ശാപം വരും. ഒടുവിൽ അതിനെ തീക്കി​ര​യാ​ക്കും.

9 എന്നാൽ പ്രിയപ്പെ​ട്ട​വരേ, നിങ്ങ​ളോട്‌ ഇങ്ങനെയൊ​ക്കെ പറഞ്ഞാ​ലും നിങ്ങളു​ടെ കാര്യ​ത്തിൽ ഞങ്ങൾക്കു ശുഭ​പ്ര​തീ​ക്ഷ​യാ​ണു​ള്ളത്‌. രക്ഷയി​ലേക്കു നയിക്കുന്ന നന്മകൾ നിങ്ങൾക്കു​ണ്ടെന്നു ഞങ്ങൾക്ക്‌ ഉറപ്പാണ്‌. 10 വിശുദ്ധരെ ശുശ്രൂ​ഷി​ച്ച​തി​ലൂടെ​യും ഇപ്പോ​ഴും അവരെ ശുശ്രൂ​ഷി​ക്കു​ന്ന​തി​ലൂടെ​യും നിങ്ങൾ ദൈവ​നാ​മത്തോ​ടു കാണി​ക്കുന്ന സ്‌നേഹവും+ നിങ്ങൾ ചെയ്യുന്ന സേവന​വും മറന്നു​ക​ള​യാൻ ദൈവം അനീതി​യു​ള്ള​വനല്ല. 11 എന്നാൽ നിങ്ങൾ ഓരോ​രു​ത്ത​രും ഇപ്പോ​ഴുള്ള അതേ ഉത്സാഹം തുടർന്നും കാണി​ക്ക​ണമെന്നു ഞങ്ങൾ ആഗ്രഹി​ക്കു​ന്നു. എങ്കിൽ മാത്രമേ നിങ്ങളു​ടെ പ്രത്യാശ സഫലമാകുമെന്നു+ നിങ്ങൾക്ക്‌ അവസാനംവരെ+ പൂർണബോ​ധ്യ​മു​ള്ള​വ​രാ​യി​രി​ക്കാൻ കഴിയൂ. 12 അങ്ങനെ നിങ്ങൾ മടിയി​ല്ലാ​ത്ത​വ​രാ​യി,+ വിശ്വാ​സ​ത്തി​ലൂടെ​യും ക്ഷമയി​ലൂടെ​യും വാഗ്‌ദാ​നങ്ങൾ അവകാ​ശ​മാ​ക്കി​യ​വരെ അനുക​രി​ക്കു​ന്ന​വ​രാ​കും.

13 ദൈവം അബ്രാ​ഹാ​മി​നു വാഗ്‌ദാ​നം നൽകി​യപ്പോൾ, തന്നെക്കാൾ വലിയ ആരുമി​ല്ലാ​ത്ത​തുകൊണ്ട്‌ തന്നെ​ക്കൊ​ണ്ടു​തന്നെ സത്യം ചെയ്‌ത്‌+ ഇങ്ങനെ പറഞ്ഞു: 14 “ഞാൻ നിന്നെ ഉറപ്പാ​യും അനു​ഗ്ര​ഹി​ക്കും; ഞാൻ നിന്നെ ഉറപ്പാ​യും വർധി​പ്പി​ക്കും.”+ 15 ക്ഷമയോടെ കാത്തി​രു​ന്നശേ​ഷ​മാണ്‌ അബ്രാ​ഹാ​മിന്‌ ഈ വാഗ്‌ദാ​നം ലഭിച്ചത്‌. 16 തങ്ങളെക്കാൾ വലിയ​വ​രു​ടെ പേര്‌ പറഞ്ഞാ​ണ​ല്ലോ മനുഷ്യർ സത്യം ചെയ്യു​ന്നത്‌. അവർ ചെയ്യുന്ന സത്യം എല്ലാ തർക്കങ്ങൾക്കും തീർപ്പു​വ​രു​ത്തു​ന്നു. കാരണം അതിനു നിയമ​സാ​ധു​ത​യുണ്ട്‌.+ 17 തന്റെ ഉദ്ദേശ്യം മാറ്റമി​ല്ലാ​ത്ത​താണെന്നു വാഗ്‌ദാ​ന​ത്തി​ന്റെ അവകാശികൾക്കു+ കൂടുതൽ വ്യക്തമാ​യി കാണി​ച്ചുകൊ​ടു​ക്കാൻ തീരു​മാ​നി​ച്ചപ്പോൾ, ദൈവ​വും ഒരു സത്യം ചെയ്‌ത്‌ അതിന്‌ ഉറപ്പു നൽകി. 18 മാറ്റം വരാത്ത ഈ രണ്ടു കാര്യ​ത്തി​ലും ദൈവ​ത്തി​നു നുണ പറയാ​നാ​കില്ല.+ അഭയം തേടി​ച്ചെന്ന നമുക്ക്‌, നമ്മുടെ മുന്നിൽ വെച്ചി​രി​ക്കുന്ന പ്രത്യാശ മുറുകെ പിടി​ക്കാൻ ഇവ ശക്തമായ പ്രേര​ണയേ​കു​ന്നു. 19 സുനിശ്ചിതവും ഉറപ്പു​ള്ള​തും ആയ ഈ പ്രത്യാശ+ നമുക്ക്‌ ഒരു നങ്കൂര​മാണ്‌. നമ്മുടെ പ്രത്യാശ തിരശ്ശീലയുടെ+ ഉള്ളി​ലേക്കു കടന്നുചെ​ല്ലു​ന്നു. 20 എന്നേക്കുമായി മൽക്കീസേദെ​ക്കിനെപ്പോ​ലുള്ള ഒരു മഹാപുരോ​ഹി​ത​നാ​യി​ത്തീർന്ന യേശു+ നമുക്കു​വേണ്ടി നമുക്കു മുമ്പായി പ്രവേ​ശി​ച്ചത്‌ അവി​ടേ​ക്കാണ്‌.

7 ശാലേം​രാ​ജാ​വും അത്യു​ന്ന​ത​ദൈ​വ​ത്തി​ന്റെ പുരോ​ഹി​ത​നും ആയ ഈ മൽക്കീ​സേ​ദെക്ക്‌, അബ്രാ​ഹാം രാജാ​ക്ക​ന്മാ​രെ കൊ​ന്നൊ​ടു​ക്കി മടങ്ങി​വ​ന്നപ്പോൾ എതി​രേ​റ്റുചെന്ന്‌ അനു​ഗ്ര​ഹി​ച്ചു.+ 2 അബ്രാഹാം മൽക്കീസേദെ​ക്കിന്‌ എല്ലാത്തിന്റെ​യും പത്തി​ലൊ​ന്നു കൊടു​ത്തു.* മൽക്കീ​സേ​ദെക്ക്‌ എന്ന പേരിന്റെ അർഥം, “നീതി​യു​ടെ രാജാവ്‌” എന്നാണ്‌. കൂടാതെ മൽക്കീ​സേ​ദെക്ക്‌ ശാലേം​രാ​ജാ​വു​മാണ്‌, എന്നു​വെ​ച്ചാൽ, “സമാധാ​ന​ത്തി​ന്റെ രാജാവ്‌.” 3 മൽക്കീസേദെക്കിന്‌ അപ്പനില്ല, അമ്മയില്ല, വംശാ​വ​ലി​യില്ല, ജീവി​ത​ത്തിന്‌ ആരംഭ​മോ അവസാ​ന​മോ ഇല്ല. അങ്ങനെ ദൈവം മൽക്കീസേദെ​ക്കി​നെ ദൈവ​പുത്രനെപ്പോ​ലെ ആക്കിത്തീർത്ത​തുകൊണ്ട്‌ അദ്ദേഹം എന്നെന്നും പുരോ​ഹി​ത​നാണ്‌.+

4 മൽക്കീസേദെക്ക്‌ എത്ര വലിയ​വ​നാണെന്നു കണ്ടോ! ഗോ​ത്ര​പി​താ​വായ അബ്രാ​ഹാംപോ​ലും താൻ പിടിച്ചെ​ടുത്ത കൊള്ള​വ​സ്‌തു​ക്ക​ളിൽ വിശേ​ഷപ്പെ​ട്ട​വ​യു​ടെ പത്തി​ലൊ​ന്നു മൽക്കീസേദെ​ക്കി​നു കൊടു​ത്ത​ല്ലോ.+ 5 അബ്രാഹാമിന്റെ വംശജരായിട്ടുപോലും* ജനത്തിൽനി​ന്ന്‌, അതായത്‌ തങ്ങളുടെ സഹോ​ദ​ര​ന്മാ​രിൽനിന്ന്‌, ലേവി​യു​ടെ പുത്രന്മാരിൽ+ പുരോ​ഹി​ത​സ്ഥാ​നം ലഭിക്കു​ന്നവർ ദശാംശം വാങ്ങണ​മെന്ന കല്‌പന നിയമത്തിലുണ്ടായിരുന്നു*+ എന്നതു ശരിയാ​ണ്‌. 6 എന്നാൽ മൽക്കീ​സേ​ദെക്ക്‌ അവരുടെ വംശാ​വ​ലി​യിൽപ്പെ​ട്ട​വ​ന​ല്ലാ​ഞ്ഞി​ട്ടും അബ്രാ​ഹാ​മിൽനിന്ന്‌ ദശാംശം വാങ്ങു​ക​യും വാഗ്‌ദാ​നങ്ങൾ ലഭിച്ചി​രുന്ന അബ്രാ​ഹാ​മി​നെ അനു​ഗ്ര​ഹി​ക്കു​ക​യും ചെയ്‌തു.+ 7 ഉയർന്നയാളാണു താഴ്‌ന്ന​യാ​ളെ അനു​ഗ്ര​ഹി​ക്കു​ന്നത്‌ എന്നതിനു തർക്കമില്ല. 8 ആദ്യത്തേതിൽ മരണമുള്ള മനുഷ്യ​രാ​ണു ദശാംശം വാങ്ങു​ന്നത്‌; എന്നാൽ രണ്ടാമത്തേ​തിൽ ജീവി​ക്കു​ന്നവൻ എന്നു തിരുവെ​ഴു​ത്തു​കൾ സാക്ഷ്യപ്പെ​ടു​ത്തു​ന്ന​വ​നാ​ണു ദശാംശം വാങ്ങു​ന്നത്‌.+ 9 ഒരർഥത്തിൽ, ദശാംശം വാങ്ങുന്ന ലേവി​തന്നെ അബ്രാ​ഹാ​മി​ലൂ​ടെ ദശാംശം കൊടു​ത്തു എന്നു പറയാം; 10 കാരണം മൽക്കീ​സേ​ദെക്ക്‌ അബ്രാ​ഹാ​മി​നെ എതിരേറ്റുചെന്നപ്പോൾ+ ലേവി തന്റെ പൂർവി​ക​നായ അബ്രാ​ഹാ​മിൽനിന്ന്‌ വരാനി​രി​ക്കു​ക​യാ​യി​രു​ന്ന​ല്ലോ.*

11 ജനത്തിനു കൊടുത്ത നിയമ​ത്തി​ന്റെ ഒരു സവി​ശേ​ഷ​ത​യാ​യി​രു​ന്നു ലേവ്യ​പൗരോ​ഹി​ത്യം. ഈ പൗരോ​ഹി​ത്യ​ത്താൽ പൂർണത നേടാൻ കഴിയുമായിരുന്നെങ്കിൽ+ അഹരോനെപ്പോ​ലുള്ള ഒരു പുരോ​ഹി​തൻതന്നെ മതിയാ​യി​രു​ന്ന​ല്ലോ; മൽക്കീസേദെ​ക്കിനെപ്പോ​ലുള്ള ഒരു പുരോഹിതൻ+ വരേണ്ട ആവശ്യ​മി​ല്ലാ​യി​രു​ന്നു. 12 പൗരോഹിത്യത്തിനു മാറ്റം വരുന്ന സ്ഥിതിക്കു നിയമ​ത്തി​നും മാറ്റം വരണം.+ 13 കാരണം ഇക്കാര്യ​ങ്ങൾ ആരെക്കു​റി​ച്ചാ​ണോ പറഞ്ഞി​രി​ക്കു​ന്നത്‌ ആ വ്യക്തി മറ്റൊരു ഗോ​ത്ര​ത്തിൽപ്പെ​ട്ട​യാ​ളാണ്‌. ആ ഗോ​ത്ര​ത്തിൽപ്പെട്ട ആരും യാഗപീ​ഠ​ത്തി​ങ്കൽ ശുശ്രൂഷ ചെയ്‌തി​ട്ടില്ല.+ 14 നമ്മുടെ കർത്താവ്‌ യഹൂദ​യു​ടെ വംശത്തിൽ+ പിറന്ന​യാ​ളാണെന്നു വ്യക്തമാ​ണ്‌. എന്നാൽ ആ ഗോ​ത്ര​ത്തിൽനിന്ന്‌ പുരോ​ഹി​ത​ന്മാർ വരുന്ന​തിനെ​ക്കു​റിച്ച്‌ മോശ ഒന്നും പറഞ്ഞി​ട്ടില്ല.

15 മൽക്കീസേദെക്കിനെപ്പോലുള്ള മറ്റൊരു പുരോഹിതൻ+ എഴുന്നേറ്റ സ്ഥിതിക്ക്‌ ഇക്കാര്യം കൂടുതൽ വ്യക്തമാ​ണ്‌. 16 ആ പുരോ​ഹി​തൻ വംശാ​വ​ലി​യു​ടെ അടിസ്ഥാ​ന​ത്തി​ലുള്ള നിബന്ധ​ന​യാ​ലല്ല, തനിക്ക്‌ അനശ്വ​ര​മായ ജീവൻ+ സാധ്യ​മാ​ക്കുന്ന ശക്തിയാ​ലാ​ണു പുരോ​ഹി​ത​നാ​യി​രി​ക്കു​ന്നത്‌. 17 “നീ എന്നെന്നും മൽക്കീസേദെ​ക്കിനെപ്പോ​ലുള്ള പുരോ​ഹി​തൻ”+ എന്നാണ​ല്ലോ ആ പുരോ​ഹി​തനെ​ക്കു​റിച്ച്‌ പറഞ്ഞി​രി​ക്കു​ന്നത്‌.

18 അതെ, മുമ്പത്തെ കല്‌പന ദുർബ​ല​വും നിഷ്‌ഫലവും+ ആയതുകൊ​ണ്ടാണ്‌ അതു നീക്കി​ക്ക​ള​ഞ്ഞത്‌. 19 കാരണം നിയമം ഒന്നിനും പൂർണത വരുത്തി​യില്ല.+ എന്നാൽ നമ്മളെ ഇപ്പോൾ ദൈവ​ത്തോ​ട്‌ അടുപ്പിക്കുന്ന+ കൂടുതൽ നല്ലൊരു പ്രത്യാശ+ വന്നതി​ലൂ​ടെ പൂർണത സാധ്യ​മാ​യി. 20 മാത്രമല്ല, ഒരു ആണ കൂടാ​തെയല്ല ഇതു സംഭവി​ച്ചി​രി​ക്കു​ന്നത്‌. 21 (ആണ കൂടാതെ പുരോ​ഹി​ത​ന്മാ​രാ​യ​വ​രു​ണ്ട​ല്ലോ. എന്നാൽ ഈ വ്യക്തി പുരോ​ഹി​ത​നാ​യത്‌ അദ്ദേഹത്തെ​ക്കു​റി​ച്ചുള്ള ദൈവ​ത്തി​ന്റെ ഈ ആണയനു​സ​രി​ച്ചാണ്‌: “‘നീ എന്നെന്നും ഒരു പുരോ​ഹി​തൻ’ എന്ന്‌ യഹോവ* ആണയി​ട്ടി​രി​ക്കു​ന്നു; ദൈവം മനസ്സു മാറ്റില്ല.”*)+ 22 ദൈവത്തിന്റെ ആണ നിമിത്തം യേശു കൂടുതൽ ശ്രേഷ്‌ഠ​മായ ഒരു ഉടമ്പടിയുടെ+ ഉറപ്പാ​യി​ത്തീർന്നി​രി​ക്കു​ന്നു.* 23 എന്നും പുരോ​ഹി​ത​നാ​യി​രി​ക്കാൻ മരണം ആരെയും അനുവ​ദി​ക്കാ​ഞ്ഞ​തുകൊണ്ട്‌ പലരും ഒന്നിനു പുറകേ ഒന്നായി+ ആ സ്ഥാനത്ത്‌ വന്നു. 24 എന്നാൽ യേശു എന്നും ജീവിക്കുന്നതുകൊണ്ട്‌+ യേശു​വി​ന്റെ പൗരോ​ഹി​ത്യ​ത്തി​നു പിന്തു​ടർച്ച​ക്കാ​രില്ല. 25 അതുകൊണ്ട്‌ തന്നിലൂ​ടെ ദൈവത്തെ സമീപി​ക്കു​ന്ന​വരെ പൂർണ​മാ​യി രക്ഷിക്കാൻ യേശു പ്രാപ്‌ത​നാണ്‌; അവർക്കു​വേണ്ടി അപേക്ഷി​ക്കാൻ യേശു എന്നും ജീവ​നോടെ​യുണ്ട്‌.+

26 നമുക്കു വേണ്ടി​യി​രു​ന്ന​തും ഇങ്ങനെയൊ​രു മഹാപുരോ​ഹി​തനെ​യാ​ണ​ല്ലോ: വിശ്വ​സ്‌തൻ, നിഷ്‌ക​ളങ്കൻ, നിർമലൻ,+ പാപി​ക​ളിൽനിന്ന്‌ വ്യത്യ​സ്‌തൻ, ആകാശ​ങ്ങൾക്കു മീതെ ഉന്നതനാ​ക്കപ്പെ​ട്ടവൻ.+ 27 മറ്റു മഹാപുരോ​ഹി​ത​ന്മാരെപ്പോ​ലെ ആദ്യം സ്വന്തം പാപങ്ങൾക്കുവേ​ണ്ടി​യും പിന്നെ ജനത്തിന്റെ പാപങ്ങൾക്കുവേണ്ടിയും+ എല്ലാ ദിവസ​വും ബലി അർപ്പി​ക്കേണ്ട ആവശ്യം+ ഈ മഹാപുരോ​ഹി​ത​നില്ല. കാരണം സ്വയം ഒരു ബലിയാ​യി അർപ്പി​ച്ചുകൊണ്ട്‌ എല്ലാ കാല​ത്തേ​ക്കുംവേണ്ടി ഒരു പ്രാവ​ശ്യം അദ്ദേഹം അതു ചെയ്‌ത​ല്ലോ.+ 28 നിയമം മഹാപുരോ​ഹി​ത​ന്മാ​രാ​ക്കു​ന്നതു ബലഹീനതകളുള്ള+ മനുഷ്യരെ​യാണ്‌. എന്നാൽ നിയമ​ത്തി​നു ശേഷം ചെയ്‌ത ആണ,+ എന്നേക്കു​മാ​യി പൂർണനായിത്തീർന്ന+ പുത്രനെ മഹാപുരോ​ഹി​ത​നാ​ക്കു​ന്നു.

8 ഇതുവരെ പറഞ്ഞതി​ന്റെ ചുരുക്കം ഇതാണ്‌: സ്വർഗ​ത്തിൽ അത്യു​ന്ന​തന്റെ സിംഹാ​സ​ന​ത്തി​ന്റെ വലതു​ഭാ​ഗത്ത്‌ ഇരിക്കുന്ന+ ഒരു മഹാപുരോ​ഹി​ത​നാ​ണു നമുക്കു​ള്ളത്‌;+ 2 അതായത്‌, വിശുദ്ധസ്ഥലത്തും+ സത്യകൂ​ടാ​ര​ത്തി​ലും ശുശ്രൂഷ* ചെയ്യുന്ന ഒരു മഹാപുരോ​ഹി​തൻ. ആ കൂടാരം നിർമി​ച്ചതു മനുഷ്യ​നല്ല, യഹോ​വ​യാണ്‌.* 3 മഹാപുരോഹിതന്മാരെയെല്ലാം നിയമി​ക്കു​ന്നതു കാഴ്‌ച​ക​ളും ബലിക​ളും അർപ്പി​ക്കാ​നാ​ണ​ല്ലോ. അതു​കൊണ്ട്‌ ഈ മഹാപുരോ​ഹി​ത​നും എന്തെങ്കി​ലും അർപ്പി​ക്ക​ണ​മാ​യി​രു​ന്നു.+ 4 യേശു ഭൂമി​യി​ലാ​യി​രുന്നെ​ങ്കിൽ ഒരു പുരോ​ഹി​ത​നാ​കു​മാ​യി​രു​ന്നില്ല;+ കാരണം നിയമപ്ര​കാ​രം കാഴ്‌ചകൾ അർപ്പി​ക്കുന്ന വേറെ പുരോ​ഹി​ത​ന്മാർ ഇവി​ടെ​യുണ്ട്‌. 5 എന്നാൽ അവർ അനുഷ്‌ഠി​ക്കുന്ന വിശു​ദ്ധസേ​വനം സ്വർഗീയകാര്യങ്ങളുടെ+ പ്രതീ​ക​വും നിഴലും ആണ്‌.+ മോശ കൂടാരം പണിയാൻതു​ട​ങ്ങുന്ന സമയത്ത്‌, “പർവത​ത്തിൽവെച്ച്‌ നിനക്കു കാണി​ച്ചു​തന്ന മാതൃ​ക​യ​നു​സ​രി​ച്ചു​തന്നെ നീ അവയെ​ല്ലാം ഉണ്ടാക്കു​ന്നെന്ന്‌ ഉറപ്പു​വ​രു​ത്തുക”+ എന്നാണ​ല്ലോ ദൈവം കല്‌പി​ച്ചത്‌. 6 എന്നാൽ ഇപ്പോൾ യേശു​വി​നു ലഭിച്ചി​രി​ക്കു​ന്നതു മറ്റു പുരോ​ഹി​ത​ന്മാർ ചെയ്‌ത​തിനെ​ക്കാൾ മികച്ച ഒരു ശുശ്രൂ​ഷ​യാണ്‌.* കാരണം യേശു കൂടുതൽ ശ്രേഷ്‌ഠ​മായ ഒരു ഉടമ്പടിയുടെ+ മധ്യസ്ഥ​നാണ്‌.+ ആ ഉടമ്പടി ഏറെ മെച്ചമായ വാഗ്‌ദാ​ന​ങ്ങൾകൊണ്ട്‌ നിയമ​പ​ര​മാ​യി ഉറപ്പി​ച്ചി​രി​ക്കു​ന്നു.+

7 ആദ്യത്തെ ഉടമ്പടി കുറ്റമ​റ്റ​താ​യി​രുന്നെ​ങ്കിൽ രണ്ടാമതൊ​ന്നു വേണ്ടി​വ​രു​മാ​യി​രു​ന്നില്ല.+ 8 എന്നാൽ ജനത്തിൽ കുറ്റം കണ്ടതു​കൊ​ണ്ട്‌ ദൈവം ഇങ്ങനെ പറഞ്ഞി​രി​ക്കു​ന്നു: “‘ഇസ്രായേൽഗൃ​ഹത്തോ​ടും യഹൂദാ​ഗൃ​ഹത്തോ​ടും ഞാൻ ഒരു പുതിയ ഉടമ്പടി ചെയ്യുന്ന കാലം ഇതാ വരുന്നു’ എന്ന്‌ യഹോവ* പറയുന്നു; 9 ‘ഈജി​പ്‌ത്‌ ദേശത്തു​നിന്ന്‌ അവരുടെ പൂർവി​കരെ കൈപി​ടിച്ച്‌ കൊണ്ടു​വന്ന നാളിൽ+ ഞാൻ അവരു​മാ​യി ചെയ്‌ത ഉടമ്പടിപോലെ​യാ​യി​രി​ക്കില്ല ഇത്‌. കാരണം അവർ എന്റെ ഉടമ്പടി​യിൽ നിലനി​ന്നില്ല. അതു​കൊണ്ട്‌ ഞാൻ അവരെ സംരക്ഷി​ക്കു​ന്നതു നിറുത്തി’ എന്ന്‌ യഹോവ* പറയുന്നു.”

10 “‘ആ നാളു​കൾക്കു ശേഷം ഞാൻ ഇസ്രായേൽഗൃ​ഹത്തോ​ടു ചെയ്യുന്ന ഉടമ്പടി ഇതായി​രി​ക്കും’ എന്ന്‌ യഹോവ* പറയുന്നു. ‘ഞാൻ എന്റെ നിയമങ്ങൾ അവരുടെ മനസ്സു​ക​ളിൽ വെക്കും; അവരുടെ ഹൃദയ​ങ്ങ​ളിൽ ഞാൻ അവ എഴുതും.+ ഞാൻ അവരുടെ ദൈവ​വും അവർ എന്റെ ജനവും ആകും.+

11 “‘അവർ ആരും പിന്നെ അവരുടെ സഹപൗ​രനെ​യോ സഹോ​ദ​രനെ​യോ, “യഹോവയെ* അറിയൂ” എന്ന്‌ ഉപദേ​ശി​ക്കില്ല; കാരണം ചെറി​യ​വൻമു​തൽ വലിയ​വൻവരെ അവർ എല്ലാവ​രും എന്നെ അറിയു​ന്ന​വ​രാ​യി​രി​ക്കും. 12 അവർ കാണിച്ച അന്യാ​യങ്ങൾ ഞാൻ ക്ഷമിക്കും. അവരുടെ പാപങ്ങൾ പിന്നെ ഓർക്കു​ക​യു​മില്ല.’”+

13 ഇത്‌ “ഒരു പുതിയ ഉടമ്പടി” ആണ്‌ എന്നു പറഞ്ഞു​കൊ​ണ്ട്‌ മുമ്പ​ത്തേ​തി​നെ ദൈവം കാലഹ​ര​ണപ്പെ​ട്ട​താ​ക്കി.+ കാലഹ​ര​ണപ്പെ​ട്ട​തും പഴകു​ന്ന​തും ഉടനെ ഇല്ലാതാ​കും.+

9 ആദ്യത്തെ ഉടമ്പടി​യിൽ വിശു​ദ്ധസേ​വ​നത്തോ​ടു ബന്ധപ്പെട്ട നിയമ​പ​ര​മായ വ്യവസ്ഥ​ക​ളു​ണ്ടാ​യി​രു​ന്നു. ഉടമ്പടി​യു​ടെ ഭാഗമാ​യി ഭൂമി​യിൽ ഒരു വിശു​ദ്ധ​മ​ന്ദി​ര​വു​മു​ണ്ടാ​യി​രു​ന്നു.+ 2 വിശുദ്ധമന്ദിരത്തിനു രണ്ടു ഭാഗങ്ങ​ളാ​ണു​ണ്ടാ​യി​രു​ന്നത്‌.* ആദ്യത്തെ ഭാഗത്ത്‌ തണ്ടുവിളക്കും+ മേശയും കാഴ്‌ചയപ്പവും+ വെച്ചി​രു​ന്നു. ആ ഭാഗത്തി​നു വിശുദ്ധസ്ഥലം+ എന്നാണു പേര്‌. 3 രണ്ടാം തിരശ്ശീലയ്‌ക്കു+ പിന്നി​ലാ​യി​രു​ന്നു അതിവിശുദ്ധം+ എന്ന്‌ അറിയപ്പെ​ട്ടി​രുന്ന ഭാഗം. 4 അവിടെ, സുഗന്ധ​ക്കൂ​ട്ടു കത്തിക്കുന്ന സ്വർണപാത്രവും+ മുഴു​വ​നാ​യി സ്വർണം പൊതിഞ്ഞ+ ഉടമ്പടിപ്പെട്ടകവും+ ഉണ്ടായി​രു​ന്നു. ഉടമ്പടിപ്പെ​ട്ട​ക​ത്തി​നു​ള്ളിൽ മന്ന+ വെച്ചി​രുന്ന സ്വർണ​ഭ​ര​ണി​യും അഹരോ​ന്റെ തളിർത്ത വടിയും+ ഉടമ്പടി​യു​ടെ കൽപ്പലകകളും+ ആണുണ്ടാ​യി​രു​ന്നത്‌. 5 പെട്ടകത്തിനു മീതെ, അതിന്റെ മൂടിയിന്മേൽ* നിഴൽ വിരി​ച്ചുകൊണ്ട്‌ തേജസ്സാർന്ന കെരൂ​ബു​ക​ളു​ണ്ടാ​യി​രു​ന്നു.+ എന്നാൽ ഇക്കാര്യ​ങ്ങളെ​ക്കു​റി​ച്ചുള്ള വിശദാം​ശ​ങ്ങ​ളിലേക്ക്‌ ഇപ്പോൾ കടക്കു​ന്നില്ല.

6 ഇവയെല്ലാം ഇങ്ങനെ ഒരുക്കി​യശേഷം, പുരോ​ഹി​ത​ന്മാർ ആദ്യഭാ​ഗത്ത്‌ പ്രവേ​ശിച്ച്‌ പതിവാ​യി വിശുദ്ധസേവനം+ നിർവ​ഹി​ച്ചുപോ​ന്നു. 7 എന്നാൽ രണ്ടാം ഭാഗത്ത്‌ മഹാപുരോ​ഹി​തൻ മാത്രമേ പ്രവേ​ശി​ക്കൂ; തനിക്കുവേണ്ടിയും+ അറിവി​ല്ലായ്‌മ കാരണം ജനം ചെയ്‌ത പാപങ്ങൾക്കുവേണ്ടിയും+ വർഷത്തിൽ ഒരിക്കൽ മാത്രം,+ അർപ്പി​ക്കാ​നുള്ള രക്തവു​മാ​യി,+ മഹാപുരോ​ഹി​തൻ അവിടെ പ്രവേ​ശി​ക്കും. 8 അങ്ങനെ, ആദ്യകൂ​ടാ​രം നിലനി​ന്നി​ടത്തോ​ളം കാലം വിശു​ദ്ധ​സ്ഥ​ലത്തേ​ക്കുള്ള വഴി വെളിപ്പെട്ടിരുന്നില്ലെന്നു+ പരിശു​ദ്ധാ​ത്മാവ്‌ വ്യക്തമാ​ക്കി​ത്ത​രു​ന്നു. 9 ആ കൂടാരം ഇക്കാലത്തേ​ക്കുള്ള ഒരു പ്രതീ​ക​മാണ്‌.+ ആ ക്രമീ​ക​ര​ണ​മ​നു​സ​രിച്ച്‌ കാഴ്‌ച​ക​ളും ബലിക​ളും അർപ്പി​ച്ചുപോ​രു​ന്നു.+ എന്നാൽ ആരാധന* അർപ്പി​ക്കു​ന്ന​യാ​ളു​ടെ മനസ്സാ​ക്ഷി​യെ പൂർണ​മാ​യും ശുദ്ധമാ​ക്കാൻ അവയ്‌ക്കു കഴിയില്ല.+ 10 ഭക്ഷണപാനീയങ്ങൾ, ആചാരപ്ര​കാ​ര​മുള്ള പല തരം ശുദ്ധീകരണങ്ങൾ*+ എന്നിവയോ​ടു മാത്രം ബന്ധപ്പെ​ട്ട​വ​യാണ്‌ അവ. എല്ലാം നേരെ​യാ​ക്കാൻ നിശ്ചയിച്ച സമയം​വരെ​യാ​ണു ശരീരത്തെ സംബന്ധി​ച്ചുള്ള അത്തരം നിയമ​പ​ര​മായ വ്യവസ്ഥകൾ+ ഏർപ്പെ​ടു​ത്തി​യി​രു​ന്നത്‌.

11 എന്നാൽ നമുക്കു ലഭിച്ച നന്മകളു​ടെ മഹാപുരോ​ഹി​ത​നാ​യി ക്രിസ്‌തു വന്നപ്പോൾ കൈ​കൊണ്ട്‌ പണിത​ത​ല്ലാത്ത, അതായത്‌ ഈ സൃഷ്ടി​യിൽപ്പെ​ടാത്ത, മഹനീ​യ​വും ഏറെ പൂർണ​വും ആയ കൂടാ​ര​ത്തിലേക്കു പ്രവേ​ശി​ച്ചു. 12 ക്രിസ്‌തു വിശു​ദ്ധ​സ്ഥ​ലത്തേക്കു പ്രവേ​ശി​ച്ചതു കോലാ​ടു​ക​ളുടെ​യോ കാളക്കു​ട്ടി​ക​ളുടെ​യോ രക്തവു​മാ​യല്ല, സ്വന്തം രക്തവു​മാ​യാണ്‌.+ ക്രിസ്‌തു എല്ലാ കാല​ത്തേ​ക്കുംവേണ്ടി ഒരു പ്രാവ​ശ്യം അവിടെ പ്രവേ​ശിച്ച്‌ നമുക്കു നിത്യ​മായ മോചനത്തിനു* വഴി​യൊ​രു​ക്കി.+ 13 ആടുകളുടെയും കാളക​ളുടെ​യും രക്തവും+ അശുദ്ധ​രാ​യ​വ​രു​ടെ മേൽ തളിച്ചി​രുന്ന പശുഭസ്‌മവും* ശരീരത്തെ ശുദ്ധീകരിക്കുന്നെങ്കിൽ+ 14 നിത്യാത്മാവിനാൽ കളങ്കമി​ല്ലാ​തെ സ്വയം ദൈവ​ത്തിന്‌ അർപ്പിച്ച ക്രിസ്‌തു​വി​ന്റെ രക്തം+ നമ്മുടെ മനസ്സാ​ക്ഷി​യെ പ്രയോ​ജ​ന​മി​ല്ലാത്ത പ്രവൃ​ത്തി​ക​ളിൽനിന്ന്‌ എത്രയ​ധി​കം ശുദ്ധീ​ക​രി​ക്കും!+ ജീവനുള്ള ദൈവ​ത്തി​നു വിശു​ദ്ധസേ​വനം അർപ്പി​ക്കാൻ അങ്ങനെ നമുക്കു കഴിയു​ന്നു.+

15 അതുകൊണ്ടാണ്‌ ക്രിസ്‌തു ഒരു പുതിയ ഉടമ്പടി​യു​ടെ മധ്യസ്ഥ​നാ​യത്‌.+ വിളി​ക്കപ്പെ​ട്ട​വരെ ക്രിസ്‌തു തന്റെ മരണത്തി​ലൂ​ടെ മോചനവില* നൽകി+ ആദ്യത്തെ ഉടമ്പടി​യു​ടെ കീഴിലെ ലംഘന​ങ്ങ​ളിൽനിന്ന്‌ വിടു​വി​ച്ചു. അവർക്കു നിത്യാ​വ​കാ​ശ​ത്തി​ന്റെ വാഗ്‌ദാ​നം ലഭിക്കാൻവേണ്ടിയാണ്‌+ അങ്ങനെ ചെയ്‌തത്‌. 16 ഉടമ്പടിയുള്ളിടത്ത്‌ ഉടമ്പടി ഉണ്ടാക്കിയ മനുഷ്യ​ന്റെ മരണം അനിവാ​ര്യ​മാണ്‌. 17 കാരണം മരണ​ത്തോടെ​യാണ്‌ ഉടമ്പടി സാധു​വാ​കു​ന്നത്‌; ഉടമ്പടി​ക്കാ​രൻ ജീവി​ച്ചി​രി​ക്കു​ന്നി​ടത്തോ​ളം അതു പ്രാബ​ല്യ​ത്തിൽ വരില്ല. 18 ആദ്യത്തെ ഉടമ്പടി​യും രക്തം കൂടാ​തെയല്ല പ്രാബ​ല്യ​ത്തിൽ വന്നത്‌.* 19 മോശ ജനത്തെ മുഴു​വ​നും നിയമ​ത്തി​ലെ കല്‌പ​ന​കളൊ​ക്കെ അറിയി​ച്ചശേഷം കാളക്കു​ട്ടി​ക​ളുടെ​യും കോലാ​ടു​ക​ളുടെ​യും രക്തം എടുത്ത്‌ വെള്ളം കലർത്തി കടുഞ്ചു​വപ്പു നിറമുള്ള കമ്പിളി​നൂ​ലും ഈസോ​പ്പുചെ​ടി​യും കൊണ്ട്‌ പുസ്‌തകത്തിന്മേലും* ജനത്തിന്മേ​ലും തളിച്ചു. 20 “അനുസ​രി​ക്ക​ണമെന്നു പറഞ്ഞ്‌ ദൈവം നിങ്ങൾക്കു തന്ന ഉടമ്പടി​യു​ടെ രക്തമാണ്‌ ഇത്‌”+ എന്നു മോശ പറഞ്ഞു. 21 അതുപോലെ, മോശ കൂടാ​ര​ത്തിന്മേ​ലും വിശുദ്ധസേവനത്തിനുള്ള* എല്ലാ പാത്ര​ങ്ങ​ളി​ലും ആ രക്തം തളിച്ചു.+ 22 മിക്കവാറും എല്ലാം​തന്നെ രക്തത്താൽ ശുദ്ധിയാകുന്നു+ എന്നാണു നിയമം പറയു​ന്നത്‌. രക്തം ചൊരി​യാ​തെ ക്ഷമ ലഭിക്കില്ല.+

23 അതുകൊണ്ട്‌ സ്വർഗീ​യ​കാ​ര്യ​ങ്ങ​ളു​ടെ പ്രതീകങ്ങളെ+ ഈ വിധത്തിൽ ശുദ്ധീ​ക​രിക്കേ​ണ്ടത്‌ ആവശ്യ​മാ​യി​രു​ന്നു.+ എന്നാൽ സ്വർഗീ​യ​മാ​യ​വ​യ്‌ക്ക്‌ ഇവയെ​ക്കാൾ മികച്ച ബലിക​ളാ​ണു വേണ്ടത്‌. 24 മനുഷ്യൻ നിർമി​ച്ച​തും യഥാർഥ​ത്തി​ലു​ള്ള​തി​ന്റെ രൂപമാതൃകയും+ ആയ ഒരു വിശു​ദ്ധ​സ്ഥ​ലത്തേക്കല്ല,+ സ്വർഗ​ത്തിലേ​ക്കു​തന്നെ​യാ​ണു ക്രിസ്‌തു പ്രവേ​ശി​ച്ചത്‌.+ അങ്ങനെ ഇപ്പോൾ നമുക്കു​വേണ്ടി ദൈവ​മു​മ്പാ​കെ ഹാജരാകാൻ+ ക്രിസ്‌തു​വി​നു കഴിയു​ന്നു. 25 മഹാപുരോഹിതൻ തന്റേത​ല്ലാത്ത രക്തവു​മാ​യി വർഷംതോ​റും വിശു​ദ്ധ​സ്ഥ​ലത്ത്‌ പ്രവേ​ശി​ക്കു​ന്ന​തുപോലെ​യ​ല്ലാ​യി​രു​ന്നു അത്‌;+ ക്രിസ്‌തു പല പ്രാവ​ശ്യം തന്നെത്തന്നെ അർപ്പി​ക്കു​ന്നില്ല. 26 അങ്ങനെയായിരുന്നെങ്കിൽ, ലോകാരംഭംമുതൽ* ക്രിസ്‌തു പലവട്ടം കഷ്ടത അനുഭ​വിക്കേ​ണ്ടി​വ​രു​മാ​യി​രു​ന്ന​ല്ലോ. എന്നാൽ സ്വയം ഒരു ബലിയാ​യി അർപ്പി​ച്ചുകൊണ്ട്‌ പാപത്തെ ഇല്ലാതാ​ക്കാൻ ക്രിസ്‌തു വ്യവസ്ഥിതികളുടെ* അവസാ​ന​കാ​ലത്ത്‌ എല്ലാ കാല​ത്തേ​ക്കുംവേണ്ടി ഒരു പ്രാവ​ശ്യം പ്രത്യ​ക്ഷ​നാ​യി.+ 27 മനുഷ്യർ ഒരിക്കൽ* മാത്രം മരിക്കണം, പിന്നെ ന്യായം വിധി​ക്കപ്പെ​ടണം എന്നുള്ള​തുപോ​ലെ, 28 ക്രിസ്‌തുവും അനേകം ആളുക​ളു​ടെ പാപങ്ങൾ ചുമക്കാൻ ഒരിക്കൽ* മാത്രം സ്വയം അർപ്പിച്ചു.+ ക്രിസ്‌തു രണ്ടാമതു പ്രത്യ​ക്ഷ​നാ​കു​ന്നതു പാപത്തെ ഇല്ലാതാ​ക്കാ​നല്ല. അപ്പോൾ, രക്ഷയ്‌ക്കു​വേണ്ടി ആകാം​ക്ഷയോ​ടെ ക്രിസ്‌തു​വി​നെ നോക്കി​യി​രി​ക്കു​ന്നവർ ക്രിസ്‌തു​വി​നെ കാണും.+

10 നിയമ​ത്തി​ലു​ള്ളതു വരാനുള്ള നന്മകളുടെ+ നിഴലാ​ണ്‌,+ ശരിക്കു​മുള്ള രൂപമല്ല. അതിനാൽ, വർഷംതോ​റും മുടങ്ങാ​തെ അർപ്പി​ച്ചു​വ​രുന്ന അതേ ബലികൾകൊ​ണ്ട്‌, ദൈവ​മു​മ്പാ​കെ വരുന്ന​വരെ പരിപൂർണ​രാ​ക്കാൻ അതിന്‌* ഒരിക്ക​ലും കഴിയില്ല.+ 2 കഴിയുമായിരുന്നെങ്കിൽ ബലികൾ നിന്നുപോ​കി​ല്ലാ​യി​രു​ന്നോ? കാരണം, ആരാധകർ* ഒരിക്കൽ ശുദ്ധീ​ക​രി​ക്കപ്പെ​ട്ടാൽ പിന്നെ അവർക്കു പാപ​ത്തെ​ക്കു​റിച്ച്‌ കുറ്റ​ബോ​ധം തോന്നി​ല്ല​ല്ലോ. 3 വാസ്‌തവത്തിൽ ഈ ബലികൾ വർഷംതോ​റും പാപങ്ങൾ ഓർമി​പ്പി​ക്കു​ക​യാ​ണു ചെയ്യു​ന്നത്‌;+ 4 കാരണം, കാളക​ളുടെ​യും കോലാ​ടു​ക​ളുടെ​യും രക്തത്തിനു പാപങ്ങളെ ഇല്ലാതാ​ക്കാ​നാ​കില്ല.

5 അതുകൊണ്ട്‌ ലോക​ത്തിലേക്കു വരു​മ്പോൾ ക്രിസ്‌തു ഇങ്ങനെ പറയുന്നു: “‘ബലിക​ളും യാഗങ്ങ​ളും അങ്ങ്‌ ആഗ്രഹി​ച്ചില്ല; എന്നാൽ അങ്ങ്‌ എനിക്കാ​യി ഒരു ശരീരം ഒരുക്കി. 6 സമ്പൂർണദഹനയാഗങ്ങളിലും പാപയാ​ഗ​ങ്ങ​ളി​ലും അങ്ങ്‌ പ്രസാ​ദി​ച്ചില്ല.’+ 7 അപ്പോൾ ഞാൻ പറഞ്ഞു: ‘ഇതാ, ഞാൻ വന്നിരി​ക്കു​ന്നു. (ചുരുളിൽ* എന്നെക്കു​റിച്ച്‌ എഴുതി​യി​ട്ടു​ണ്ട​ല്ലോ.) ദൈവമേ, അങ്ങയുടെ ഇഷ്ടം ചെയ്യാൻ ഞാൻ വന്നിരി​ക്കു​ന്നു.’”+ 8 (നിയമപ്ര​കാ​രം അർപ്പി​ച്ചുപോന്ന) “ബലിക​ളും യാഗങ്ങ​ളും സമ്പൂർണ​ദ​ഹ​ന​യാ​ഗ​ങ്ങ​ളും പാപയാ​ഗ​ങ്ങ​ളും അങ്ങ്‌ ആഗ്രഹി​ച്ചില്ല; അവയിൽ പ്രസാ​ദി​ച്ചു​മില്ല” എന്നു പറഞ്ഞ​ശേഷം, 9 “ഇതാ, അങ്ങയുടെ ഇഷ്ടം ചെയ്യാൻ ഞാൻ വന്നിരി​ക്കു​ന്നു”+ എന്നു ക്രിസ്‌തു പറയുന്നു. രണ്ടാമ​ത്തേതു സ്ഥാപി​ക്കാൻ ക്രിസ്‌തു ഒന്നാമ​ത്തേതു നീക്കി​ക്ക​ള​യു​ന്നു. 10 ആ ‘ഇഷ്ടത്താൽ’+ യേശുക്രി​സ്‌തു ഒരിക്കലായിട്ട്‌* തന്റെ ശരീരം അർപ്പി​ക്കു​ക​യും അങ്ങനെ നമ്മളെ വിശു​ദ്ധീ​ക​രി​ക്കു​ക​യും ചെയ്‌തു.+

11 വിശുദ്ധസേവനം* ചെയ്യാ​നും പാപങ്ങളെ അപ്പാടേ നീക്കി​ക്ക​ള​യാൻ കഴിയാത്ത+ അതേ ബലികൾ+ വീണ്ടും​വീ​ണ്ടും അർപ്പിക്കാനും+ വേണ്ടി പുരോ​ഹി​ത​ന്മാർ എല്ലാ ദിവസ​വും അവരവ​രു​ടെ സ്ഥാനത്ത്‌ നിൽക്കു​ന്നു. 12 എന്നാൽ ക്രിസ്‌തു പാപങ്ങൾക്കു​വേണ്ടി എന്നേക്കു​മാ​യി ഒരേ ഒരു ബലി അർപ്പി​ച്ചിട്ട്‌ ദൈവ​ത്തി​ന്റെ വലതു​ഭാ​ഗത്ത്‌ ഇരുന്നു.+ 13 ശത്രുക്കൾ തന്റെ പാദപീ​ഠ​മാ​കുന്ന സമയത്തി​നാ​യി അന്നുമു​തൽ ക്രിസ്‌തു കാത്തി​രി​ക്കു​ക​യാണ്‌.+ 14 വിശുദ്ധീകരിക്കപ്പെട്ടവരെ ഒരേ ഒരു ബലിയി​ലൂടെ​യാ​ണു ക്രിസ്‌തു എന്നേക്കു​മാ​യി പരിപൂർണ​രാ​ക്കി​യി​രി​ക്കു​ന്നത്‌.+ 15 പരിശുദ്ധാത്മാവും നമ്മളോ​ട്‌ ഇങ്ങനെ സാക്ഷി പറയുന്നു: 16 “‘ആ നാളു​കൾക്കു ശേഷം ഞാൻ അവരോ​ടു ചെയ്യുന്ന ഉടമ്പടി ഇതായി​രി​ക്കും. ഞാൻ എന്റെ നിയമങ്ങൾ അവരുടെ ഹൃദയ​ങ്ങ​ളിൽ വെക്കും; അവരുടെ മനസ്സു​ക​ളിൽ ഞാൻ അവ എഴുതും’+ എന്ന്‌ യഹോവ* പറയുന്നു.” 17 അത്‌ ഇങ്ങനെ​യും പറയുന്നു: “അവരുടെ പാപങ്ങ​ളും ധിക്കാരപ്രവൃത്തികളും* ഞാൻ പിന്നെ ഓർക്കില്ല.”+ 18 ഇവ ക്ഷമിച്ചി​രി​ക്കുന്ന സ്ഥിതിക്ക്‌, പാപങ്ങൾക്കു​വേണ്ടി ഒരു യാഗവും ഇനി ആവശ്യ​മില്ല.

19 അതുകൊണ്ട്‌ സഹോ​ദ​ര​ങ്ങളേ, യേശു​വി​ന്റെ രക്തത്തി​ലൂ​ടെ നമുക്കു വിശു​ദ്ധ​സ്ഥ​ലത്തേ​ക്കുള്ള വഴി+ ഉപയോ​ഗി​ക്കാൻ ധൈര്യം* കിട്ടി​യി​രി​ക്കു​ന്നു. 20 തന്റെ ശരീരം എന്ന തിരശ്ശീലയിലൂടെയാണു+ യേശു നമുക്കു ജീവനുള്ള ഈ പുതിയ വഴി തുറന്നു​ത​ന്നത്‌.* 21 ദൈവഭവനത്തിന്മേൽ അധികാ​ര​മുള്ള ശ്രേഷ്‌ഠ​നായ ഒരു പുരോ​ഹി​ത​നും നമുക്കു​ണ്ട്‌.+ 22 ഇക്കാരണങ്ങളാൽ, പൂർണ​വി​ശ്വാ​സത്തോ​ടും ആത്മാർഥ​ഹൃ​ദ​യത്തോ​ടും കൂടെ നമുക്കു ദൈവ​മു​മ്പാ​കെ ചെല്ലാം. ദുഷിച്ച മനസ്സാക്ഷി നീക്കി ശുദ്ധീകരിച്ച*+ ഹൃദയ​വും ശുദ്ധജ​ല​ത്താൽ കഴുകിവെ​ടി​പ്പാ​ക്കിയ ശരീര​വും ഇപ്പോൾ നമുക്കു​ണ്ട്‌.+ 23 നമ്മുടെ പ്രത്യാശ പരസ്യ​മാ​യി പ്രഖ്യാ​പി​ക്കു​ന്ന​തിൽ നമുക്കു പതറാതെ ഉറച്ചു​നിൽക്കാം.+ കാരണം വാഗ്‌ദാ​നം നൽകി​യവൻ വിശ്വ​സ്‌ത​നാണ്‌. 24 സ്‌നേഹിക്കാനും നല്ല കാര്യങ്ങൾ ചെയ്യാ​നും വേണ്ടി പരസ്‌പരം എങ്ങനെ പ്രചോദിപ്പിക്കാമെന്നു* നന്നായി ചിന്തി​ക്കുക.*+ 25 അതുകൊണ്ട്‌ ചിലർ ശീലമാ​ക്കി​യി​രി​ക്കു​ന്ന​തുപോ​ലെ നമ്മുടെ യോഗ​ങ്ങൾക്കു കൂടി​വ​രാ​തി​രി​ക്ക​രുത്‌;+ പകരം നമുക്കു പരസ്‌പരം പ്രോ​ത്സാ​ഹി​പ്പി​ക്കാം.+ ആ ദിവസം അടുത്ത​ടുത്ത്‌ വരുന്നതു കാണുമ്പോൾ+ നമ്മൾ ഇതു കൂടു​തൽക്കൂ​ടു​തൽ ചെയ്യേ​ണ്ട​താണ്‌.

26 സത്യത്തിന്റെ ശരിയായ* അറിവ്‌ ലഭിച്ച​ശേഷം നമ്മൾ മനഃപൂർവം പാപം ചെയ്‌തുകൊ​ണ്ടി​രു​ന്നാൽ,+ പാപങ്ങൾക്കു​വേണ്ടി പിന്നെ ഒരു ബലിയും ബാക്കി​യില്ല;+ 27 ആകെയുള്ളതു ന്യായ​വി​ധി​ക്കാ​യി ഭയത്തോടെ​യുള്ള കാത്തി​രി​പ്പും എതിർത്തു​നിൽക്കു​ന്ന​വരെ ദഹിപ്പി​ക്കുന്ന കോപാ​ഗ്നി​യും മാത്ര​മാണ്‌.+ 28 മോശയുടെ നിയമം ലംഘി​ക്കു​ന്ന​യാൾക്കു രണ്ടോ മൂന്നോ പേരുടെ സാക്ഷിമൊ​ഴി​യു​ടെ അടിസ്ഥാ​ന​ത്തിൽ മരണശിക്ഷ നൽകി​യി​രു​ന്നു;+ അയാ​ളോട്‌ ഒരു അനുക​മ്പ​യും കാണി​ച്ചി​രു​ന്നില്ല. 29 അങ്ങനെയെങ്കിൽ, ഒരാൾ ദൈവ​പുത്രനെ ചവിട്ടിമെ​തി​ക്കു​ക​യും അയാളെ വിശു​ദ്ധീ​ക​രിച്ച ഉടമ്പടി​യു​ടെ രക്തത്തെ+ വെറും സാധാരണ രക്തം​പോ​ലെ കണക്കാ​ക്കു​ക​യും അനർഹ​ദ​യ​യു​ടെ ആത്മാവി​നെ നിന്ദിച്ച്‌ അപമാ​നി​ക്കു​ക​യും ചെയ്‌താൽ+ അയാൾക്കു കിട്ടു​ന്നത്‌ എത്ര കഠിന​മായ ശിക്ഷയാ​യി​രി​ക്കുമെന്നു ചിന്തി​ച്ചുനോ​ക്കൂ! 30 “പ്രതി​കാ​രം എനിക്കു​ള്ളത്‌; ഞാൻ പകരം ചെയ്യും” എന്നും “യഹോവ* തന്റെ ജനത്തെ വിധി​ക്കും”+ എന്നും പറഞ്ഞ ദൈവത്തെ നമുക്ക്‌ അറിയാ​മ​ല്ലോ. 31 ജീവനുള്ള ദൈവ​ത്തി​ന്റെ കൈയിൽ അകപ്പെ​ടു​ന്നത്‌ എത്ര ഭയങ്കരം!

32 നിങ്ങളുടെ പഴയ കാലം എപ്പോ​ഴും ഓർത്തുകൊ​ള്ളുക. സത്യത്തി​ന്റെ വെളിച്ചം ലഭിച്ചശേഷം+ നിങ്ങൾ വലിയ കഷ്ടതകളോ​ടു പൊരു​തി പിടി​ച്ചു​നി​ന്നു. 33 ചിലപ്പോഴൊക്കെ നിങ്ങൾ പരസ്യമായി* നിന്ദയ്‌ക്കും ഉപദ്ര​വ​ത്തി​നും ഇരയായി. മറ്റു ചില​പ്പോൾ നിങ്ങൾ അത്തരം കാര്യങ്ങൾ അനുഭ​വി​ക്കു​ന്ന​വരോ​ടു ചേർന്നു​നി​ന്നു.* 34 ജയിലിലായവരോടു നിങ്ങൾ സഹതാപം കാണിച്ചു. നിങ്ങളു​ടെ സ്വത്തുക്കൾ കൊള്ള​യ​ടി​ക്കപ്പെ​ട്ടപ്പോൾ, നിലനിൽക്കു​ന്ന​തും ഏറെ നല്ലതും ആയ ഒരു സമ്പത്തു നിങ്ങൾക്കു​ണ്ടെന്നു മനസ്സി​ലാ​ക്കി നിങ്ങൾ സന്തോ​ഷത്തോ​ടെ അതു സഹിച്ചു.+

35 അതുകൊണ്ട്‌ നിങ്ങൾ ധൈര്യം* കൈവി​ട​രുത്‌; അതിനു വലിയ പ്രതി​ഫ​ല​മുണ്ട്‌.+ 36 ദൈവേഷ്ടം ചെയ്യാ​നും വാഗ്‌ദാ​നം ലഭിച്ചി​രി​ക്കു​ന്നതു നേടാ​നും നിങ്ങൾക്കു സഹനശക്തി വേണം.+ 37 ഇനി, “അൽപ്പസ​മ​യമേ ഉള്ളൂ,”+ “വരാനു​ള്ളവൻ വരും; താമസി​ക്കില്ല.”+ 38 “എന്റെ നീതി​മാൻ വിശ്വാ​സ​ത്താൽ ജീവി​ക്കും;”+ “പിന്മാ​റുന്നെ​ങ്കിൽ ഞാൻ അവനിൽ പ്രസാ​ദി​ക്കില്ല.”+ 39 നമ്മൾ നാശത്തി​ലേക്കു പിന്മാ​റുന്ന തരക്കാരല്ല,+ വിശ്വ​സിച്ച്‌ ജീവരക്ഷ നേടുന്ന തരക്കാ​രാണ്‌.

11 വിശ്വാ​സം എന്നത്‌, പ്രത്യാ​ശി​ക്കുന്ന കാര്യങ്ങൾ സംഭവി​ക്കു​മെന്ന ഉറച്ച ബോധ്യവും+ കണ്ടിട്ടി​ല്ലാത്ത യാഥാർഥ്യ​ങ്ങളെ​ക്കു​റി​ച്ചുള്ള ശക്തമായ തെളി​വിൽ അധിഷ്‌ഠി​ത​മായ നിശ്ചയ​വും ആണ്‌.* 2 തങ്ങൾക്കു ദൈവപ്രീ​തി​യുണ്ടെന്നു പണ്ടുകാലത്തുള്ളവർക്ക്‌* ഉറപ്പു ലഭിച്ചത്‌ ഈ വിശ്വാ​സ​ത്താ​ലാണ്‌.

3 വിശ്വാസത്താൽ നമ്മൾ പ്രപഞ്ചത്തിലുള്ളതെല്ലാം* ദൈവ​ത്തി​ന്റെ വചനത്താ​ലാണ്‌ ഉണ്ടായതെന്നും* അങ്ങനെ, കാണാൻ പറ്റാത്ത​വ​യിൽനിന്ന്‌ കാണു​ന്ന​വയെ​ല്ലാം ഉണ്ടായി എന്നും ഗ്രഹി​ക്കു​ന്നു.

4 വിശ്വാസത്താൽ ഹാബേൽ, ദൈവ​ത്തി​നു കയീ​ന്റേ​തിനെ​ക്കാൾ ഏറെ മൂല്യ​മുള്ള ഒരു ബലി അർപ്പിച്ചു.+ ആ വിശ്വാ​സം കാരണം, ദൈവം ഹാബേ​ലി​ന്റെ കാഴ്‌ചകൾ സ്വീക​രി​ച്ചു;+ ഹാബേ​ലി​നു താൻ നീതി​മാ​നാണെന്ന്‌ ഉറപ്പു ലഭിക്കു​ക​യും ചെയ്‌തു. ഹാബേൽ മരി​ച്ചെ​ങ്കി​ലും തന്റെ വിശ്വാ​സ​ത്തി​ലൂ​ടെ ഇന്നും സംസാ​രി​ക്കു​ന്നു.+

5 വിശ്വാസമുണ്ടായിരുന്നതിനാൽ ഹാനോക്കിനെ+ ദൈവം, മരണം കാണാ​തി​രി​ക്കാൻവേണ്ടി മാറ്റി.+ ഹാനോ​ക്ക്‌ ദൈവത്തെ പ്രസാ​ദി​പ്പി​ച്ചു എന്ന ഉറപ്പു ഹാനോ​ക്കിന്‌ അതിനു മുമ്പു​തന്നെ ലഭിച്ചി​രു​ന്നു. ദൈവം ഹാനോ​ക്കി​നെ മാറ്റി​യ​തുകൊണ്ട്‌ പിന്നെ ആരും ഹാനോ​ക്കി​നെ കണ്ടില്ല. 6 വിശ്വാസമില്ലാതെ ദൈവത്തെ പ്രസാ​ദി​പ്പി​ക്കാൻ കഴിയില്ല. ദൈവത്തെ സമീപി​ക്കു​ന്നവൻ ദൈവ​മുണ്ടെ​ന്നും തന്നെ ആത്മാർഥ​മാ​യി അന്വേ​ഷി​ക്കു​ന്ന​വർക്കു ദൈവം പ്രതി​ഫലം നൽകുന്നെ​ന്നും വിശ്വ​സിക്കേ​ണ്ട​താണ്‌.+

7 വിശ്വാസത്താൽ നോഹ,+ അതുവരെ കണ്ടിട്ടി​ല്ലാത്ത കാര്യ​ങ്ങളെ​ക്കു​റിച്ച്‌ ദൈവ​ത്തിൽനിന്ന്‌ മുന്നറി​യി​പ്പു ലഭിച്ചപ്പോൾ+ ദൈവ​ഭയം കാണി​ക്കു​ക​യും കുടും​ബത്തെ രക്ഷിക്കാൻവേണ്ടി ഒരു പെട്ടകം പണിയു​ക​യും ചെയ്‌തു.+ ആ വിശ്വാ​സ​ത്താൽ നോഹ ലോകത്തെ കുറ്റം വിധിക്കുകയും+ വിശ്വാ​സ​ത്താൽ ഉണ്ടാകുന്ന നീതിക്ക്‌ അവകാ​ശി​യാ​കു​ക​യും ചെയ്‌തു.

8 വിശ്വാസത്താൽ അബ്രാ​ഹാം,+ തനിക്ക്‌ അവകാ​ശ​മാ​യി കിട്ടാ​നി​രുന്ന ദേശ​ത്തേക്കു പോകാൻ ദൈവം പറഞ്ഞ​പ്പോൾ എവി​ടേ​ക്കാ​ണു പോകു​ന്നതെന്ന്‌ അറിയി​ല്ലാ​യി​രു​ന്നി​ട്ടും ഇറങ്ങി​പ്പു​റപ്പെട്ടു;+ അങ്ങനെ അനുസ​രണം കാണിച്ചു. 9 വിശ്വാസം കാരണം അബ്രാ​ഹാം, ദൈവം തനിക്കു വാഗ്‌ദാ​നം ചെയ്‌തി​രുന്ന ദേശത്ത്‌ ഒരു പരദേ​ശിയെപ്പോ​ലെ കഴിഞ്ഞു.+ അവിടെ അബ്രാ​ഹാം അതേ വാഗ്‌ദാ​നം ലഭിച്ച യിസ്‌ഹാ​ക്കിനോ​ടും യാക്കോബിനോടും+ കൂടെ ഒരു വിദേ​ശ​നാ​ട്ടിലെ​ന്നപോ​ലെ കൂടാ​ര​ങ്ങ​ളിൽ താമസി​ച്ചു.+ 10 കാരണം ദൈവം രൂപരചയിതാവും* നിർമാ​താ​വും ആയ, ഉറച്ച അടിസ്ഥാ​ന​ങ്ങ​ളുള്ള നഗരത്തി​നുവേ​ണ്ടി​യാണ്‌ അബ്രാ​ഹാം കാത്തി​രു​ന്നത്‌.+

11 വിശ്വാസത്താൽ സാറയ്‌ക്ക്‌, ഗർഭിണിയാകാനുള്ള* പ്രായം കഴിഞ്ഞിട്ടും+ അതിനുള്ള പ്രാപ്‌തി ലഭിച്ചു. കാരണം തനിക്കു വാഗ്‌ദാ​നം നൽകിയ ദൈവം വിശ്വസ്‌തനാണെന്നു* സാറ വിശ്വ​സി​ച്ചു. 12 അങ്ങനെ ഒരാളിൽനി​ന്ന്‌, മരിച്ച​തി​നു തുല്യനായ* ഒരാളിൽനി​ന്ന്‌,+ ആകാശ​ത്തി​ലെ നക്ഷത്ര​ങ്ങൾപോലെ​യും കടൽത്തീ​രത്തെ മണൽത്തരികൾപോലെയും+ അസംഖ്യം മക്കൾ ജനിച്ചു.+

13 ഇപ്പറഞ്ഞ എല്ലാവ​രും വിശ്വാ​സ​മു​ള്ള​വ​രാ​യി​ത്തന്നെ മരിച്ചു. അവർക്കു ലഭിച്ച വാഗ്‌ദാ​നങ്ങൾ അവരുടെ ജീവി​ത​കാ​ലത്ത്‌ നിറവേറിയില്ലെങ്കിലും+ അവർ ദൂരത്തു​നിന്ന്‌ അവ കണ്ട്‌ സന്തോഷിക്കുകയും+ ദേശത്ത്‌ തങ്ങൾ അന്യരും താത്‌കാ​ലി​ക​താ​മ​സ​ക്കാ​രും മാത്ര​മാണെന്നു പരസ്യ​മാ​യി പ്രഖ്യാ​പി​ക്കു​ക​യും ചെയ്‌തു. 14 അങ്ങനെ പറയു​ന്നവർ സ്വന്തമായ ഒരു ദേശം താത്‌പ​ര്യത്തോ​ടെ അന്വേ​ഷി​ക്കു​ക​യാണെന്നു വ്യക്തമാ​ക്കു​ന്നു. 15 തങ്ങൾ വിട്ടു​പോന്ന ദേശത്തെക്കുറിച്ചായിരുന്നു+ അവരുടെ ചിന്ത​യെ​ങ്കിൽ അവി​ടേക്കു മടങ്ങിപ്പോ​കാൻ അവർക്ക്‌ അവസര​ങ്ങ​ളു​ണ്ടാ​യി​രു​ന്നു. 16 എന്നാൽ ഇപ്പോൾ അവർ കൂടുതൽ മെച്ചമായ ഒരു സ്ഥലം, സ്വർഗീ​യ​മായ ഒന്ന്‌, നേടാൻ ശ്രമി​ക്കു​ന്നു. അതു​കൊണ്ട്‌ അവരുടെ ദൈവം എന്ന്‌ അറിയപ്പെ​ടാൻ ദൈവം ലജ്ജിക്കു​ന്നില്ല.+ ദൈവം അവർക്കാ​യി ഒരു നഗരം​തന്നെ ഒരുക്കി​യി​രി​ക്കു​ന്നു.+

17 വിശ്വാസത്താൽ അബ്രാ​ഹാം, പരീക്ഷിക്കപ്പെട്ടപ്പോൾ+ ഒരേ ഒരു മകനെ യാഗം അർപ്പി​ക്കാൻ തയ്യാറാ​യി.+ വാഗ്‌ദാ​നങ്ങൾ സന്തോ​ഷത്തോ​ടെ സ്വീക​രിച്ച അബ്രാ​ഹാം യിസ്‌ഹാ​ക്കി​നെ യാഗം അർപ്പി​ച്ച​താ​യി​ത്തന്നെ ദൈവം കണക്കാക്കി. 18 “നിന്റെ സന്തതി* എന്ന്‌ അറിയപ്പെ​ടു​ന്നവൻ വരുന്നതു യിസ്‌ഹാ​ക്കി​ലൂടെ​യാ​യി​രി​ക്കും”+ എന്നു ദൈവം പറഞ്ഞി​രുന്നെ​ങ്കി​ലും അബ്രാ​ഹാം അതിനു മടിച്ചില്ല. 19 മകനെ മരിച്ച​വ​രിൽനിന്ന്‌ ഉയിർപ്പി​ക്കാൻ ദൈവ​ത്തി​നു കഴിയു​മെന്ന്‌ അബ്രാ​ഹാം നിഗമനം ചെയ്‌തു. ഒരു പ്രതീകമെന്ന+ നിലയിൽ അബ്രാ​ഹാ​മി​നു മകനെ മരണത്തിൽനി​ന്ന്‌ തിരികെ കിട്ടു​ക​യും ചെയ്‌തു.

20 വിശ്വാസത്താൽ യിസ്‌ഹാ​ക്ക്‌, സംഭവി​ക്കാ​നി​രുന്ന കാര്യങ്ങൾ പറഞ്ഞ്‌ യാക്കോബിനെയും+ ഏശാവിനെയും+ അനു​ഗ്ര​ഹി​ച്ചു.

21 വിശ്വാസത്താൽ യാക്കോ​ബ്‌, മരണ​ത്തോട്‌ അടുത്ത സമയത്ത്‌+ യോ​സേ​ഫി​ന്റെ ആൺമക്കളെ അനുഗ്രഹിക്കുകയും+ തന്റെ വടിയു​ടെ അറ്റത്ത്‌ ഊന്നി ദൈവത്തെ ആരാധി​ക്കു​ക​യും ചെയ്‌തു.+

22 വിശ്വാസത്താൽ യോ​സേഫ്‌ തന്റെ ജീവി​താ​ന്ത്യ​ത്തിൽ, ഇസ്രാ​യേൽമക്കൾ പുറ​പ്പെ​ട്ടുപോ​കു​ന്ന​തിനെ​ക്കു​റിച്ച്‌ സംസാ​രി​ക്കു​ക​യും തന്റെ അസ്ഥികൾ എന്തു ചെയ്യണമെന്നതിനെക്കുറിച്ച്‌* നിർദേശങ്ങൾ* നൽകു​ക​യും ചെയ്‌തു.+

23 വിശ്വാസത്താൽ മോശ​യു​ടെ മാതാ​പി​താ​ക്കൾ, മോശ സുന്ദര​നെന്നു കണ്ടിട്ട്‌+ മൂന്നു മാസം പ്രായ​മാ​കു​ന്ന​തു​വരെ മോശയെ ഒളിപ്പി​ച്ചുവെച്ചു;+ അവർ രാജക​ല്‌പന ഭയപ്പെ​ട്ടില്ല.+ 24 മോശ വളർന്ന​പ്പോൾ,+ വിശ്വാ​സ​മു​ണ്ടാ​യി​രു​ന്ന​തുകൊണ്ട്‌ ഫറവോ​ന്റെ മകളുടെ മകൻ എന്ന്‌ അറിയപ്പെ​ടു​ന്നതു വേണ്ടെ​ന്നുവെച്ചു.+ 25 പാപത്തിന്റെ താത്‌കാ​ലി​ക​മായ സുഖത്തി​നു പകരം ദൈവ​ജ​നത്തോടൊ​പ്പം ദ്രോഹം സഹിക്കു​ന്നതു മോശ തിര​ഞ്ഞെ​ടു​ത്തു. 26 കാരണം ലഭിക്കാ​നി​രുന്ന പ്രതി​ഫ​ല​ത്തിൽ ദൃഷ്ടി പതിപ്പി​ച്ച​തുകൊണ്ട്‌, ദൈവ​ത്തി​ന്റെ ക്രിസ്‌തു* എന്ന നിലയിൽ സഹി​ക്കേ​ണ്ടി​യി​രുന്ന നിന്ദയെ മോശ ഈജി​പ്‌തി​ലെ സമ്പത്തിനെ​ക്കാൾ ശ്രേഷ്‌ഠ​മായ ധനമായി കണക്കാക്കി. 27 വിശ്വാസത്താൽ മോശ, ഈജി​പ്‌തിൽനിന്ന്‌ പോയി;+ രാജ​കോ​പം ഭയന്നിട്ടല്ല പോയത്‌.+ അദൃശ്യ​നായ ദൈവത്തെ+ കണ്ടാ​ലെ​ന്നപോ​ലെ മോശ ഉറച്ചു​നി​ന്നു. 28 വിശ്വാസത്താൽ മോശ, സംഹാ​രകൻ തങ്ങളുടെ കടിഞ്ഞൂ​ലു​കളെ തൊടാ​തി​രി​ക്കാൻവേണ്ടി പെസഹ ആചരി​ക്കു​ക​യും രക്തം തളിക്കു​ക​യും ചെയ്‌തു.+

29 വിശ്വാസത്താൽ ജനം, ഉണങ്ങിയ നിലത്തു​കൂ​ടെ എന്നപോ​ലെ ചെങ്കടൽ കടന്നു.+ എന്നാൽ അങ്ങനെ ചെയ്യാൻ ശ്രമിച്ച ഈജി​പ്‌തു​കാർ മുങ്ങി​മ​രി​ച്ചു.+

30 വിശ്വാസത്താൽ അവർ, ഏഴു ദിവസം യരീ​ഹൊ​യു​ടെ മതിലി​നെ വലം​വെ​ച്ചപ്പോൾ അതു നിലംപൊ​ത്തി.+ 31 വിശ്വാസത്താൽ രാഹാബ്‌ എന്ന വേശ്യ ചാരന്മാ​രെ സമാധാ​നത്തോ​ടെ സ്വീക​രി​ച്ച​തുകൊണ്ട്‌ അനുസ​ര​ണംകെ​ട്ട​വരോടൊ​പ്പം മരിച്ചില്ല.+

32 ഇതിൽക്കൂടുതൽ ഞാൻ എന്താണു പറയേ​ണ്ടത്‌? ഗിദെ​യോൻ,+ ബാരാക്ക്‌,+ ശിം​ശോൻ,+ യിഫ്‌താ​ഹ്‌,+ ദാവീദ്‌+ എന്നിവരെ​യും ശമുവേലിനെയും+ മറ്റു പ്രവാ​ച​ക​ന്മാരെ​യും കുറിച്ച്‌ വിവരി​ക്കാൻ സമയം പോരാ. 33 വിശ്വാസത്താൽ അവർ രാജ്യങ്ങൾ കീഴടക്കി,+ നീതി നടപ്പാക്കി, വാഗ്‌ദാ​നങ്ങൾ സ്വന്തമാ​ക്കി,+ സിംഹ​ങ്ങ​ളു​ടെ വായ്‌ അടച്ചു,+ 34 തീയുടെ ബലം കെടുത്തി,+ വാളിന്റെ വായ്‌ത്ത​ല​യിൽനിന്ന്‌ രക്ഷപ്പെട്ടു,+ ബലഹീ​ന​രാ​യി​രു​ന്നപ്പോൾ ശക്തി നേടി,+ യുദ്ധത്തിൽ വീരന്മാ​രാ​യി,+ അതി​ക്ര​മി​ച്ചു​കടന്ന സൈന്യ​ങ്ങളെ തുരത്തി.+ 35 സ്‌ത്രീകൾക്ക്‌ അവരുടെ മരിച്ചു​പോയ പ്രിയപ്പെ​ട്ട​വരെ പുനരു​ത്ഥാ​ന​ത്തി​ലൂ​ടെ തിരി​ച്ചു​കി​ട്ടി.+ മറ്റു ചിലരാ​കട്ടെ, ഒരു മോച​ന​വി​ല​യു​ടെ അടിസ്ഥാ​ന​ത്തിൽ വിട്ടയ​യ്‌ക്കാ​മെന്ന വാഗ്‌ദാ​നം നിരസി​ച്ച്‌ കൂടുതൽ ശ്രേഷ്‌ഠ​മായ ഒരു പുനരു​ത്ഥാ​നം നേടാൻവേണ്ടി ഉപദ്രവം സഹിച്ചു. 36 വേറെ ചിലർ പരിഹാ​സ​വും ചാട്ടയ​ടി​യും സഹിച്ചു. മാത്രമല്ല, ചങ്ങലക​ളാൽ ബന്ധിക്ക​പ്പെട്ടു,+ ജയിലു​ക​ളിൽ കഴിഞ്ഞു.+ 37 അവർ കല്ലേറു കൊണ്ടു,+ പരീക്ഷകൾ സഹിച്ചു, രണ്ടായി അറുക്ക​പ്പെട്ടു, വാളിന്റെ വെട്ടേറ്റ്‌ മരിച്ചു,+ ചെമ്മരി​യാ​ടു​ക​ളുടെ​യും കോലാ​ടു​ക​ളുടെ​യും തോൽ ധരിച്ചു,+ ദാരിദ്ര്യ​വും കഷ്ടതയും+ ഉപദ്രവവും+ സഹിച്ചു. 38 അവരെ താമസി​പ്പി​ക്കാ​നുള്ള യോഗ്യത ലോക​ത്തി​നി​ല്ലാ​യി​രു​ന്നു. അവർ മരുഭൂ​മി​ക​ളി​ലും മലകളി​ലും ഗുഹകളിലും+ മടകളി​ലും അഭയം തേടി.

39 വിശ്വാസം കാരണം അവർക്കെ​ല്ലാം ദൈവ​ത്തി​ന്റെ അംഗീ​കാ​രം കിട്ടിയെ​ങ്കി​ലും, വാഗ്‌ദാ​നങ്ങൾ നിറ​വേ​റു​ന്നതു കാണാൻ അവർക്കു കഴിഞ്ഞില്ല. 40 കാരണം നമ്മളെ​ക്കൂ​ടാ​തെ അവർ പരിപൂർണ​രാ​കാ​തി​രി​ക്കാൻ ദൈവം നമുക്കു​വേണ്ടി കൂടുതൽ ശ്രേഷ്‌ഠ​മാ​യതു മുൻകൂ​ട്ടി കണ്ടിരു​ന്നു.+

12 അതു​കൊണ്ട്‌ സാക്ഷി​ക​ളു​ടെ ഇത്ര വലി​യൊ​രു കൂട്ടം* ചുറ്റു​മു​ള്ള​തി​നാൽ നമുക്കും, എല്ലാ ഭാരവും നമ്മളെ എളുപ്പം വരിഞ്ഞു​മു​റു​ക്കുന്ന പാപവും എറിഞ്ഞുകളഞ്ഞ്‌+ മുന്നി​ലുള്ള ഓട്ടമ​ത്സരം തളർന്നുപോകാതെ* ഓടാം;+ 2 നമ്മുടെ വിശ്വാ​സ​ത്തി​ന്റെ മുഖ്യ​നാ​യ​ക​നും അതിനു പൂർണത വരുത്തു​ന്ന​വ​നും ആയ യേശുവിനെത്തന്നെ+ നോക്കി​ക്കൊ​ണ്ട്‌ നമുക്ക്‌ ഓടാം. മുന്നി​ലു​ണ്ടാ​യി​രുന്ന സന്തോഷം ഓർത്ത്‌ യേശു അപമാനം വകവെ​ക്കാ​തെ ദണ്ഡനസ്‌തംഭത്തിലെ* മരണം സഹിക്കു​ക​യും ദൈവ​സിം​ഹാ​സ​ന​ത്തി​ന്റെ വലതു​ഭാ​ഗത്ത്‌ ഇരിക്കു​ക​യും ചെയ്‌തു.+ 3 തങ്ങൾക്കുതന്നെ ദോഷം വരുത്തിവെ​ച്ചുകൊണ്ട്‌ പാപികൾ പകയോ​ടെ സംസാരിച്ചപ്പോൾ+ അതു സഹിച്ചു​നിന്ന യേശു​വിനെ​ക്കു​റിച്ച്‌ മനസ്സി​രു​ത്തി ചിന്തി​ക്കുന്നെ​ങ്കിൽ നിങ്ങൾ ക്ഷീണിച്ച്‌ പിന്മാ​റില്ല.+

4 ആ പാപ​ത്തോ​ടുള്ള പോരാ​ട്ട​ത്തിൽ നിങ്ങളു​ടെ രക്തം ചൊരി​യുന്ന അളവോ​ളം നിങ്ങൾക്ക്‌ ഇതുവരെ എതിർത്തു​നിൽക്കേ​ണ്ടി​വ​ന്നി​ട്ടില്ല. 5 മക്കൾക്ക്‌ എന്നപോ​ലെ നിങ്ങൾക്കു തന്ന ഈ ഉപദേശം നിങ്ങൾ പാടേ മറന്നു​ക​ളഞ്ഞു: “മകനേ, യഹോവയുടെ* ശിക്ഷണം നിസ്സാ​ര​മാ​യി എടുക്ക​രുത്‌; ദൈവം തിരു​ത്തുമ്പോൾ മടുത്ത്‌ പിന്മാ​റു​ക​യു​മ​രുത്‌; 6 യഹോവ* താൻ സ്‌നേ​ഹി​ക്കു​ന്ന​വർക്കു ശിക്ഷണം നൽകുന്നു; മക്കളായി സ്വീക​രി​ക്കുന്ന എല്ലാവരെ​യും അടിക്കു​ന്നു.”*+

7 ശിക്ഷണത്തിന്റെ* ഭാഗമാ​യി നിങ്ങൾ പലതും സഹി​ക്കേ​ണ്ടി​വ​രും. മക്കളോ​ട്‌ ഇടപെ​ടു​ന്ന​തുപോലെ​യാ​ണു ദൈവം നിങ്ങ​ളോട്‌ ഇടപെ​ടു​ന്നത്‌.+ അപ്പൻ ശിക്ഷണം നൽകാത്ത മക്കളു​ണ്ടോ?+ 8 നിങ്ങൾക്കെല്ലാം ഈ ശിക്ഷണം ലഭിക്കു​ന്നില്ലെ​ങ്കിൽ നിങ്ങൾ മക്കളല്ല, അവിഹി​ത​ബ​ന്ധ​ത്തിൽ ജനിച്ച​വ​രാണ്‌. 9 മനുഷ്യരായ പിതാ​ക്ക​ന്മാർ നമുക്കു ശിക്ഷണം തന്നപ്പോൾ നമ്മൾ അവരെ ബഹുമാ​നി​ച്ച​ല്ലോ. ആ സ്ഥിതിക്ക്‌, നമ്മൾ ജീവ​നോ​ടി​രി​ക്കാൻ നമ്മുടെ ആത്മീയ​ജീ​വന്റെ പിതാ​വി​നു മനസ്സോ​ടെ കീഴ്‌പെടേ​ണ്ട​തല്ലേ?+ 10 അവർക്കു നല്ലതെന്നു തോന്നിയ വിധത്തിൽ അൽപ്പകാ​ലം മാത്ര​മാണ്‌ അവർ നമുക്കു ശിക്ഷണം തന്നത്‌. എന്നാൽ ദൈവം ശിക്ഷണം തരുന്നതു നമുക്കു നല്ലതു വരാനും അങ്ങനെ നമ്മൾ ദൈവ​ത്തി​ന്റെ വിശു​ദ്ധി​യിൽ പങ്കാളി​ക​ളാ​കാ​നും വേണ്ടി​യാണ്‌.+ 11 ശിക്ഷണം കിട്ടുന്ന സമയത്ത്‌ വേദന* തോന്നും, സന്തോഷം തോന്നില്ല. എന്നാൽ ശിക്ഷണ​ത്തി​ലൂ​ടെ പരിശീ​ലനം നേടു​ന്ന​വർക്ക്‌ അതു പിന്നീടു നീതി എന്ന സമാധാ​ന​ഫലം നൽകുന്നു.

12 അതുകൊണ്ട്‌ തളർന്ന കൈക​ളും ദുർബ​ല​മായ കാൽമു​ട്ടു​ക​ളും ബലപ്പെ​ടു​ത്തുക.+ 13 അങ്ങനെ, ദുർബ​ല​മാ​യത്‌ ഉളുക്കിപ്പോ​കാ​തെ സുഖ​പ്പെ​ടാ​നാ​യി നിങ്ങളു​ടെ പാദങ്ങൾക്കു നേരായ പാത ഒരുക്കുക.+ 14 എല്ലാവരുമായും സമാധാ​ന​ത്തി​ലാ​യി​രി​ക്കാൻ പരി​ശ്ര​മി​ക്കുക.+ വിശുദ്ധീകരണത്തിനായി*+ ഉത്സാഹി​ക്കുക. വിശു​ദ്ധീ​ക​രണം കൂടാതെ ആർക്കും കർത്താ​വി​നെ കാണാ​നാ​കില്ല. 15 എല്ലാവരും ദൈവ​ത്തി​ന്റെ അനർഹദയ നേടു​ന്നെന്ന്‌ ഉറപ്പു വരുത്തുക. അങ്ങനെ​യാ​കുമ്പോൾ ഏതെങ്കി​ലും വിഷ​വേരു വളർന്നു​വന്ന്‌ പ്രശ്‌നങ്ങൾ ഉണ്ടാക്കു​ക​യോ അങ്ങനെ കുറെ പേർ അശുദ്ധ​രാ​കു​ക​യോ ഇല്ല.+ 16 അധാർമികപ്രവൃത്തികൾ* ചെയ്യു​ന്ന​വ​രോ ഒരു നേരത്തെ ഭക്ഷണത്തി​നുവേണ്ടി മൂത്ത മകൻ എന്ന നിലയി​ലുള്ള തന്റെ അവകാ​ശങ്ങൾ വെച്ചു​മാ​റിയ ഏശാവിനെപ്പോ​ലെ വിശു​ദ്ധ​കാ​ര്യ​ങ്ങളെ മാനിക്കാത്തവരോ+ നിങ്ങളു​ടെ ഇടയി​ലില്ലെന്ന്‌ ഉറപ്പു വരുത്തുക. 17 പിന്നീട്‌ അനു​ഗ്രഹം നേടാൻ ആഗ്രഹി​ച്ചപ്പോൾ ഏശാവി​ന്റെ അപേക്ഷ തള്ളിക്ക​ളഞ്ഞെന്നു നിങ്ങൾക്ക്‌ അറിയാ​മ​ല്ലോ. മനസ്സു മാറ്റാൻ ഏശാവ്‌ അപ്പനോ​ടു കണ്ണീ​രോ​ടെ യാചിച്ചെ​ങ്കി​ലും അതിനു കഴിഞ്ഞില്ല.+

18 നിങ്ങൾ സമീപി​ച്ചി​രി​ക്കു​ന്നതു തൊട്ടറിയാവുന്നതും+ തീ കത്തുന്ന​തും ആയ+ എന്തി​നെയെ​ങ്കി​ലു​മോ ഇരുണ്ട മേഘം, കൂരി​രുട്ട്‌, കൊടു​ങ്കാറ്റ്‌,+ 19 കാഹളത്തിന്റെ മുഴക്കം,+ ദൈവ​ത്തി​ന്റെ വാക്കുകൾ+ എന്നിവയെ​യോ അല്ല. ആ ശബ്ദം കേട്ട ജനം, ഇനി​യൊ​ന്നും പറയരു​തേ എന്ന്‌ അപേക്ഷി​ച്ചു.+ 20 “പർവത​ത്തിൽ തൊടു​ന്നത്‌ ഒരു മൃഗമാണെ​ങ്കിൽപ്പോ​ലും അതിനെ കല്ലെറി​ഞ്ഞുകൊ​ല്ലണം”+ എന്ന കല്‌പന കേട്ട​പ്പോൾത്തന്നെ അവർ പേടി​ച്ചുപോ​യി​രു​ന്നു. 21 “ഞാൻ പേടി​ച്ചു​വി​റ​യ്‌ക്കു​ന്നു”+ എന്നു മോശ പറയത്ത​ക്ക​വി​ധം ആ കാഴ്‌ച അത്ര ഭയങ്കര​മാ​യി​രു​ന്നു. 22 എന്നാൽ നിങ്ങൾ സമീപി​ച്ചി​രി​ക്കു​ന്നതു സീയോൻ മലയെയും+ ജീവനുള്ള ദൈവ​ത്തി​ന്റെ നഗരമായ സ്വർഗീയയരുശലേമിനെയും+ ആയിര​മാ​യി​രം ദൈവ​ദൂ​ത​ന്മാ​രു​ടെ 23 മഹാസദസ്സിനെയും+ സ്വർഗ​ത്തിൽ പേര്‌ രേഖ​പ്പെ​ടു​ത്തി​യി​രി​ക്കുന്ന ആദ്യജാ​ത​ന്മാ​രു​ടെ സഭയെ​യും എല്ലാവ​രുടെ​യും ന്യായാ​ധി​പ​നായ ദൈവത്തെയും+ പൂർണ​രാ​ക്ക​പ്പെട്ട നീതിമാന്മാരുടെ+ ആത്മീയജീവനെയും+ 24 പുതിയ ഉടമ്പടിയുടെ+ മധ്യസ്ഥ​നായ യേശുവിനെയും+ ഹാബേ​ലി​ന്റെ രക്തത്തെ​ക്കാൾ ശ്രേഷ്‌ഠ​മാ​യി സംസാ​രി​ക്കുന്ന രക്തത്തെ​യും,+ അതായത്‌ നമ്മുടെ മേൽ തളിച്ച രക്തത്തെ​യും, ആണ്‌.

25 സംസാരിക്കുന്നവനെ ഒരു കാരണ​വ​ശാ​ലും ശ്രദ്ധി​ക്കാ​തി​രി​ക്ക​രുത്‌!* ഭൂമി​യിൽ ദിവ്യ​മു​ന്ന​റി​യി​പ്പു നൽകി​യ​വനെ ശ്രദ്ധി​ക്കാ​തി​രു​ന്നവർ രക്ഷപ്പെ​ട്ടില്ലെ​ങ്കിൽ, സ്വർഗ​ത്തിൽനിന്ന്‌ സംസാ​രി​ക്കു​ന്ന​വനു പുറം​തി​രി​ഞ്ഞാൽ എങ്ങനെ രക്ഷപ്പെ​ടാ​നാണ്‌?+ 26 അന്നു ദൈവ​ത്തി​ന്റെ ശബ്ദം ഭൂമിയെ ഇളക്കി.+ എന്നാൽ ഇപ്പോൾ ദൈവം, “ഞാൻ വീണ്ടും ഭൂമിയെ മാത്രമല്ല, ആകാശത്തെ​യും ഇളക്കും”+ എന്നു വാഗ്‌ദാ​നം ചെയ്‌തി​രി​ക്കു​ന്നു. 27 “വീണ്ടും” എന്ന പ്രയോ​ഗം, ഇളക്കമി​ല്ലാ​ത്തതു നിലനി​റു​ത്താ​നാ​യി ഇളകി​യ​വയെ അഥവാ നിർമി​ത​മാ​യ​വയെ നീക്കി​ക്ക​ള​യുമെന്നു സൂചി​പ്പി​ക്കു​ന്നു. 28 ഇളക്കാനാകാത്ത ഒരു രാജ്യം നമുക്കു കിട്ടുമെ​ന്ന​തി​നാൽ അനർഹദയ സ്വീക​രി​ക്കു​ന്ന​തിൽ തുടരാം; അതുവഴി, ദൈവം അംഗീ​ക​രി​ക്കുന്ന വിധത്തിൽ ഭയഭക്തിയോ​ടെ നമുക്കു ദൈവത്തെ സേവി​ക്കാം.* 29 നമ്മുടെ ദൈവം ദഹിപ്പി​ക്കുന്ന അഗ്നിയാ​ണ​ല്ലോ.+

13 നിങ്ങൾ തുടർന്നും സഹോ​ദ​ര​സ്‌നേഹം കാണി​ക്കുക.+ 2 ആതിഥ്യം* കാണി​ക്കാൻ മറക്കരു​ത്‌.+ അതുവഴി ചിലർ ദൈവ​ദൂ​ത​ന്മാ​രെ ആളറി​യാ​തെ സത്‌ക​രി​ച്ചി​ട്ടുണ്ട്‌.+ 3 ജയിലിൽ കിടക്കു​ന്ന​വരെ,* നിങ്ങളും അവരോടൊ​പ്പം ജയിലി​ലാണെ​ന്നപോ​ലെ ഓർക്കണം.+ ദ്രോഹം സഹിക്കു​ന്ന​വരെ​യും ഓർക്കുക. കാരണം, നിങ്ങളും ഇപ്പോൾ മനുഷ്യ​ശ​രീ​ര​ത്തി​ലാ​ണ​ല്ലോ.* 4 വിവാഹത്തെ എല്ലാവ​രും ആദരണീയമായി* കാണണം; വിവാ​ഹശയ്യ പരിശു​ദ്ധ​വു​മാ​യി​രി​ക്കണം.+ കാരണം അധാർമികപ്രവൃത്തികൾ* ചെയ്യു​ന്ന​വരെ​യും വ്യഭി​ചാ​രി​കളെ​യും ദൈവം വിധി​ക്കും.+ 5 നിങ്ങളുടെ ജീവിതം പണസ്‌നേ​ഹ​മി​ല്ലാ​ത്ത​താ​യി​രി​ക്കട്ടെ.+ ഉള്ളതു​കൊ​ണ്ട്‌ തൃപ്‌തിപ്പെ​ടുക.+ “ഞാൻ നിന്നെ ഒരിക്ക​ലും കൈവി​ടില്ല; ഒരിക്ക​ലും ഉപേക്ഷി​ക്കില്ല”+ എന്നു ദൈവം പറഞ്ഞി​ട്ടു​ണ്ട​ല്ലോ. 6 അതുകൊണ്ട്‌, “യഹോവ* എന്നെ സഹായി​ക്കും. ഞാൻ പേടി​ക്കില്ല. മനുഷ്യ​ന്‌ എന്നോട്‌ എന്തു ചെയ്യാ​നാ​കും”+ എന്നു ധൈര്യത്തോ​ടെ നമുക്കു പറയാം.

7 നിങ്ങൾക്കിടയിൽ നേതൃ​ത്വമെ​ടു​ക്കു​ന്ന​വരെ ഓർത്തുകൊ​ള്ളുക;+ ദൈവ​ത്തി​ന്റെ വാക്കുകൾ നിങ്ങളെ അറിയി​ച്ച​വ​രാ​ണ​ല്ലോ അവർ. അവരുടെ പ്രവൃ​ത്തി​ക​ളു​ടെ ഫലം നിരീ​ക്ഷി​ച്ച​റിഞ്ഞ്‌ അവരുടെ വിശ്വാ​സം അനുക​രി​ക്കുക.+

8 യേശുക്രിസ്‌തു ഇന്നലെ​യും ഇന്നും എന്നും മാറ്റമി​ല്ലാ​ത്ത​വ​നാണ്‌.

9 വിചിത്രമായ പലപല ഉപദേ​ശ​ങ്ങ​ളാൽ വഴി​തെ​റ്റിപ്പോ​ക​രുത്‌. ഭക്ഷണത്താ​ലല്ല,* അനർഹ​ദ​യ​യാൽ ഹൃദയത്തെ ബലപ്പെ​ടു​ത്തു​ന്ന​താ​ണു നല്ലത്‌. ഭക്ഷണ​ത്തെ​ക്കു​റിച്ച്‌ മാത്രം ചിന്തി​ക്കു​ന്ന​തുകൊണ്ട്‌ ആളുകൾക്കു പ്രയോ​ജ​നമൊ​ന്നും ഉണ്ടാകു​ന്നി​ല്ല​ല്ലോ.+

10 നമുക്ക്‌ ഒരു യാഗപീ​ഠ​മുണ്ട്‌; അതിൽനി​ന്ന്‌ കഴിക്കാൻ കൂടാ​ര​ത്തിൽ ശുശ്രൂഷ* ചെയ്യു​ന്ന​വർക്ക്‌ അവകാ​ശ​മില്ല.+ 11 മഹാപുരോഹിതൻ മൃഗങ്ങ​ളു​ടെ രക്തം പാപയാ​ഗം എന്ന നിലയിൽ വിശു​ദ്ധ​സ്ഥ​ലത്തേക്കു കൊണ്ടുപോ​കും. എന്നാൽ അവയുടെ ശരീരം പാളയ​ത്തി​നു പുറത്ത്‌ കൊണ്ടുപോ​യി ചുട്ടു​ക​ള​യു​ന്നു.+ 12 അതുപോലെ യേശു​വും സ്വന്തം രക്തത്താൽ ജനത്തെ വിശുദ്ധീകരിക്കാൻവേണ്ടി+ നഗരക​വാ​ട​ത്തി​നു പുറത്തു​വെച്ച്‌ കഷ്ടത സഹിച്ചു.+ 13 അതുകൊണ്ട്‌ യേശു സഹിച്ച നിന്ദ ചുമന്നുകൊണ്ട്‌+ നമുക്കു പാളയ​ത്തി​നു പുറത്ത്‌ യേശു​വി​ന്റെ അടുത്ത്‌ ചെല്ലാം. 14 കാരണം ഇവിടെ നമുക്കു നിലനിൽക്കുന്ന ഒരു നഗരമില്ല. വരാനുള്ള ഒരു നഗരത്തി​നുവേ​ണ്ടി​യാ​ണ​ല്ലോ നമ്മൾ ആകാം​ക്ഷയോ​ടെ കാത്തി​രി​ക്കു​ന്നത്‌.+ 15 ദൈവനാമം പരസ്യ​മാ​യി പ്രഖ്യാപിച്ചുകൊണ്ട്‌+ അധരഫലം, അതായത്‌ സ്‌തു​തി​ക​ളാ​കുന്ന ബലി,+ യേശു​വി​ലൂ​ടെ നമുക്ക്‌ എപ്പോ​ഴും ദൈവ​ത്തിന്‌ അർപ്പി​ക്കാം.+ 16 മാത്രമല്ല, നന്മ ചെയ്യാ​നും നിങ്ങൾക്കു​ള്ളതു മറ്റുള്ള​വ​രു​മാ​യി പങ്കു​വെ​ക്കാ​നും മറക്കരു​ത്‌.+ അങ്ങനെ​യുള്ള ബലിക​ളി​ലാ​ണു ദൈവം പ്രസാ​ദി​ക്കു​ന്നത്‌.+

17 നിങ്ങൾക്കിടയിൽ നേതൃത്വമെടുക്കുന്നവർ+ നിങ്ങ​ളെ​ക്കു​റിച്ച്‌ കണക്കു ബോധി​പ്പിക്കേ​ണ്ട​വ​രെന്ന നിലയിൽ എപ്പോ​ഴും നിങ്ങൾക്കു​വേണ്ടി ഉണർന്നിരിക്കുന്നതുകൊണ്ട്‌*+ അവരെ അനുസ​രിച്ച്‌ അവർക്കു കീഴ്‌പെ​ട്ടി​രി​ക്കുക.+ അപ്പോൾ അവർ അതു ഞരങ്ങിക്കൊ​ണ്ടല്ല, സന്തോ​ഷത്തോ​ടെ ചെയ്യാ​നി​ട​യാ​കും. അല്ലെങ്കിൽ അതു നിങ്ങൾക്കു ദോഷം ചെയ്യും.

18 ഞങ്ങൾക്കുവേണ്ടി തുടർന്നും പ്രാർഥി​ക്കുക. എല്ലാത്തി​ലും സത്യസ​ന്ധ​രാ​യി​രി​ക്കാൻ ഞങ്ങൾ ആഗ്രഹി​ക്കു​ന്നു; ഞങ്ങളു​ടേത്‌ ഒരു ശുദ്ധമ​ന​സ്സാ​ക്ഷി​യാണ്‌ എന്നു ഞങ്ങൾക്ക്‌ ഉറപ്പുണ്ട്‌.+ 19 ഞാൻ എത്രയും വേഗം നിങ്ങളു​ടെ അടു​ത്തേക്കു തിരി​ച്ചു​വ​രാൻ നിങ്ങൾ പ്രാർഥി​ക്ക​ണമെന്നു ഞാൻ പ്രത്യേ​കം അഭ്യർഥി​ക്കു​ന്നു.

20 ആടുകളുടെ വലിയ ഇടയനും+ നമ്മുടെ കർത്താ​വും ആയ യേശു​വി​നെ നിത്യ​മായ ഉടമ്പടി​യു​ടെ രക്തത്താൽ മരിച്ച​വ​രിൽനിന്ന്‌ തിരി​ച്ചുകൊ​ണ്ടു​വന്ന സമാധാ​ന​ത്തി​ന്റെ ദൈവം 21 തന്റെ ഇഷ്ടം ചെയ്യാൻ എല്ലാ നന്മകളും നൽകി​ക്കൊ​ണ്ട്‌ നിങ്ങളെ പ്രാപ്‌ത​രാ​ക്കു​ക​യും തനിക്ക്‌ ഇഷ്ടമുള്ള കാര്യങ്ങൾ യേശുക്രി​സ്‌തു​വി​ലൂ​ടെ നമ്മളിൽ പ്രവർത്തി​ക്കു​ക​യും ചെയ്യട്ടെ. ദൈവ​ത്തിന്‌ എന്നു​മെന്നേ​ക്കും മഹത്ത്വം. ആമേൻ.

22 സഹോദരങ്ങളേ, എന്റെ ഈ പ്രോ​ത്സാ​ഹ​ന​വാ​ക്കു​കൾ ക്ഷമയോ​ടെ കേൾക്ക​ണമെന്നു ഞാൻ അഭ്യർഥി​ക്കു​ന്നു. ഞാൻ ചുരു​ക്ക​മാ​യി​ട്ടാ​ണ​ല്ലോ നിങ്ങൾക്ക്‌ എഴുതി​യി​രി​ക്കു​ന്നത്‌. 23 നമ്മുടെ സഹോ​ദ​ര​നായ തിമൊ​ഥെ​യൊ​സ്‌ മോചി​ത​നാ​യെന്ന വിവരം നിങ്ങളെ അറിയി​ക്കു​ന്നു. തിമൊ​ഥെ​യൊ​സ്‌ വേഗം എത്തിയാൽ ഞങ്ങൾ ഒരുമി​ച്ച്‌ വന്ന്‌ നിങ്ങളെ കാണും.

24 എല്ലാ വിശു​ദ്ധരെ​യും നിങ്ങൾക്കി​ട​യിൽ നേതൃ​ത്വമെ​ടു​ക്കുന്ന എല്ലാവരെ​യും എന്റെ സ്‌നേ​ഹാന്വേ​ഷണം അറിയി​ക്കുക. ഇറ്റലിയിലുള്ളവർ+ നിങ്ങളെ സ്‌നേഹം അറിയി​ക്കു​ന്നു.

25 കർത്താവിന്റെ അനർഹദയ നിങ്ങൾ എല്ലാവ​രുടെ​യും​കൂടെ​യു​ണ്ടാ​യി​രി​ക്കട്ടെ.