മനസ്സാ​ക്ഷി​യേ, നീ എന്നെ പീഡി​പ്പി​ക്കു​ന്നത്‌ എന്തിന്‌?

“ഭീരു​വായ മനസ്സാ​ക്ഷി​യേ, നീ എന്നെ എത്ര ഭയങ്കര​മാ​യി ദണ്ഡിപ്പി​ക്കു​ന്നു!” ഷേക്‌സ്‌പി​യ​റി​ന്റെ റിച്ചാർഡ്‌ III-ാമൻ രാജാവ്‌ എന്ന നാടക​ത്തിൽ റിച്ചാർഡ്‌ III-ാമൻ തന്നെ പറയുന്ന പ്രസി​ദ്ധ​മായ ആ വാക്കുകൾ മനുഷ്യ​മ​ന​സ്സാ​ക്ഷിക്ക്‌ ഉളവാ​ക്കാൻ കഴിയുന്ന തീവ്ര​ദുഃ​ഖത്തെ വർണി​ക്കു​ന്നു. യഥാർഥ ജീവി​ത​ത്തിൽ മനസ്സാക്ഷി അനേക​രു​ടെ ജീവി​തത്തെ അശാന്ത​മാ​ക്കു​ക​യും മാററി​മ​റി​ക്കു​ക​യും ചെയ്‌തി​ട്ടുണ്ട്‌.

മനസ്സാ​ക്ഷി​യു​ടെ ശക്തി എത്ര​ത്തോ​ള​മു​ണ്ടെന്ന്‌ ഒരു യുവ ഇററലി​ക്കാ​രന്റെ അടുത്ത​കാ​ലത്തെ അനുഭവം ചിത്രീ​ക​രി​ച്ചു. ഒരു സെക്യൂ​രി​ററി ഗാർഡ്‌ എന്നനി​ല​യി​ലുള്ള അദ്ദേഹ​ത്തി​ന്റെ ജോലി​യിൽ വൻ തുകകൾ കൊണ്ടു​പോ​കു​ന്നത്‌ ഉൾപ്പെ​ട്ടി​രു​ന്നു. കാര്യ​ങ്ങ​ളെ​ല്ലാം ഭംഗി​യാ​യി മുന്നോ​ട്ടു പോയി, എന്നാൽ ഒരു ദിവസം 30,00,00,000 ലീറ [1,85,000 ഡോളർ] അടങ്ങുന്ന ഒരു പണച്ചാക്കു മോഷ്ടി​ക്കാ​നുള്ള ഒരു പ്രലോ​ഭ​ന​ത്തിന്‌ അദ്ദേഹം വഴങ്ങി. അദ്ദേഹം രണ്ടു സഹജോ​ലി​ക്കാ​രോ​ടൊ​ത്തു ജോലി ചെയ്‌തി​രു​ന്ന​തി​നാൽ അവരിൽ ആര്‌ അതെടു​ത്തു​വെന്നു തീരു​മാ​നി​ക്കുക അസാധ്യ​മാ​യി​രു​ന്നു. അതു​കൊണ്ട്‌ മൂന്നു പേരെ​യും ജോലി​യിൽനി​ന്നു പിരി​ച്ചു​വി​ട്ടു.

കോലാ​ഹ​ല​മെ​ല്ലാം ഒന്നടങ്ങി​യ​ശേഷം ഉപയോ​ഗി​ക്കാം എന്നു വിചാ​രിച്ച്‌ അദ്ദേഹം പണം ഒളിച്ചു​വെച്ചു. മറിച്ച്‌, അപ്രതീ​ക്ഷി​ത​മായ ഒരു അസ്വസ്ഥത അയാളു​ടെ ഉള്ളിൽ നാമ്പെ​ടു​ത്തു: നിഷ്‌ക​ള​ങ്ക​രായ സഹജോ​ലി​ക്കാ​രെ ജോലി​യിൽനി​ന്നു പിരി​ച്ചു​വി​ട്ട​തി​നെ​ക്കു​റിച്ച്‌ അദ്ദേഹ​ത്തി​നു ചിന്തി​ക്കാ​തി​രി​ക്കാൻ കഴിഞ്ഞില്ല. അദ്ദേഹ​ത്തി​ന്റെ മനസ്സാക്ഷി അദ്ദേഹ​ത്തിന്‌ ഒരു നിമി​ഷത്തെ സമാധാ​നം പോലും കൊടു​ക്കു​മാ​യി​രു​ന്നില്ല. അദ്ദേഹ​ത്തിന്‌ ഉറങ്ങാൻ കഴിഞ്ഞില്ല. ആഹാരം കഴിക്കാൻ കഴിഞ്ഞില്ല. അദ്ദേഹ​ത്തോട്‌ ഇടപെ​ടുക അസാധ്യ​മാ​യി​ത്തീർന്നു.

കുററ​ബോ​ധ​ത്താ​ലും ആന്തരിക സംഘർഷ​ത്താ​ലും വലഞ്ഞ അയാൾ പൊലീ​സിൽ പോയി പണമേൽപ്പി​ച്ചു. അയാൾ അവരോട്‌ ഇങ്ങനെ പറഞ്ഞു: “മനസ്സാ​ക്ഷി​ക്കുത്ത്‌ ഭയങ്കര​മാ​യി​രു​ന്നു. അൽപ്പ​നേരം പോലും അതു സഹിച്ചു​നിൽക്കാൻ ഇനി എനിക്കാ​വില്ല!” അയാൾ ഇങ്ങനെ കൂട്ടി​ച്ചേർത്തു: “കള്ളനെന്നു കുററം​വി​ധി​ക്കുന്ന ഒരു മനസ്സാക്ഷി പേറി സ്വത​ന്ത്ര​നാ​യി നടക്കു​ന്ന​തി​ലും ഭേദം സത്യസ​ന്ധ​നാ​യി ജയിലിൽ കിടക്കു​ന്ന​താണ്‌.”

മനസ്സാക്ഷി എല്ലാ മനുഷ്യർക്കു​മുള്ള ദൈവ​ത്തി​ന്റെ ദാനമാണ്‌. അതു നമ്മെ കുററ​പ്പെ​ടു​ത്തു​ക​യോ കുററ​വി​മു​ക്ത​രാ​ക്കു​ക​യോ ചെയ്‌തേ​ക്കാം. നാം മനസ്സാ​ക്ഷി​യു​ടെ ശബ്ദത്തിനു ശ്രദ്ധ നൽകു​മ്പോൾ ഗുരു​ത​ര​മായ ദുഷ്‌പ്ര​വൃ​ത്തി​ക്കു വഴങ്ങി​ക്കൊ​ടു​ത്തു​കൊ​ണ്ടു പിഴവു​കൾ വരുത്തു​ന്ന​തിൽനിന്ന്‌ അതു നമ്മെ രക്ഷിക്കും. മനസ്സാ​ക്ഷി​യു​ടെ കുത്തലു​കളെ അവഗണി​ക്കു​ക​യോ ഷേക്‌സ്‌പി​യ​റി​ന്റെ റിച്ചാർഡ്‌ III-ാമൻ രാജാവ്‌ ചെയ്‌ത​തു​പോ​ലെ അതിനെ ശാസി​ക്കു​ക​യോ ചെയ്യു​ന്ന​തി​നു പകരം നാം നമ്മുടെ മനസ്സാ​ക്ഷി​യെ താലോ​ലി​ക്കു​ക​യും സംരക്ഷി​ക്കു​ക​യും ചെയ്യേ​ണ്ട​തുണ്ട്‌.—റോമർ 2:14, 15.