സഭകളു​ടെ ലോക​കൗൺസിൽ—വിയോ​ജി​ക്കാൻ സമ്മതി​ക്കു​ന്നു

സ്‌പെ​യി​നി​ലെ സാൻറി​യാ​ഗോ നഗരം 1993 ആഗസ്‌ററ്‌ 3 മുതൽ 14 വരെ അസാധാ​ര​ണ​മായ ഒരു കൂട്ടം തീർഥാ​ട​കരെ വരവേ​ററു. ആ നഗരം വിശ്വാ​സ​വും ആരാധ​നാ​ക്ര​മ​വും സംബന്ധിച്ച ഒരു ലോക കോൺഫ​റൻസിന്‌ ആതിഥ്യ​മ​രു​ളി, അതു സംഘടി​പ്പി​ച്ചതു സഭകളു​ടെ ലോക​കൗൺസി​ലാ​യി​രു​ന്നു. പ്രതി​നി​ധി​ക​ളു​ടെ ലക്ഷ്യം വമ്പിച്ച ഒന്നായി​രു​ന്നു—ക്രൈ​സ്‌ത​വ​ലോ​ക​ത്തി​ലെ സഭകളെ ഏകീക​രി​ക്കാ​നുള്ള നിലച്ചു​പോയ ശ്രമത്തി​നു വീണ്ടും ജീവൻ പകരുക.

ദക്ഷിണാ​ഫ്രി​ക്ക​യിൽനി​ന്നുള്ള ആംഗ്ലിക്കൻ ആർച്ചു​ബി​ഷ​പ്പായ ഡസ്‌മോൺഡ്‌ ടുട്ടു സ്ഥിതി​വി​ശേ​ഷത്തെ “സഭൈക്യ ആലസ്യം” എന്നാണു പരസ്യ​മാ​യി വിളി​ച്ചത്‌. “നാം കാലിന്റെ വിരൽത്തുമ്പ്‌ നനയ്‌ക്കു​ന്നു, എന്നാൽ ഇറങ്ങി​ച്ചെ​ല്ലാ​നുള്ള ധൈര്യം നമുക്കില്ല,” അദ്ദേഹം വിലപി​ച്ചു.

സഭൈ​ക്യ​ത്തിന്‌ ഇറങ്ങി​ത്തി​രി​ക്കു​ന്നത്‌ അത്ര എളുപ്പ​മാ​യി​രി​ക്കില്ല. സാൻറി​യാ​ഗോ​യി​ലെ കത്തോ​ലി​ക്കാ കത്തീ​ഡ്ര​ലിൽ നടന്ന പ്രാരം​ഭ​ച​ട​ങ്ങി​ന്റെ സമയത്തു​പോ​ലും പ്രതി​നി​ധി​ക​ളു​ടെ ഇടയിൽ ഭിന്നതകൾ പ്രത്യ​ക്ഷ​മാ​യി​രു​ന്നു. കുർബാ​ന​യു​ടെ സമയത്തു “വി. യാക്കോ​ബി​നുള്ള കീർത്തനം” ആലപിച്ചു. ‘തീർഥാ​ട​ക​രു​ടെ ആത്മാവ്‌ പ്രകട​മാ​ക്കാ​നും ക്രിസ്‌ത്യാ​നി​ക​ളു​ടെ ഇടയിൽ രമ്യത തേടാ​നും’ കത്തോ​ലി​ക്കാ ആർച്ച്‌ബി​ഷ​പ്പായ റൗക്കോ പങ്കെടു​ത്ത​വരെ പ്രോ​ത്സാ​ഹി​പ്പി​ച്ചെ​ങ്കിൽപോ​ലും സ്‌പാ​നീഷ്‌ കത്തോ​ലി​ക്കർ യഹൂദ​രു​ടെ​യും മുസ്ലീ​ങ്ങ​ളു​ടെ​യും പ്രൊ​ട്ട​സ്‌റ​റൻറു​കാ​രു​ടെ​യും നേർക്കു നടത്തിയ മർദന​ത്തി​ന്റെ നൂററാ​ണ്ടു​കളെ പ്രകീർത്തി​ക്കു​ന്ന​താ​യി ആ കീർത്തനം വിമർശി​ക്ക​പ്പെട്ടു.

കത്തോ​ലി​ക്ക​രെ​യും ഓർത്ത​ഡോ​ക്‌സു​കാ​രെ​യും പ്രൊ​ട്ട​സ്‌റ​റൻറു​കാ​രെ​യും രമ്യത​പ്പെ​ടു​ത്താ​നു​ത​കുന്ന ഏതെങ്കി​ലും ചട്ടക്കൂ​ടു​ണ്ടോ? നിഖ്യാ വിശ്വാ​സ​പ്ര​മാ​ണത്തെ പല സഭകളും വീക്ഷി​ക്കു​ന്നത്‌ “അപ്പോ​സ്‌ത​ലിക വിശ്വാ​സ​ത്തി​ന്റെ ഒരു കേന്ദ്ര ആശയമാ​യി​ട്ടാണ്‌” എന്ന്‌ ഒരു നിരീ​ക്ഷ​ക​സം​ഘം സൂചി​പ്പി​ച്ചു. “അഭി​പ്രാ​യ​ങ്ങ​ളിൽ നാനാ​ത്വം” ഉണ്ടെങ്കിൽപ്പോ​ലും “വിശ്വാസ ഐക്യം നേടു​ന്ന​തി​നുള്ള ഒരു മാർഗ​മാ​യി” ഈ വിശ്വാ​സ​പ്ര​മാ​ണം ഉതകു​മെന്ന്‌ അവർ പ്രത്യാ​ശി​ച്ചു.

കോൺഫ​റൻസ്‌ നടന്നു​കൊ​ണ്ടി​രുന്ന സമയത്ത്‌ “അഭി​പ്രാ​യ​ങ്ങ​ളിൽ നാനാ​ത്വം” ആവർത്തി​ച്ചാ​വർത്തി​ച്ചു പ്രത്യ​ക്ഷ​മാ​യി. സ്‌ത്രീ​കൾക്കു പുരോ​ഹി​ത​പട്ടം കൊടു​ക്കു​ന്ന​തി​നെ അംഗീ​ക​രി​ക്കുന്ന ആംഗ്ലിക്കൻ സഭയുടെ അടുത്ത​കാ​ലത്തെ തീരു​മാ​ന​ത്തോട്‌ ഓർത്ത​ഡോ​ക്‌സ്‌ പ്രതി​നി​ധി​ക​ളും കത്തോ​ലി​ക്കാ പ്രതി​നി​ധി​ക​ളും പ്രതി​ഷേ​ധ​മു​യർത്തി. ഭിന്നത ഉയർത്തി​വിട്ട മറെറാ​രു സംഗതി മുൻ കമ്മ്യു​ണി​സ്‌ററ്‌ രാജ്യ​ങ്ങ​ളി​ലെ ഓർത്ത​ഡോ​ക്‌സ്‌ സഭകളും കത്തോ​ലി​ക്കാ സഭകളും തമ്മിലുള്ള കിടമ​ത്സ​ര​മാണ്‌. “നൂററാ​ണ്ടു​ക​ളാ​യി ക്രിസ്‌ത്യാ​നിക”ളായി​രി​ക്കു​ന്ന​വ​രും എന്നാൽ കമ്മ്യു​ണി​സ്‌ററ്‌ നിരീ​ശ്വ​ര​വാ​ദ​ത്തി​ന്റെ കീഴിൽ ദശകങ്ങ​ളാ​യി ജീവി​ക്കാ​നുള്ള നിർഭാ​ഗ്യ​മു​ണ്ടാ​യി​രു​ന്ന​വ​രു​മായ “ആളുക​ളോട്‌ വീണ്ടും സുവി​ശേഷം പറയു​ന്നതി”നെക്കു​റി​ച്ചു സംസാ​രി​ക്കു​ന്ന​തു​പോ​ലും തെററാ​ണെന്നു ഗ്രീക്ക്‌ ഓർത്ത​ഡോ​ക്‌സ്‌ സഭയിലെ ആർച്ചു​ബി​ഷ​പ്പായ യാക്കോ​വോസ്‌ അഭി​പ്രാ​യ​പ്പെട്ടു. വാസ്‌ത​വ​ത്തിൽ, “മതംമാ​ററൽ” ഐക്യ​ത്തി​ന്റെ ഒരു വിലങ്ങു​ത​ടി​യാ​യി​രി​ക്കു​ന്ന​താ​യി ഒരു കോൺഫ​റൻസ്‌ റിപ്പോർട്ട്‌ കുററം​വി​ധി​ച്ചു. എന്നാൽ ‘സഭയുടെ മിഷനറി സ്വഭാവം സംബന്ധിച്ച കൂടുതൽ വ്യക്തമായ ഗ്രാഹ്യം’ നേടേണ്ട ഒരാവ​ശ്യ​ത്തെ അത്‌ അംഗീ​ക​രി​ക്കു​ക​യും ചെയ്‌തു.

സഭകളു​ടെ ഐക്യം ഒരു “അയഥാർഥ സങ്കൽപ്പ”മാണെന്നു ബോം​ബെ​യി​ലെ ബിഷപ്പായ സാമു​വേൽ ബി. ജോഷ്വ ആശയറ​റ​വി​ധം വർണിച്ചു. ഇന്ത്യയി​ലെ ആറ്‌ സഭാവി​ഭാ​ഗ​ങ്ങളെ ലയിപ്പി​ക്കു​ന്ന​തി​ലെ പ്രശ്‌നങ്ങൾ നേരി​ട്ട​നു​ഭ​വി​ച്ച​റി​ഞ്ഞ​ശേഷം “നേട്ടങ്ങൾ പുറ​മേ​യെ​യു​ള്ളൂ,” അതേസ​മയം ചുമടു​കൾ “വഹിക്കാൻ കഴിയാ​താ​വു​ന്നു” എന്ന്‌ അദ്ദേഹം പറഞ്ഞു. ക്രിസ്‌തീയ ഐക്യം അന്വേ​ഷി​ക്കേ​ണ്ടത്‌ “ഉപദേ​ശ​ങ്ങ​ളു​ടെ​യും സഭയുടെ ആരാധ​നാ​ക്ര​മ​ത്തി​ന്റെ​യും കാര്യങ്ങ”ളിലല്ല എന്ന്‌ അദ്ദേഹം വിശ്വ​സി​ക്കു​ന്നു.

എന്നാൽ ഉപദേ​ശ​ങ്ങളെ അവഗണി​ക്കുന്ന ഐക്യം യഥാർഥ ഐക്യ​മാ​കു​മോ? ‘സഭയുടെ മിഷനറി സ്വഭാ​വത്തെ ഇനിയും ഗ്രഹി​ക്കാത്ത’ മതങ്ങൾക്കു വാസ്‌ത​വ​ത്തിൽ ക്രിസ്‌തു​വി​നെ അനുഗ​മി​ക്കാൻ കഴിയു​മോ? ക്രിസ്‌തു​വി​ന്റെ യഥാർഥ അനുഗാ​മി​കൾ “ഏകമന​സ്സു​ള്ള​വരാ”യി തുടര​ണ​മെന്ന്‌ പൗലോസ്‌ പറഞ്ഞു. (2 കൊരി​ന്ത്യർ 13:11) വിയോ​ജി​ക്കാൻ സമ്മതി​ക്കു​ന്നതു മാത്രം ആ നിലവാ​ര​ത്തിൽ എത്തി​നോ​ക്കു​ന്നതു പോലു​മില്ല.