“എന്റെ കവിളി​ലൂ​ടെ കണ്ണീർ ഒഴുകി”

“ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റഞ്ച്‌ മാർച്ച്‌ 8 ഉണരുക!യുടെ നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ എന്ന ലഘുപ​ത്രിക സമർപ്പി​ച്ചു​കൊ​ണ്ടുള്ള പുറം​പേ​ജി​ലെ ലേഖനം ഞാൻ വായി​ച്ചു​ക​ഴി​ഞ്ഞ​തേ​യു​ള്ളൂ. ‘അദ്ദേഹ​ത്തെ​ക്കൂ​ടാ​തെ വളരു​ന്നതു വളരെ പ്രയാ​സ​മാ​യി​രി​ക്കു​ന്നു’ എന്നതാ​യി​രു​ന്നു അതിന്റെ തലക്കെട്ട്‌. പത്തു വർഷം മുമ്പ്‌ പിതാ​വി​നെ നഷ്ടമായ ഓസ്‌ട്രി​യ​യി​ലെ ആ യുവാ​വി​ന്റെ അഭി​പ്രാ​യങ്ങൾ വായി​ച്ച​പ്പോൾ എന്റെ കവിളി​ലൂ​ടെ കണ്ണീർ ഒഴുകി. എനിക്ക്‌ 50 വയസ്സുണ്ട്‌. 7 വയസ്സു​ണ്ടാ​യി​രു​ന്ന​പ്പോൾ എനിക്ക്‌ എന്റെ പിതാ​വി​നെ നഷ്ടമായി. അദ്ദേഹം 39-ാം വയസ്സിൽ കാൻസർ പിടി​പെ​ട്ടാ​ണു മരിച്ചത്‌. ഗുരു​ത​ര​മായ വിഷാദം നിമിത്തം ആറു വർഷം മുമ്പ്‌ എന്നെ ആശുപ​ത്രി​യി​ലാ​ക്കി​യ​പ്പോൾ ഞാൻ അദ്ദേഹ​ത്തി​ന്റെ മരണ​ത്തെ​ക്കു​റിച്ച്‌ ദുഃഖി​ക്കാൻ തുടങ്ങി​യി​രു​ന്നു. കഴിഞ്ഞ അഞ്ചു വർഷമാ​യി ഞാൻ ചികി​ത്സ​യി​ലാണ്‌. വളരെ പ്രയാ​സ​ക​ര​മായ ചില കാര്യങ്ങൾ എങ്ങനെ തരണം​ചെ​യ്യ​ണ​മെന്ന്‌ എനിക്കു പഠിക്കു​ക​യും ചെയ്യേ​ണ്ടി​വന്നു.

“ഓസ്‌ട്രി​യ​യിൽനി​ന്നുള്ള ഈ എഴുത്ത്‌ വായി​ക്കു​ന്ന​തു​വരെ ഞാൻ വിശ്വ​സി​ച്ചി​രു​ന്നത്‌ എനിക്കോ എന്റെ വിശ്വാ​സ​ത്തി​നോ എന്തോ ഭയങ്കര​മായ കുഴപ്പ​മു​ണ്ടാ​യി​രു​ന്നു​വെ​ന്നാണ്‌. ഇത്രയും വലിയ ശൂന്യ​താ​ബോ​ധ​വും എന്റെ പിതാ​വി​നെ സംബന്ധി​ച്ചുള്ള ഏകാന്ത​ത​യു​ടെ തീവ്ര​മായ വേദന​യും അനുഭ​വി​ക്കുന്ന ഒരേ ഒരു വ്യക്തി ഞാനാ​ണെ​ന്നാണ്‌ ഞാൻ വിചാ​രി​ച്ചി​രു​ന്നത്‌. ഞാൻ ഒറ്റയ്‌ക്ക​ല്ലെ​ന്നും എന്നെ​പ്പോ​ലെ​തന്നെ വിചാ​രി​ക്കുന്ന മറ്റാളു​ക​ളു​ണ്ടെ​ന്നും അറിയു​ന്നതു വളരെ പ്രോ​ത്സാ​ഹ​ജ​ന​ക​മാ​യി​രു​ന്നു.

“നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ എന്ന ലഘുപ​ത്രിക ആദ്യം​മു​തൽ അവസാ​നം​വരെ ഞാൻ വായി​ച്ചു​തീർത്തു. എന്റെ അഭി​പ്രാ​യ​ത്തിൽ, എന്റെ ആവശ്യ​ങ്ങൾക്ക്‌ എഴുതി​യി​ട്ടു​ള്ള​തിൽവച്ച്‌ ഏറ്റവും നല്ല പ്രസി​ദ്ധീ​ക​രണം അതായി​രു​ന്നു.”—ശ്രീമതി എ. ജ., കണക്‌റ്റി​കട്ട്‌, യു.എസ്‌.എ.

നിങ്ങൾക്ക്‌ പ്രിയ​പ്പെട്ട ആരെ​യെ​ങ്കി​ലും മരണത്തിൽ നഷ്ടമാ​യി​ട്ടു​ണ്ടോ? ബൈബിൾ പ്രദാനം ചെയ്യുന്ന യഥാർഥ ആശ്വാസം സ്വീക​രി​ക്കാൻ നിങ്ങൾ ആഗ്രഹി​ക്കു​ന്നു​വോ? എങ്കിൽ, Watch Tower, H-58 Old Khandala Road, Lonavla 410 401, Mah., India-ക്കോ ഈ മാസി​ക​യു​ടെ 5-ാം പേജിൽ പട്ടിക​പ്പെ​ടു​ത്തി​യി​രി​ക്കുന്ന ഉചിത​മായ മേൽവി​ലാ​സ​ത്തി​ലോ എഴുതി​ക്കൊണ്ട്‌ 32 പേജുള്ള ഈ ലഘുപ​ത്രി​ക​യു​ടെ ഒരു പ്രതി​ക്കു​വേണ്ടി അപേക്ഷി​ക്കാൻ മടി വിചാ​രി​ക്കാ​തി​രി​ക്കുക.