പ്രിയപ്പെട്ട ഒരാളിൽനിന്നുള്ള കത്ത്‌
യഹോവയോട്‌ അടുത്തു ചെല്ലുവിൻ എന്ന പുസ്‌തകത്തെ പ്രിയപ്പെട്ട ഒരാളിൽനിന്നുള്ള ഒരു കത്തിനോടു താരതമ്യപ്പെടുത്തിക്കൊണ്ട്‌ ന്യൂയോർക്കിലെ ഒരു വായനക്കാരി പറയുന്നു: “ഓരോ അധ്യായവും വികാരോദ്ദീപകമാണ്‌, അത്‌ യഹോവയോടുള്ള സ്‌നേഹം നിങ്ങളിൽ നിറയ്‌ക്കുന്നു.” അവർ തുടരുന്നു: “ഞാൻ അതു മുഴുവനും വായിച്ചുതീർത്തു. എന്നാൽ ഇനിയും ഞാൻ അതു വായിക്കാൻ പോകുകയാണ്‌, നിങ്ങൾക്ക്‌ ഏറ്റവും പ്രിയപ്പെട്ട ഒരാളിൽനിന്നുള്ള കത്ത്‌ നിങ്ങൾ വീണ്ടും വീണ്ടും വായിക്കില്ലേ, അതുപോലെ.” മറ്റു ചിലരുടെ അഭിപ്രായം ശ്രദ്ധിക്കുക.
കൻസാസിൽനിന്നുള്ള ഒരു വായനക്കാരി ഇപ്രകാരം പറയുന്നു: “എന്റെ സ്വർഗീയ പിതാവിനോട്‌ അടുത്തുചെല്ലുന്നത്‌ എനിക്കു ശരിക്കും അനുഭവിച്ചറിയാൻ കഴിയുന്നു. സ്‌നേഹത്താൽ എന്റെ ഹൃദയം നിറഞ്ഞു തുളുമ്പുകയാണ്‌ . . . എന്നും രാവിലെ അതു വായിക്കാനായി ഞാൻ ആകാംക്ഷയോടെ നോക്കിയിരിക്കുന്നു. ഞാൻ അതു വീണ്ടും വീണ്ടും വായിക്കും.”
മേനിൽനിന്നുള്ള ഒരു സ്‌ത്രീ ഇപ്രകാരം എഴുതി: “യഹോവയുടെ വ്യക്തിത്വത്തെ കൂടുതലായി വിലമതിക്കാൻ അത്‌ എന്നെ സഹായിച്ചു. ‘മരിക്കുന്നവർക്ക്‌, ദൈവത്തിന്റെ സ്‌മരണയെക്കാൾ സുരക്ഷിതമായ മറ്റൊരിടത്തായിരിക്കാനാവില്ല’” എന്ന 74-ാം പേജിലെ പ്രസ്‌താവന എത്ര സാന്ത്വനദായകമാണ്‌. അലാസ്‌കയിൽ നിന്നുള്ള ഒരു വ്യക്തിക്കും സമാനമായ വികാരങ്ങളാണ്‌ അനുഭവപ്പെട്ടത്‌. അവർ പറയുന്നു: “അത്‌ എന്നെ ആഴത്തിൽ സ്‌പർശിച്ചു, എന്റെ കണ്ണുകൾ നിറഞ്ഞൊഴുകി.” അവർ കൂട്ടിച്ചേർത്തു: “ഞാൻ തീർച്ചയായും അതു വീണ്ടും വീണ്ടും വായിക്കുകയും പരിശോധിക്കുകയും ചെയ്യും.”
ഈ പുസ്‌തകം വായിക്കുന്നെങ്കിൽ നിങ്ങൾക്കും ഇതുപോലെ ആയിരിക്കും അനുഭവപ്പെടുക എന്ന്‌ ഞങ്ങൾക്കുറപ്പുണ്ട്‌. ആദ്യത്തെ മൂന്ന്‌ ആമുഖ അധ്യായങ്ങൾക്കു ശേഷം, പുസ്‌തകത്തെ നാലു ഭാഗങ്ങളായി തിരിച്ചിരിക്കുന്നു, ‘ശക്തിയുടെ ആധിക്യമുള്ളവൻ,’ ‘നീതിപ്രിയൻ,’ “ഹൃദയത്തിൽ ജ്ഞാനി,” “ദൈവം സ്‌നേഹം ആകുന്നു” എന്നിങ്ങനെ. “ദൈവത്തോടു അടുത്തു ചെല്ലുവിൻ; എന്നാൽ അവൻ നിങ്ങളോടു അടുത്തുവരും” എന്നതാണ്‌ അവസാന അധ്യായം.
കട്ടിബയന്റ്‌ ഇടാത്ത 320-പേജുള്ള ഈ പുസ്‌തകത്തെ കുറിച്ചു കൂടുതൽ വിവരങ്ങൾ അറിയാൻ ആഗ്രഹിക്കുന്നെങ്കിൽ ദയവായി ഇതോടൊപ്പം നൽകിയിരിക്കുന്ന കൂപ്പൺ പൂരിപ്പിച്ച്‌ ഈ മാസികയുടെ 5-ാം പേജിലെ അനുയോജ്യമായ മേൽവിലാസത്തിൽ അയയ്‌ക്കുക. (g03 7/22)
□ യഹോവയോട്‌ അടുത്തു ചെല്ലുവിൻ എന്ന പുസ്‌തകത്തെ കുറിച്ച്‌ കൂടുതൽ വിവരങ്ങൾ എനിക്ക്‌ അയച്ചുതരിക.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്‌പര്യമുണ്ട്‌. എന്റെ മേൽവിലാസം ഈ കൂപ്പണിൽ കൊടുത്തിരിക്കുന്നു: