സ്വർഗ​ത്തി​ലേ​ക്കോ നരകത്തി​ലേ​ക്കോ പോകു​ന്നത്‌?

“നിങ്ങൾ സ്വർഗ​ത്തി​ലോ നരകത്തി​ലോ പോകു​ന്ന​തി​നുള്ള സാധ്യ​തകൾ എന്തെല്ലാ​മാണ്‌?”

മുഖ്യ​മാ​യും, അത്‌ വ്യത്യസ്‌ത വിഭാ​ഗ​ങ്ങ​ളി​ലുള്ള അമേരി​ക്ക​ക്കാ​രു​ടെ​യി​ട​യിൽ അടുത്ത​കാ​ലത്തു നടത്തിയ ഒരു സർവേ​യിൽ ചോദി​ച്ച​താണ്‌. അമേരി​ക്ക​യി​ലെ മതം 1992-93 [ഇംഗ്ലീഷ്‌] എന്ന ഗ്രന്ഥത്തിൽ പ്രിൻസ്‌ററൺ റിലിജൻ റിസേർച്ച്‌ സെൻറർ അതിന്റെ ഫലം പ്രഖ്യാ​പി​ച്ചു.

നിങ്ങൾ എങ്ങനെ ഉത്തരം നൽകു​മാ​യി​രു​ന്നു? നിങ്ങളു​ടെ ഇണ അല്ലെങ്കിൽ പ്രിയ​പ്പെട്ട മററു​ള്ളവർ മരിക്കു​മ്പോൾ സ്വർഗ​ത്തിൽ പോകു​ന്ന​തി​നുള്ള സാധ്യ​തകൾ എന്തെല്ലാ​മാണ്‌? നിങ്ങളോ അവരോ ഒടുവിൽ നരകത്തിൽ പോകാൻ സാധ്യ​ത​യു​ണ്ടെന്നു നിങ്ങൾ വിചാ​രി​ക്കു​ന്നു​ണ്ടോ?

തങ്ങൾ സ്വർഗ​ത്തിൽ പോകു​ന്ന​തി​നുള്ള മതിയായ അഥവാ മികച്ച സാധ്യ​ത​യു​ണ്ടെന്ന്‌ 78 ശതമാനം വിചാ​രി​ച്ച​താ​യി സർവേ കാണിച്ചു, ഏതാണ്ടു 40 വർഷം മുമ്പ്‌ അങ്ങനെ ഉത്തരം നൽകി​യ​വ​രു​ടെ സംഖ്യ​യെ​ക്കാൾ അധിക​മാ​യി​രു​ന്നു ഇത്‌. നരകത്തിൽ പോകു​ന്ന​തോ? അവിടെ പോകു​ന്ന​തി​നുള്ള സാധ്യത തീരെ കുറവാ​ണെന്ന്‌ ഏതാണ്ട്‌ 77 ശതമാനം പറഞ്ഞു.

അവരുടെ ഉത്തരങ്ങൾ സൂക്ഷ്‌മ​മായ ബൈബിൾ പരിജ്ഞാ​ന​ത്തിൽ അധിഷ്‌ഠി​ത​മാ​യി​രു​ന്നു​വോ? കൊള്ളാം, മതപര​മായ ശുശ്രൂ​ഷ​ക​ളി​ലുള്ള തങ്ങളുടെ പങ്കുപ​ററൽ അഞ്ചുവർഷം മുമ്പ​ത്തേ​തി​നെ​ക്കാൾ വളരെ കുറവാ​ണെന്ന്‌ 10-ൽ 4പേർ സമ്മതി​ച്ചു​പ​റഞ്ഞു. വെറും 28 ശതമാനം ബൈബിൾ അധ്യയന ഗ്രൂപ്പു​ക​ളിൽ പങ്കുപ​റ​റു​ന്ന​താ​യും 27 ശതമാനം മതപര​മായ വിദ്യാ​ഭ്യാ​സ പരിപാ​ടി​ക​ളിൽ പങ്കെടു​ക്കു​ന്ന​താ​യും അവകാ​ശ​പ്പെട്ടു.

നിങ്ങൾ ശ്രദ്ധാ​പൂർവം ബൈബിൾ പഠിക്കു​ക​യാ​ണെ​ങ്കിൽ അതിശ​യി​പ്പി​ക്കുന്ന ചില വസ്‌തു​തകൾ കണ്ടെത്തും. ദൃഷ്ടാ​ന്ത​ത്തിന്‌, ചില ബൈബിൾ പരിഭാ​ഷകൾ പറയു​ന്ന​പ്ര​കാ​രം യേശു മരിച്ച​പ്പോൾ “നരക”ത്തിൽ പോയി എന്നു ബൈബിൾ സ്‌പഷ്ട​മാ​യി പറയുന്നു. (പ്രവൃ​ത്തി​കൾ 2:31, ജയിംസ്‌ രാജാ​വി​ന്റെ ഭാഷാ​ന്തരം; “ഹേഡീസ്‌,” പുതി​യ​ലോക ഭാഷാ​ന്തരം) ദാവീദ്‌ രാജാ​വും സ്‌നാപക യോഹ​ന്നാ​നും മരണത്തിൽ സ്വർഗ​ത്തിൽ പോയില്ല എന്നും ദൈവ​വ​ചനം തെളിവു നൽകുന്നു. (മത്തായി 11:11; പ്രവൃ​ത്തി​കൾ 2:29) അവ യഥാർഥ വസ്‌തു​ത​ക​ളാണ്‌ അല്ലാതെ ഒരു മതസർവേ​യിൽനി​ന്നുള്ള അഭി​പ്രാ​യ​ങ്ങളല്ല.

നിങ്ങളെ സ്‌പർശി​ച്ചേ​ക്കാ​വുന്ന മററു വസ്‌തു​തകൾ: യേശു​വി​നോ​ടൊ​പ്പം ഭരിക്കു​ന്ന​തി​നു യേശു​വി​ന്റെ അപ്പോ​സ്‌ത​ലൻമാ​രും മററു​ള്ള​വ​രു​ടെ ഒരു ചെറു​കൂ​ട്ട​വും സ്വർഗ​ത്തി​ലേക്ക്‌ എടുക്ക​പ്പെ​ടു​മെന്നു ബൈബിൾ പഠിപ്പി​ക്കു​ന്നു. എന്നിരു​ന്നാ​ലും, മരിച്ച​വ​രിൽ ഭൂരി​പ​ക്ഷം​പേ​രും മനുഷ്യ​വർഗ​ത്തി​ന്റെ പൊതു ശവക്കു​ഴി​യി​ലേക്കു പോയി​രി​ക്കു​ന്നു. ദൈവം അവരെ പുനരു​ത്ഥാ​ന​ത്തി​ലേക്കു വരുത്തു​ക​യും പൂർണ​വും സന്തുഷ്ട​വും അനന്തവു​മായ ജീവിതം ആസ്വദി​ക്കു​ന്ന​തി​നുള്ള പ്രത്യാ​ശ​യോ​ടൊ​പ്പം അവരെ പുനഃ​സ്ഥാ​പി​ക്ക​പ്പെട്ട ഭൗമിക പറുദീ​സ​യി​ലെ ജീവനി​ലേക്കു വരുത്തു​ക​യും ചെയ്യും.

ആ പ്രത്യാ​ശ​യ്‌ക്കുള്ള വിശ്വ​സ​നീ​യ​മായ അടിസ്ഥാ​നം നിങ്ങളു​ടെ ബൈബി​ളിൽനി​ന്നു സ്ഥിരീ​ക​രി​ക്കു​ന്ന​തി​നു യഹോ​വ​യു​ടെ സാക്ഷി​കൾക്കു സന്തോ​ഷ​മുണ്ട്‌.