സൃഷ്ടി​പരത—ദൈവ​ത്തിൽനി​ന്നുള്ള ഔദാ​ര്യ​പൂർവ​മായ ഒരു ദാനം

യഹോവ സൃഷ്ടി​പ​ര​മായ വേലക​ളിൽ സന്തോ​ഷി​ക്കു​ന്നു. (സങ്കീർത്തനം 104:31) സൃഷ്ടി​പ്പിൻ പ്രവൃ​ത്തി​ക​ളിൽനിന്ന്‌ അവനു ലഭിക്കുന്ന ആഴമായ സംതൃ​പ്‌തി ഉല്‌പത്തി 1:31-ൽ പ്രകടി​പ്പി​ച്ചി​രി​ക്കു​ന്നു: “താൻ ഉണ്ടാക്കി​യ​തി​നെ ഒക്കെയും ദൈവം നോക്കി, അതു എത്രയും നല്ലതു എന്നു കണ്ടു.”

ഈ സന്തോഷം തനിക്കു​മാ​ത്രം മതി​യെന്നു യഹോവ വിചാ​രി​ച്ചില്ല. മററുള്ള സകലതും സൃഷ്ടി​ക്കു​ന്ന​തിൽ പ്രതി​നി​ധി, അഥവാ ഉപാധി ആയിരി​ക്കു​വാ​നുള്ള പദവി അവൻ യേശു​വി​നു കൊടു​ത്തു. (യോഹ​ന്നാൻ 1:3; കൊ​ലൊ​സ്സ്യർ 1:16, 17) “ശില്‌പി” എന്നനി​ല​യിൽ, യേശു “ഇടവി​ടാ​തെ അവന്റെ [യഹോ​വ​യു​ടെ] മുമ്പിൽ വിനോ​ദി​ച്ചു​കൊ​ണ്ടി​രു​ന്നു.”—സദൃശ​വാ​ക്യ​ങ്ങൾ 8:30, 31.

എന്നാൽ സൃഷ്ടി​പ​ര​മായ കഴിവു സ്വർഗ​ത്തിൽ മാത്രമല്ല ഉള്ളത്‌. “അതിനെ മനുഷ്യ​വർഗ​ത്തിൽ ആന്തരി​ക​മാ​യി പിടി​പ്പി​ച്ചി​രി​ക്കു​ന്നു,” നിങ്ങൾ എത്രമാ​ത്രം സൃഷ്ടി​പ​ര​മാണ്‌? (ഇംഗ്ലീഷ്‌) എന്ന പുസ്‌ത​ക​ത്തിൽ യൂജിൻ റൗഡ്‌സെപ്‌ എഴുതു​ന്നു. ഇതു കേവലം ഒത്തുവ​ന്നതല്ല, കാരണം മനുഷ്യ​നെ സൃഷ്ടി​ച്ചി​രി​ക്കു​ന്നതു ദൈവ​ത്തി​ന്റെ ഛായയി​ലാണ്‌. (ഉല്‌പത്തി 1:26) അങ്ങനെ, യഹോവ സംതൃ​പ്‌തി​ദാ​യ​ക​മായ, സൃഷ്ടി​പ​ര​മായ പ്രാപ്‌തി​കൾ നൽകി മനുഷ്യ​വർഗത്തെ അനു​ഗ്ര​ഹി​ച്ചി​രി​ക്കു​ന്നു.—യാക്കോബ്‌ 1:17.

അതു​കൊണ്ട്‌, പാട്ട്‌, നൃത്തം, നെയ്‌ത്ത്‌, പാചകം, കരകൗ​ശ​ല​പ്പ​ണി​കൾ, സൃഷ്ടി​പ​ര​മായ മററു ക്രിയാ​ത്മക പണികൾ എന്നിവ​യെ​ക്കു​റി​ച്ചെ​ല്ലാം ബൈബിൾ പുകഴ്‌ച​യാ​യി സംസാ​രി​ക്കു​ന്ന​തിൽ അതിശ​യി​ക്കാ​നില്ല. (പുറപ്പാ​ടു 35:25, 26; 1 ശമൂവേൽ 8:13; 18:6, 7; 2 ദിനവൃ​ത്താ​ന്തം 2:13, 14) “സാമ​ഗ്രി​കൾ രൂപക​ല്‌പന ചെയ്യുന്ന”തിൽ തന്റെ കഴിവ്‌ ഉപയോ​ഗി​ച്ചു​കൊണ്ട്‌ ഒരു കരകൗ​ശ​ല​പ്പ​ണി​ക്കാ​ര​നായ ബെസലേൽ സമാഗ​മ​ന​കൂ​ടാ​ര​പ്പ​ണി​യിൽ സഹായി​ച്ചു. (പുറപ്പാട്‌ 31:3, 4, NW) നാടോ​ടി​ക​ളാ​യി ജീവി​ക്കു​ന്ന​വർക്കു സൗകര്യ​മാ​യി ഉപയോ​ഗി​ക്കാ​വുന്ന ഒന്നാണ​ല്ലോ കൂടാരം. സൃഷ്ടി​പ​ര​മായ ഈ കണ്ടുപി​ടി​ത്തം നടത്തി​യത്‌ ഇടയനായ യാബാൽ ആയിരി​ക്കാം. (ഉല്‌പത്തി 4:20) ദാവീദ്‌ ഒരു ഗായക​നും സംഗീ​ത​സം​വി​ധാ​യ​ക​നും മാത്ര​മാ​യി​രു​ന്നില്ല, പുതിയ വാദ്യോ​പ​ക​ര​ണങ്ങൾ രൂപക​ല്‌പന ചെയ്യു​ന്ന​വ​നു​മാ​യി​രു​ന്നു. (2 ദിനവൃ​ത്താ​ന്തം 7:6; സങ്കീർത്തനം 7:17; ആമോസ്‌ 6:5) ചെങ്കട​ലി​ലൂ​ടെ​യുള്ള ഇസ്രാ​യേൽ ജനതയു​ടെ വിമോ​ചനം ആഘോ​ഷി​ച്ചു​കൊ​ണ്ടുള്ള ഉല്ലാസ​നൃ​ത്തം സംവി​ധാ​നം ചെയ്‌തത്‌ മിര്യം ആയിരി​ക്കാം.—പുറപ്പാ​ടു 15:20.

സത്യാ​രാ​ധ​ന​യു​ടെ ഉന്നമന​ത്തിൽ സൃഷ്ടി​പരത പലപ്പോ​ഴും ഒരു മുതൽക്കൂ​ട്ടാണ്‌. യേശു തന്റെ സന്ദേശം മററു​ള്ള​വ​രി​ലേക്കു പകരാൻ ദൃഷ്ടാ​ന്ത​ങ്ങ​ളും ദൃഷ്ടാ​ന്ത​പാ​ഠ​ങ്ങ​ളും സൃഷ്ടി​പ​ര​മാ​യി ഉപയോ​ഗി​ച്ചു. അതു​പോ​ലെ, “പ്രസം​ഗി​ക്കു​ന്ന​തി​ലും പഠിപ്പി​ക്കു​ന്ന​തി​ലും കഠിനാ​ധ്വാ​നം” ചെയ്യാൻ അവന്റെ അനുഗാ​മി​കൾ ഉദ്‌ബോ​ധി​പ്പി​ക്ക​പ്പെ​ടു​ന്നു. (1 തിമോ​ത്തി 5:17, NW) അതേ, അവരുടെ പ്രസം​ഗ​വേല ദിനച​ര്യ​യിൽപ്പെട്ട കേവലം ഒരു പ്രവൃ​ത്തി​യല്ല. സൃഷ്ടി​പ​ര​മായ പഠിപ്പി​ക്കൽ രീതികൾ ആവശ്യ​മുള്ള ഒരു കലയാ​ണത്‌. (കൊ​ലൊ​സ്സ്യർ 4:6) ഒരുവന്റെ കുട്ടി​കളെ പഠിപ്പി​ക്കു​മ്പോൾ ഇതു വിശേ​ഷാൽ മർമ​പ്ര​ധാ​ന​മാണ്‌.—ആവർത്ത​ന​പു​സ്‌തകം 6:6, 7; എഫെസ്യർ 6:4.

അങ്ങനെ, സൃഷ്ടി​ക്കു​ന്ന​തിൽ തനിക്കു ലഭിക്കുന്ന സന്തോഷം യഹോവ മററു​ള്ള​വ​രു​മാ​യി പങ്കു​വെ​ക്കു​ന്നു. എന്തൊരു ഔദാ​ര്യ​പൂർവ​മായ ദാനം!