നിങ്ങളു​ടെ വെളിച്ചം പ്രകാ​ശി​ക്കട്ടെ!

ആ വയോ​ധി​കൻ വാഗ്‌ദത്ത മിശി​ഹാ​യെ കാണു​ന്ന​തി​നുള്ള സമയം ഒടുവിൽ വന്നെത്തി! “കർത്താ​വി​ന്റെ [“യഹോ​വ​യു​ടെ,” NW] ക്രിസ്‌തു​വി​നെ കാണും​മു​മ്പെ മരണം കാൺക​യില്ല” എന്നു ദിവ്യ വെളി​പാ​ടി​നാൽ ശിമ്യോന്‌ അറിയാ​മാ​യി​രു​ന്നു. (ലൂക്കൊസ്‌ 2:26) എന്നാൽ ആലയത്തിൽ പ്രവേ​ശിച്ച ശിമ്യോ​ന്റെ കരങ്ങളിൽ മറിയ​യും യോ​സേ​ഫും പൈത​ലായ യേശു​വി​നെ വെച്ചു​കൊ​ടു​ത്ത​പ്പോൾ അത്‌ എത്ര പുളക​പ്ര​ദ​മാ​യി​രു​ന്നു! “ഇപ്പോൾ നാഥാ തിരു​വ​ച​നം​പോ​ലെ നീ അടിയനെ സമാധാ​ന​ത്തോ​ടെ വിട്ടയ​ക്കു​ന്നു. ജാതി​കൾക്കു വെളി​പ്പെ​ടു​വാ​നുള്ള പ്രകാ​ശ​വും നിന്റെ ജനമായ യിസ്രാ​യേ​ലി​ന്റെ മഹത്വ​വു​മാ​യി . . . നിന്റെ രക്ഷയെ എന്റെ കണ്ണു കണ്ടുവ​ല്ലോ” എന്നു പറഞ്ഞു​കൊണ്ട്‌ അവൻ ദൈവത്തെ സ്‌തു​തി​ച്ചു.—ലൂക്കൊസ്‌ 2:27-32; യെശയ്യാ​വു 42:1-6 താരത​മ്യം ചെയ്യുക.

30-ാമത്തെ വയസ്സിലെ തന്റെ സ്‌നാ​പനം മുതൽ മരണ​ത്തോ​ളം യേശു ലോക​ത്തി​ന്റെ “വെളിച്ച”മാണെന്നു തെളിഞ്ഞു. ഏതു വിധങ്ങ​ളിൽ? അവൻ ദൈവ​ത്തി​ന്റെ രാജ്യ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറിച്ചു പ്രസം​ഗി​ച്ചു​കൊണ്ട്‌ ആത്മീയ വെളിച്ചം വിതറി. അവൻ വ്യാജമത പഠിപ്പി​ക്ക​ലു​കളെ തുറന്നു​കാ​ട്ടു​ക​യും അന്ധകാ​ര​ത്തി​ന്റെ പ്രവൃ​ത്തി​കളെ വ്യക്തമാ​യി തിരി​ച്ച​റി​യി​ക്കു​ക​യും ചെയ്‌തു. (മത്തായി 15:3-9; ഗലാത്യർ 5:19-21) അതു​കൊണ്ട്‌, “ഞാൻ ലോക​ത്തി​ന്റെ വെളിച്ചം ആകുന്നു” എന്നു യേശു​വിന്‌ ഉചിത​മാ​യി പറയാൻ കഴിഞ്ഞു.—യോഹ​ന്നാൻ 8:12.

എന്നിരു​ന്നാ​ലും, പൊ.യു. [പൊതു​യു​ഗം] 33-ൽ യേശു മരിച്ചു. വെളിച്ചം അപ്പോൾ അണഞ്ഞു​പോ​യോ? തീർച്ച​യാ​യു​മില്ല! ഭൂമി​യിൽ ജീവ​നോ​ടി​രു​ന്ന​പ്പോൾ, ‘നിങ്ങളു​ടെ വെളിച്ചം മനുഷ്യ​രു​ടെ മുമ്പിൽ പ്രകാ​ശി​ക്കട്ടെ’ എന്നു യേശു തന്റെ ശിഷ്യ​ന്മാ​രോ​ടു പറഞ്ഞു. (മത്തായി 5:16) തദനു​സ​രണം, യേശു​വി​ന്റെ മരണ​ശേഷം അവന്റെ അനുഗാ​മി​കൾ ആ വെളിച്ചം പ്രകാ​ശി​പ്പി​ച്ചു​കൊ​ണ്ടി​രു​ന്നു.

ഇന്നു ക്രിസ്‌ത്യാ​നി​കൾ യേശു​വി​നെ അനുക​രി​ച്ചു​കൊ​ണ്ടു പ്രസം​ഗ​പ്ര​വർത്ത​ന​ത്തിൽ ഏർപ്പെ​ടു​ക​വഴി യഹോ​വ​യു​ടെ വെളിച്ചം പ്രതി​ഫ​ലി​പ്പി​ക്കു​ന്നു. ക്രിസ്‌തീയ ജീവി​ത​ത്തിൽ ജ്വലി​ക്കുന്ന മാതൃ​ക​ക​ളാ​യി അവർ സ്വയം തെളി​യി​ച്ചു​കൊണ്ട്‌ ‘വെളി​ച്ച​ത്തി​ന്റെ മക്കളായി തുടർന്നു നടക്കുന്നു.’—എഫെസ്യർ 5:8, NW.