“നിങ്ങൾക്കു സഹിഷ്‌ണു​ത​യു​ടെ ആവശ്യം ഉണ്ട്‌”

നാം “വാഗ്‌ദ​ത്ത​നി​വൃ​ത്തി” പ്രാപി​ക്ക​ണ​മെ​ങ്കിൽ, നമുക്കു “സഹിഷ്‌ണു​ത​യു​ടെ ആവശ്യം ഉണ്ട്‌.” (എബ്രായർ 10:36, NW) ഈ വാക്യ​ത്തിൽ അപ്പോ​സ്‌ത​ല​നായ പൗലോസ്‌ ഉപയോ​ഗിച്ച “സഹിഷ്‌ണുത” എന്ന ഗ്രീക്ക്‌ പദം “പ്രയാ​സ​മുള്ള പ്രതി​കൂല സാഹച​ര്യ​ങ്ങ​ളിൽ വളരാ​നുള്ള ഒരു ചെടി​യു​ടെ പ്രാപ്‌തി”യെ വർണി​ക്കാൻ ചില​പ്പോൾ ഉതകി​യ​താ​യി ഒരു ബൈബിൾ പണ്ഡിതൻ വിശദീ​ക​രി​ക്കു​ന്നു.

യൂറോ​പ്പി​ലെ പർവത​ങ്ങ​ളിൽ അത്തരം ഒരു ചെടി​തന്നെ വളരു​ന്നുണ്ട്‌. വിചി​ത്ര​മെന്നു പറയട്ടെ, അത്‌ ചിരഞ്‌ജീ​വി (live-forever) എന്നു വിളി​ക്ക​പ്പെ​ടു​ന്നു. ഈ ആൽപ്പൈൻ പ്രദേ​ശത്തെ ചെടി തീർച്ച​യാ​യും എന്നേക്കും ജീവി​ക്കു​ന്നില്ല, എന്നാൽ അത്‌ ഓരോ വേനലി​ലും വിശി​ഷ്ട​മായ പൂക്കൾ ഉത്‌പാ​ദി​പ്പി​ച്ചു​കൊണ്ട്‌ അനേക​വർഷ​ക്കാ​ലം നിലനിൽക്കു​ക​തന്നെ ചെയ്യുന്നു. അതിന്റെ “ഉറപ്പും സ്ഥിരത​യും” നിമി​ത്ത​മാ​ണു ചിരഞ്‌ജീ​വി എന്ന പേർ അതിനു കൊടു​ക്ക​പ്പെ​ട്ട​തെന്നു ദി ന്യൂ എൻ​സൈ​ക്ലോ​പീ​ഡി​യാ ബ്രിട്ടാ​നി​ക്കാ പറയുന്നു. (സെമ്പർവി​വം എന്ന വർഗത്തിൽപ്പെട്ട ഈ ചെടി​യു​ടെ ശാസ്‌ത്രീ​യ​നാ​മ​ത്തി​ന്റെ​യും അർഥം “ചിരഞ്‌ജീ​വി” എന്നാണ്‌.)

ഈ നിലനിൽക്കുന്ന ചെടിയെ ശ്രദ്ധേ​യ​മാ​ക്കു​ന്നത്‌ അത്‌ ഏററം പ്രതി​കൂല സാഹച​ര്യ​ങ്ങ​ളുള്ള സ്ഥലങ്ങളിൽ വളരുന്നു എന്നതാണ്‌. കാററ​ടി​ച്ചു​കൊ​ണ്ടി​രി​ക്കുന്ന ഉയർന്ന പർവത​ചെ​രി​വു​ക​ളിൽ അതു കാണാൻ കഴിയും, അവിടെ താപനില വെറും 24 മണിക്കൂ​റി​നു​ള്ളിൽ 35°C-വരെ കുത്തനേ താണേ​ക്കാം. അതിന്‌ ഒരു പാറപ്പി​ളർപ്പി​ലെ അൽപ്പം മണ്ണിൽ വേരു​പി​ടി​ക്കാൻ കഴിയും. അത്തരം പ്രതി​കൂ​ലാ​വ​സ്ഥ​ക​ളി​ലെ അതിന്റെ സഹിഷ്‌ണു​ത​യു​ടെ രഹസ്യ​ങ്ങ​ളിൽ ചിലത്‌ ഏവയാണ്‌?

ചിരഞ്‌ജീ​വി​ക്കു ജലാം​ശ​മുള്ള ഇലകളാ​ണു​ള്ളത്‌, അവ ശ്രദ്ധാ​പൂർവം വെള്ളം സംഭരി​ച്ചു​വെ​ക്കു​ന്നു. അതു മഴയിൽനി​ന്നോ ഉരുകുന്ന മഞ്ഞിൽനി​ന്നോ ലഭ്യമായ സകല ഈർപ്പ​വും പൂർണ​മാ​യി പ്രയോ​ജ​ന​പ്പെ​ടു​ത്താൻ അതിനെ പ്രാപ്‌ത​മാ​ക്കു​ന്നു. മാത്ര​വു​മല്ല, അത്‌ അവയുടെ പാറത്താ​ങ്ങിൽ ദൃഢമായ പിടി കിട്ടാൻ ശക്തി സംയോ​ജി​പ്പി​ക്കുന്ന കററക​ളാ​യി വളരുന്നു. പാറപ്പി​ളർപ്പു​ക​ളിൽ വേരു​പി​ടി​ക്കു​ന്ന​തി​നാൽ അൽപ്പം മണ്ണേ ഉള്ളു​വെ​ങ്കിൽപ്പോ​ലും അതിനു പ്രകൃ​തി​മൂ​ല​ക​ങ്ങ​ളിൽനി​ന്നു കുറേ സംരക്ഷണം ലഭിക്കു​ന്നു. മററു വാക്കു​ക​ളിൽ പറഞ്ഞാൽ അതു കഠിന സാഹച​ര്യ​ങ്ങളെ പരമാ​വധി പ്രയോ​ജ​ന​പ്പെ​ടു​ത്തി​ക്കൊ​ണ്ടു തഴച്ചു​വ​ള​രു​ന്നു.

ആത്മീയ​മാ​യി പറഞ്ഞാൽ, നാം നമ്മുടെ സഹിഷ്‌ണു​ത​യു​ടെ ഗുണത്തെ പരി​ശോ​ധി​ക്കുന്ന സാഹച​ര്യ​ങ്ങ​ളിൽ വന്നെത്തി​യേ​ക്കാം. പരി​ശോ​ധ​ന​യിൻകീ​ഴിൽ സഹിച്ചു​നിൽക്കാൻ നമ്മെ എന്തു സഹായി​ക്കും? ചിരഞ്‌ജീ​വി​ച്ചെ​ടി​യെ​പ്പോ​ലെ, നമുക്കു ദൈവ​വ​ച​ന​ത്തി​ലെ ജീവദാ​യ​ക​മായ വെള്ളം സംഭരി​ക്കാ​നും പിന്തു​ണ​യ്‌ക്കും സംരക്ഷ​ണ​ത്തി​നു​മാ​യി സത്യ​ക്രി​സ്‌ത്യാ​നി​ക​ളോട്‌ അടുത്തു സഹവസി​ക്കാ​നും കഴിയും. എല്ലാറ​റി​നു​മു​പ​രി​യാ​യി ആ ആൽപ്പൈൻ ചെടി​യെ​പ്പോ​ലെ നാം നമ്മുടെ “പാറ”യായ യഹോ​വ​യോ​ടും അവന്റെ വചന​ത്തോ​ടും അവന്റെ സ്ഥാപന​ത്തോ​ടും വിടാതെ പററി​നിൽക്കണം.—2 ശമൂവേൽ 22:3.

സത്യമാ​യി, ലഭ്യമായ കരുത​ലു​കളെ പ്രയോ​ജ​ന​പ്പെ​ടു​ത്തു​ന്നു​വെ​ങ്കിൽ നമുക്ക്‌ ഒരു കഠിന സാഹച​ര്യ​ത്തിൽ പോലും സഹിച്ചു​നിൽക്കാ​നാ​വും എന്നതിന്റെ ആകർഷ​ക​മായ ഒരു അനുസ്‌മ​ര​ണ​മാ​ണു ചിരഞ്‌ജീ​വി​ച്ചെടി. അങ്ങനെ​യുള്ള സഹിഷ്‌ണുത നാം ‘വാഗ്‌ദ​ത്ത​ങ്ങളെ അവകാ​ശ​മാ​ക്കു’ന്നതി​ലേക്കു നയിക്കു​മെന്നു യഹോവ നമുക്ക്‌ ഉറപ്പു​നൽകു​ന്നു, അതിന്റെ അക്ഷരാർഥം നാം എന്നേക്കും ജീവി​ക്കു​മെ​ന്നാ​യി​രി​ക്കും.—എബ്രായർ 6:12; മത്തായി 25:46.