വാഗ്‌ദത്ത ദേശ​ത്തേ​ക്കുള്ള ഒരു സന്ദർശനം

സുന്ദര​വും ശാന്തവു​മായ ചുറ്റു​പാ​ടു​ക​ളിൽ നിങ്ങൾക്കു​വേണ്ടി—ഒരു സമ്മാനം—ഒരു പുതു​പു​ത്തൻ വീട്‌ വാങ്ങി​യ​താ​യി ഒരു സുഹൃത്തു നിങ്ങ​ളോ​ടു പറഞ്ഞു​വെ​ന്നി​രി​ക്കട്ടെ. ‘അതെങ്ങ​നെ​യി​രി​ക്കും?’ നിങ്ങൾ ആശ്ചര്യ​പ്പെ​ടും. ആ വീടു കാണാ​നും പരി​ശോ​ധ​നാർഥം ഓരോ മുറി​യി​ലും കയറി​യി​റ​ങ്ങാ​നും നിങ്ങൾ ഉത്സുക​നാ​യി​രി​ക്കു​മെ​ന്ന​തിൽ യാതൊ​രു സംശയ​വു​മില്ല. എന്തായാ​ലും, അതു നിങ്ങളു​ടെ പുതിയ വീടാ​ണ​ല്ലൊ!

പൊ.യു.മു. (പൊതു​യു​ഗ​ത്തി​നു മുമ്പ്‌) 1473-ൽ പുരാതന ഇസ്രാ​യേൽ ജനതയ്‌ക്കു യഹോവ ഒരു പുതിയ ഭവനം—വാഗ്‌ദ​ത്ത​ദേശം—അവകാ​ശ​മാ​യി കൊടു​ത്തു.a ശരാശരി, വടക്കു​നി​ന്നു തെക്കോട്ട്‌ 500 കിലോ​മീ​റ്റർ നീളവും 55 കിലോ​മീ​റ്റർ വീതി​യു​മുള്ള ഒരു തുണ്ടു ഭൂമി. ഫെർട്ട​യിൽ ക്രി​സെൻറ്‌ എന്നു വിളി​ക്ക​പ്പെ​ട്ടി​രു​ന്നി​ടത്തു സ്ഥിതി​ചെ​യ്‌തി​രുന്ന വാഗ്‌ദ​ത്ത​ദേശം വസിക്കു​ന്ന​തി​നു രമണീ​യ​മായ, തനതായ അനന്യ സവി​ശേ​ഷ​ത​ക​ളാൽ അനുഗൃ​ഹീ​ത​മായ ഒരു സ്ഥലമാ​യി​രു​ന്നു.

എന്നാൽ മറ്റൊ​രാൾക്ക്‌, പ്രത്യേ​കി​ച്ചും ദീർഘ​കാ​ലം മുമ്പു ജീവി​ച്ചി​രുന്ന ഒരാൾക്കു നൽകിയ ഒരു “വീടി”ന്റെ കാര്യ​ത്തിൽ നിങ്ങൾ തത്‌പ​ര​രാ​യി​രി​ക്കേ​ണ്ടത്‌ എന്തു​കൊ​ണ്ടാണ്‌? എന്തു​കൊ​ണ്ടെ​ന്നാൽ, ചരി​ത്ര​പ്ര​ധാ​ന​മായ ആ ദേശ​ത്തെ​ക്കു​റി​ച്ചുള്ള അറിവി​നു ബൈബിൾ വൃത്താ​ന്ത​ങ്ങ​ളോ​ടുള്ള നിങ്ങളു​ടെ വിലമ​തി​പ്പി​നെ വർധി​പ്പി​ക്കാൻ കഴിയും. “ബൈബിൾ ദേശത്തു ഭൂമി​ശാ​സ്‌ത്ര​വും ചരി​ത്ര​വും ഇഴപി​രി​യാ ചരടു​ക​ളെ​ന്ന​പോ​ലെ ആഴത്തിൽ ബന്ധപ്പെ​ട്ടി​രി​ക്കു​ന്ന​തി​നാൽ ഒന്നിനെ മറ്റൊ​ന്നി​ന്റെ സഹായം​കൂ​ടാ​തെ വാസ്‌ത​വ​ത്തിൽ മനസ്സി​ലാ​ക്കാൻ സാധ്യമല്ല” എന്നു പരേത​നായ പ്രൊ​ഫസർ യോഹാ​നാൻ അഹരോ​നി എഴുതി. മാത്രമല്ല, വാഗ്‌ദ​ത്ത​ദേശം അതിന്റെ ഔന്നത്യ​ത്തിൽ ദൈവ​രാ​ജ്യ​ത്തിൻ കീഴി​ലുള്ള പറുദീസ മനുഷ്യ​വർഗ​ത്തിന്‌ ഭൂവ്യാ​പ​ക​മാ​യി എന്ത്‌ അർഥം കുറി​ക്കു​മെ​ന്ന​തി​ന്റെ ചെറി​യ​തോ​തി​ലുള്ള ഒരു ദൃഷ്ടാ​ന്ത​മാ​യും ഉതകി!—യെശയ്യാ​വു 11:9.

തന്റെ ഭൗമിക ശുശ്രൂ​ഷ​ക്കാ​ലത്ത്‌ യേശു​ക്രി​സ്‌തു പ്രാ​യോ​ഗിക പാഠങ്ങൾ പഠിപ്പി​ക്കു​ന്ന​തി​നു വാഗ്‌ദ​ത്ത​ദേ​ശ​ത്തുള്ള സാധാരണ ദൃശ്യങ്ങൾ ഉപയോ​ഗ​പ്പെ​ടു​ത്തി. (മത്തായി 13:24-32; 25:31-46; ലൂക്കൊസ്‌ 13:6-9) പുരാതന പാലസ്‌തീ​ന്റെ ചില സവി​ശേ​ഷ​ത​ക​ളെ​ക്കു​റി​ച്ചുള്ള പരിചി​ന്ത​ന​ത്തിൽനി​ന്നു പ്രാ​യോ​ഗി​ക​മായ വിധത്തിൽ നമുക്കും വളരെ​യേറെ കാര്യങ്ങൾ പഠിക്കാൻ കഴിയും. അതു​കൊണ്ട്‌ ആലങ്കാ​രി​ക​മാ​യി പറഞ്ഞാൽ, നമുക്ക്‌ അതിന്റെ ചില മുറി​ക​ളി​ലൂ​ടെ നടന്ന്‌ അനേക നൂറ്റാ​ണ്ടു​ക​ളോ​ളം ദൈവ​ജ​ന​ത്തി​നു ഭവനമാ​യി ഉതകിയ ആ ദേശത്തി​ന്റെ തനതായ സവി​ശേ​ഷ​ത​ക​ളിൽ ചിലതു പരി​ശോ​ധി​ക്കാം. നാം കാണാൻ പോകു​ന്ന​തു​പോ​ലെ, വാഗ്‌ദ​ത്ത​ദേ​ശ​ത്തു​നി​ന്നു നമുക്കു പഠിക്കാ​വുന്ന ഒട്ടേറെ കാര്യ​ങ്ങ​ളുണ്ട്‌.

[അടിക്കു​റിപ്പ്‌]

[2-ാം പേജിലെ ചിത്ര​ത്തിന്‌ കടപ്പാട്‌]

Cover: Pictorial Archive (Near Eastern History) Est.

[3-ാം പേജിലെ ചിത്ര​ത്തിന്‌ കടപ്പാട്‌]

Garo Nalbandian