“നാമെ​ല്ലാം ഒരേ കുടും​ബ​ത്തിൽ പെട്ടവ​രാണ്‌”

സമീപ വർഷങ്ങ​ളിൽ മത മുൻവി​ധി​യും വർഗീ​യ​വാ​ദ​വും ഭൂവ്യാ​പ​ക​മാ​യി പടർന്നി​ട്ടുണ്ട്‌. വംശീയ ഭിന്നതകൾ കൊല​കൾക്കും പീഡന​ങ്ങൾക്കും ലജ്ജാക​ര​മായ മറ്റു നിഷ്‌ഠു​ര​ത​കൾക്കും തിരി​കൊ​ളു​ത്തി​യി​ട്ടുണ്ട്‌. അമ്‌നെസ്റ്റി ഇന്റർനാ​ഷ​ണ​ലി​ന്റെ ഒരു റിപ്പോർട്ടു​പ്ര​കാ​രം, മനുഷ്യാ​വ​കാശ ലംഘനങ്ങൾ 1994-ൽ ലോക​വ്യാ​പ​ക​മാ​യി 2.3 കോടി​യി​ല​ധി​കം ആളുകളെ സ്വന്തം വീടു​വിട്ട്‌ ഓടാൻ നിർബ​ന്ധി​ത​രാ​ക്കി.

റുവാ​ണ്ട​യിൽ മാത്രം, ടൂട്‌സി​കൾക്കും ഹൂട്ടു​കൾക്കു​മി​ട​യിൽ അക്രമം പൊട്ടി​പ്പു​റ​പ്പെ​ട്ട​പ്പോൾ ഏതാണ്ട്‌ 5,00,000 പേർ കശാപ്പു ചെയ്യ​പ്പെ​ടു​ക​യും 20,00,000-ത്തിലധി​കം പേർ അഭയാർഥി​ക​ളാ​യി​ത്തീ​രു​ക​യും ചെയ്‌തു. “ആയുധ​ങ്ങ​ളേ​ന്താൻ വിസമ്മ​തി​ച്ചതു നിമിത്തം യഹോ​വ​യു​ടെ സാക്ഷികൾ വിശേ​ഷി​ച്ചും പീഡി​പ്പി​ക്ക​പ്പെട്ടു” എന്നു ബെൽജി​യൻ ദിനപ്പ​ത്ര​മായ ല സ്വാർ റിപ്പോർട്ടു ചെയ്‌തു. യഹോ​വ​യു​ടെ സാക്ഷികൾ സായുധ കലഹങ്ങ​ളിൽ പങ്കെടു​ക്കു​ന്നില്ല. എങ്കിലും, അവരിൽ നൂറു​ക​ണ​ക്കി​നു​പേർ അക്രമ​ത്തിൽ കൊല്ല​പ്പെട്ടു. അതു ശിഷ്യ​ന്മാ​രോ​ടുള്ള യേശു​വി​ന്റെ പിൻവ​രുന്ന വാക്കുകൾ നമ്മെ ഓർമി​പ്പി​ക്കു​ന്നു: “നിങ്ങൾ ലോക​ത്തി​ന്റേ​ത​ല്ലാ​ത്ത​തു​കൊണ്ട്‌ . . . ലോകം നിങ്ങളെ ദ്വേഷി​ക്കു​ന്നു.”—യോഹ​ന്നാൻ 15:19, പി.ഒ.സി. ബൈ.

ഒരു സാക്ഷി​ക്കു​ടും​ബം—യോഷൻ ത്‌നാ​ബാ​നാ​യും ഭാര്യ​യും രണ്ടു മക്കളും—തലസ്ഥാന നഗരമായ കിഗാ​ളി​യി​ലാ​ണു താമസി​ച്ചി​രു​ന്നത്‌. ക്രിസ്‌തീയ നിഷ്‌പ​ക്ഷ​ത​യെ​ക്കു​റി​ച്ചു തന്റെ അയൽക്കാ​രോ​ടു വിശദീ​ക​രി​ക്കു​മ്പോൾ ഉഷ്‌ണ കാലാ​വ​സ്ഥ​യിൽ തഴച്ചു വളർന്നു പടർന്നു​പ​ന്ത​ലി​ക്കുന്ന ബൊ​ഗേൻവി​ല്ല​യെ​ക്കു​റി​ച്ചു യോഷൻ മിക്ക​പ്പോ​ഴും പറയു​മാ​യി​രു​ന്നു.—മത്തായി 22:21.

“ഇവിടെ, കിഗാ​ളി​യിൽ ബൊ​ഗേൻവി​ല്ല​യിൽ ചെമപ്പ്‌, പിങ്ക്‌ നിറങ്ങ​ളി​ലും ചില​പ്പോ​ഴൊ​ക്കെ വെള്ള നിറത്തി​ലും പൂക്കൾ ഉണ്ടാകു​ന്നു. എങ്കിലും അവയെ​ല്ലാം ഒരേ വർഗത്തിൽ പെട്ടതാണ്‌. മനുഷ്യ​രു​ടെ കാര്യ​വും അതുത​ന്നെ​യാണ്‌. വ്യത്യസ്‌ത വർഗങ്ങ​ളി​ലോ നിറങ്ങ​ളി​ലോ വംശീയ പശ്ചാത്ത​ല​ത്തി​ലോ ഉള്ളവരാ​ണെ​ങ്കി​ലും നാമെ​ല്ലാം ഒരേ കുടും​ബ​ത്തിൽപ്പെ​ട്ട​വ​രാണ്‌—മനുഷ്യ​വർഗ​മെന്ന കുടും​ബ​ത്തിൽ” എന്നു യോഷൻ വിശദീ​ക​രി​ക്കു​മാ​യി​രു​ന്നു.

ശാന്ത​പ്ര​കൃ​ത​വും നിഷ്‌പക്ഷ നിലപാ​ടും ഉള്ളവരാ​യി​രു​ന്നി​ട്ടും ത്‌നാ​ബാ​നാ കുടും​ബത്തെ രക്തദാ​ഹി​യായ ഒരു ജനക്കൂട്ടം കൊല​ചെ​യ്‌തു എന്നതു ദുഃഖ​ക​ര​മാണ്‌. എങ്കിലും, അവർ വിശ്വ​സ്‌ത​രാ​യി മരിച്ചു. മേലാൽ മുൻവി​ധി ഉണ്ടായി​രി​ക്കു​ക​യി​ല്ലാത്ത ഒരു ലോകം അവകാ​ശ​പ്പെ​ടു​ത്തു​ന്ന​തിന്‌ ഉയിർപ്പി​ക്കു​മെന്ന അത്തരക്കാ​രോ​ടുള്ള തന്റെ വാഗ്‌ദത്തം യഹോ​വ​യാം ദൈവം നിവർത്തി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാം. (പ്രവൃ​ത്തി​കൾ 24:15) അന്നു മറ്റുള്ള​വ​രോ​ടൊ​പ്പം ത്‌നാ​ബാ​നാ കുടും​ബം “സമാധാ​ന​സ​മൃ​ദ്ധി​യിൽ . . . ആനന്ദി​ക്കും.”—സങ്കീർത്തനം 37:11.