ശാന്തഹൃ​ദ​യ​ത്തി​ന്റെ പ്രയോ​ജ​ന​ങ്ങൾ

അനിയ​ന്ത്രിത കോപം മനുഷ്യ​ശ​രീ​ര​ത്തിന്‌ അപകട​മാ​ണെന്ന്‌ ആധുനിക വൈദ്യ​ശാ​സ്‌ത്ര​ത്തി​നു ദീർഘ​നാ​ളാ​യി അറിയാം. നൂറി​ല​ധി​കം വർഷം​മുമ്പ്‌, ദ ജേണൽ ഓഫ്‌ ദി അമേരി​ക്കൻ മെഡിക്കൽ അസോ​സി​യേഷൻ (ജാമ) പ്രസ്‌താ​വി​ച്ചു: “ഒരു കോപാ​വേശ പ്രകട​ന​ത്തി​ന്റെ ഫലമായി ഒരുവൻ മരിച്ചു​വീ​ഴാം. ദുർബല ഹൃദയ​മാ​യി​രി​ക്കാം കാരണം. മാനസി​കാ​വസ്ഥ അടി​ച്ചേൽപ്പി​ക്കുന്ന സമ്മർദം ഒരുപക്ഷേ അതിനു താങ്ങാ​നാ​യി​ല്ലാ​യി​രി​ക്കാം. അത്തരം കോപാ​വേ​ശ​പ്ര​ക​ട​ന​ങ്ങ​ളു​ടെ നീണ്ട പരമ്പര​യു​ടെ പാരമ്യ​മാണ്‌ ആ മരണം എന്നും അവത​ന്നെ​യാ​ണു ഹൃദയത്തെ ദുർബ​ല​മാ​ക്കി​യത്‌ എന്നും ആരും ചിന്തി​ക്കു​ന്നി​ല്ലെന്നു തോന്നു​ന്നു.”

മേൽപ്പറഞ്ഞ വാക്കുകൾ ദൈവ​വ​ച​ന​മായ ബൈബി​ളി​ന്റെ പഠിതാ​ക്കളെ അതിശ​യി​പ്പി​ക്കു​ന്നില്ല. കോപാ​വേ​ശ​ത്തി​ന്റെ അപകട​ങ്ങ​ളെ​ക്കു​റി​ച്ചു ജാമ പ്രസ്‌താ​വി​ച്ച​തിന്‌ ഏതാണ്ട്‌ 29 നൂറ്റാ​ണ്ടു​കൾക്കു​മുമ്പ്‌, ശലോ​മോൻ രാജാവ്‌ നിശ്വ​സ്‌ത​ത​യിൽ ഇങ്ങനെ എഴുതി: “ശാന്തമ​നസ്സു ദേഹത്തി​ന്നു ജീവൻ.” (സദൃശ​വാ​ക്യ​ങ്ങൾ 14:30) ഈ വാക്കുകൾ ഇന്നും സത്യമാണ്‌.

ശാന്തമായ മാനസി​കാ​വസ്ഥ നിലനിർത്തി​ക്കൊണ്ട്‌, ഉയർന്ന രക്തസമ്മർദം, തലവേദന, ശ്വസന​സം​ബ​ന്ധ​മായ ക്രമ​ക്കേ​ടു​കൾ എന്നിങ്ങ​നെ​യുള്ള മിക്കവാ​റും സമ്മർദ​വു​മാ​യി ബന്ധപ്പെട്ട അനേകം രോഗ​ങ്ങ​ളിൽനി​ന്നു നാം ഒഴിവാ​കു​ന്നു. കൂടാതെ, നാം “കോപം കളഞ്ഞു ക്രോധം ഉപേക്ഷി”ക്കാൻ യത്‌നി​ക്കു​ന്നെ​ങ്കിൽ മെച്ചപ്പെട്ട ആരോ​ഗ്യം മാത്രമല്ല, മറ്റുള്ള​വ​രു​മാ​യുള്ള നമ്മുടെ ബന്ധങ്ങളും പുഷ്ടി​പ്പെ​ടും. (സങ്കീർത്തനം 37:8) യേശു​വി​ന്റെ സൗമ്യ​പ്ര​കൃ​ത​വും ആളുക​ളോ​ടുള്ള ഹൃദയം​ഗ​മ​മായ താത്‌പ​ര്യ​വും നിമിത്തം അവർ അവനി​ലേക്ക്‌ സ്വാഭാ​വി​ക​മാ​യും ആകർഷി​ക്ക​പ്പെട്ടു. (മർക്കൊസ്‌ 6:31-34) അതു​പോ​ലെ, നാം ശാന്തമായ ഒരു ഹൃദയം നട്ടുവ​ളർത്തു​ന്നെ​ങ്കിൽ, മറ്റുള്ള​വർക്കു നാം നവോ​ന്മേ​ഷ​ത്തി​ന്റേ​തായ ഒരു ഉറവാ​യി​രി​ക്കും.—മത്തായി 11:28-30.