ആരുടെ നിയ​ന്ത്ര​ണ​ത്തിൽ?

“ലോകത്തെ ഭരിക്കു​ന്ന​താ​രാണ്‌?” നിങ്ങ​ളോ​ടാ​രെ​ങ്കി​ലും ആ ചോദ്യം ചോദി​ച്ചാൽ നിങ്ങ​ളെ​ങ്ങനെ മറുപടി പറയും? മതവി​ശ്വാ​സ​മുള്ള മിക്ക ആളുക​ളും “ദൈവം” എന്നോ “യേശു” എന്നോ ആയിരി​ക്കും പറയുക. ബഹാമാ​സി​ലെ ഒരു വർത്തമാ​ന​പ​ത്ര​മായ ദ ഫ്രീ​പോർട്ട്‌ ന്യൂസിൽ പ്രത്യ​ക്ഷ​പ്പെട്ട ഒരു ലേഖനം അധിക​മാ​രും പ്രതീ​ക്ഷി​ക്കാത്ത ഒരു ഉത്തരമാ​ണു നൽകി​യത്‌.

“ഞാൻ വീട്ടു​വാ​തിൽക്കൽ ഒരു ലഘുലേഖ കിടക്കു​ന്നതു കണ്ടു,” ലേഖന​ത്തി​ന്റെ എഴുത്തു​കാ​രി അങ്ങനെ​യാണ്‌ ആരംഭി​ച്ചത്‌. “സാധാ​ര​ണ​ഗ​തി​യിൽ ഞാൻ അത്തരത്തി​ലുള്ള ഒന്ന്‌ അവഗണി​ക്കാ​റാ​ണു പതിവ്‌. പക്ഷേ, ഇപ്രാ​വ​ശ്യം അതു വായി​ക്കാൻ തീരു​മാ​നി​ച്ചു. തലക്കെട്ട്‌ ‘ആർ യഥാർഥ​ത്തിൽ ഈ ലോകത്തെ ഭരിക്കു​ന്നു?’ എന്ന ഒരു ചോദ്യ​മു​ന്ന​യി​ച്ചു.” ആ ബൈബി​ള​ധി​ഷ്‌ഠിത ലഘുലേഖ വായി​ച്ച​തി​ലൂ​ടെ, ദൈവ​മോ യേശു​വോ അല്ല, പകരം പിശാ​ചായ സാത്താ​നാണ്‌ ഈ ലോക​ത്തി​ന്റെ ഭരണാ​ധി​പൻ എന്ന്‌ ആ സ്‌ത്രീ മനസ്സി​ലാ​ക്കി.—യോഹ​ന്നാൻ 12:31; 14:30; 16:11; 1 യോഹ​ന്നാൻ 5:19.

“ഭീകര​വും നിഷ്‌ഠു​ര​വു​മായ ക്രൂര​ത​യു​ടെ ആധിക്യ​ത്തെ​ക്കു​റി​ച്ചു പരിചി​ന്തി​ക്കുക,” ലഘുലേഖ വിശദീ​ക​രി​ക്കു​ന്നു. “വിഷവാ​തക അറകൾ, തടങ്കൽ പാളയങ്ങൾ, അഗ്നിനി​ക്ഷേ​പ​ണാ​യു​ധങ്ങൾ, നാപാം ബോം​ബു​കൾ എന്നിവ​യും മറ്റു ചില അതിദു​ഷ്ട​മായ രീതി​ക​ളും ദയയി​ല്ലാ​തെ പരസ്‌പരം പീഡി​പ്പി​ക്കു​ന്ന​തി​നും കൊ​ന്നൊ​ടു​ക്കു​ന്ന​തി​നും വേണ്ടി മനുഷ്യർ ഉപയോ​ഗി​ച്ചി​രി​ക്കു​ന്നു. . . . ഇപ്രകാ​രം വെറു​ക്കത്തക്ക കൃത്യ​ങ്ങ​ളി​ലേക്കു മനുഷ്യ​രെ തിരി​ച്ചു​വി​ടു​ക​യും തങ്ങൾ ഘോര​കർമ​ങ്ങ​ളി​ലേർപ്പെ​ടാൻ നിർബ​ന്ധി​ത​രാ​ണെന്നു തോന്നാൻ ഇടയാ​ക്കുന്ന സാഹച​ര്യ​ങ്ങ​ളിൽ അവരെ കൗശല​പൂർവം ആക്കിത്തീർക്കു​ക​യും ചെയ്യു​ന്നത്‌ ഏതു ശക്തിക​ളാണ്‌? ഇപ്രകാ​ര​മുള്ള അക്രമ പ്രവൃ​ത്തി​കൾ ചെയ്യു​ന്ന​തി​നു മനുഷ്യ​രെ ഏതോ അദൃശ്യ, ദുഷ്ട ശക്തി സ്വാധീ​നി​ക്കു​ന്നു​ണ്ടെന്നു നിങ്ങൾ എന്നെങ്കി​ലും ചിന്തി​ച്ചി​ട്ടു​ണ്ടോ?” ബൈബിൾ സാത്താനെ “ഈ ലോക​ത്തി​ന്റെ ദൈവം” എന്നു വിളി​ക്കു​ന്നു​വെ​ന്നത്‌ അത്ഭുത​ക​ര​മാ​ണോ?—2 കൊരി​ന്ത്യർ 4:4.

സന്തോ​ഷ​ക​ര​മെ​ന്നു പറയട്ടെ, സാത്താ​നെ​യും അവന്റെ ഭൂതങ്ങ​ളെ​യും ഇല്ലായ്‌മ ചെയ്യു​ന്ന​തി​നുള്ള സമയം അടുത്തി​രി​ക്കു​ന്നു. “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.” (1 യോഹ​ന്നാൻ 2:17) അതേ, ദൈവ​ത്തി​ന്റെ ഇഷ്ടം ചെയ്യു​ന്ന​വർക്കു നീതി​നി​ഷ്‌ഠ​മായ ഒരു പുതിയ ലോക​ത്തിൽ എന്നേക്കും ജീവി​ക്കാ​നുള്ള പ്രത്യാ​ശ​യു​ണ്ടെന്നു ബൈബിൾ വാഗ്‌ദത്തം ചെയ്യുന്നു. (സങ്കീർത്തനം 37:9-11; 2 പത്രൊസ്‌ 3:13; വെളി​പ്പാ​ടു 21:3, 4) സാത്താ​ന്റെ​യും അവന്റെ ഭൂതങ്ങ​ളു​ടെ​യും ദുഷ്ട സ്വാധീ​ന​ത്തിന്‌ അറുതി​യു​ണ്ടാ​കു​മ്പോൾ എത്ര ആശ്വാ​സ​മാ​യി​രി​ക്കും!

ഈ ചെറിയ ലഘു​ലേ​ഖ​യു​ടെ ഉള്ളടക്ക​ത്തി​ന്റെ ചുരുക്കം കൊടു​ത്തിട്ട്‌, ദ ഫ്രീ​പോർട്ട്‌ ന്യൂസി​ലെ ലേഖന​ത്തി​ന്റെ എഴുത്തു​കാ​രി ഇങ്ങനെ അവസാ​നി​പ്പി​ച്ചു: “ആ ലഘുലേഖ വായി​ച്ച​തിൽ എനിക്കു വളരെ​യേറെ സന്തോ​ഷ​മുണ്ട്‌ . . .  കാരണം, ലോക​ത്തി​ന്റെ അവസ്ഥയും അത്‌ ആരുടെ നിയ​ന്ത്ര​ണ​ത്തി​ലാ​ണെ​ന്ന​തും സംബന്ധി​ച്ചു ഞാനും ഉത്‌ക​ണ്‌ഠാ​കു​ല​യാ​യി​രു​ന്നു.”