403 വർഷ​മെ​ത്തിയ ഒരു വിവാഹം കുഴപ്പ​ത്തിൽ

സ്വീഡ​നിൽ 400-ലേറെ വർഷമാ​യി സഭയും രാഷ്‌ട്ര​വും തമ്മിൽ ഒരടുത്ത ബന്ധം ആസ്വദി​ച്ചി​ട്ടുണ്ട്‌. ഇപ്പോൾ മതവും ഗവൺമെൻറും തമ്മിലുള്ള വിവാഹം ക്ഷയിച്ചു​വ​രു​ന്നു.

1593-ൽ ലൂഥറൻ സഭ രാഷ്‌ട്ര​മ​ത​മാ​യി സുസ്ഥാ​പി​ത​മാ​യി. സ്വീഡൻകാ​രെ​ല്ലാം സ്‌നാ​പ​ന​മേറ്റ അംഗങ്ങ​ളാ​ക​ണ​മാ​യി​രു​ന്നു. വർഷങ്ങൾക്കു​ശേഷം 1850-കളിൽ ഒരു ക്രമീ​ക​രണം നടന്നു. സ്വീഡൻകാർക്കു മേലാൽ സ്‌നാ​പ​ന​മേൽക്കേ​ണ്ട​തി​ല്ലാ​യി​രു​ന്നു; എങ്കിലും അവർ ലൂഥറൻ സഭയിലെ അംഗങ്ങ​ളാ​യി കണക്കാ​ക്ക​പ്പെട്ടു. അതിനാൽ നികു​തി​യ​ട​യ്‌ക്കുന്ന വരുമാ​ന​ത്തി​ന്റെ ഒരു ശതമാനം സഭയെ പിന്തു​ണ​യ്‌ക്കു​ന്ന​തി​നും സഭ ചെയ്യുന്ന ചില പൊതു​സേവന ഫണ്ടി​ലേ​ക്കും അടയ്‌ക്കാൻ അവരോട്‌ ആവശ്യ​പ്പെട്ടു. അടുത്ത കാലത്ത്‌ മറ്റൊരു മാറ്റം സംഭവി​ച്ചു. 1952 മുതൽ, സ്വീഡൻകാർക്ക്‌ സഭയിൽനി​ന്നു നിയമ​പ​ര​മാ​യി പിൻമാ​റാൻ സാധി​ക്കു​മാ​യി​രു​ന്നു. അങ്ങനെ അവർക്കു സഭാ നികു​തി​യു​ടെ നല്ലൊരു പങ്ക്‌ അടയ്‌ക്കു​ന്ന​തിൽനിന്ന്‌ ഒഴിവു​ള്ള​വ​രാ​യി​രി​ക്കാ​മാ​യി​രു​ന്നു.

സമീപ​കാ​ലത്ത്‌ ലൂഥറൻ സഭയ്‌ക്ക്‌ സ്വീഡന്റെ മേലുള്ള നിയ​ന്ത്രണം തുടർന്നും നഷ്ടപ്പെ​ട്ടി​രി​ക്കു​ന്നു. ഇത്‌ അനിവാ​ര്യ​മാ​യി​രു​ന്നു. കാരണം സ്വീഡ​നി​ലെ നിവാ​സി​ക​ളിൽ 10 ശതമാനം ലൂഥറൻ സഭയിൽപ്പെ​ടാത്ത കുടി​യേ​റ്റ​ക്കാ​രാ​യി​രു​ന്നു. യഹൂദ​ന്മാ​രും കത്തോ​ലി​ക്ക​രും മുസ്ലീ​ങ്ങ​ളും ഇതിൽ ഉൾപ്പെ​ടും. അങ്ങനെ 1996-ന്റെ തുടക്ക​ത്തിൽ സ്വീഡൻകാ​രിൽ 86 ശതമാനം മാത്രമേ ലൂഥറൻ സഭയിൽപ്പെ​ട്ട​വ​രാ​യി ഉണ്ടായി​രു​ന്നു​ള്ളൂ. മാത്രമല്ല എണ്ണം കുറഞ്ഞു​വ​രു​ക​യും ചെയ്യുന്നു.

വളർന്നു​വ​രു​ന്ന ഉദാസീ​നത സഭയ്‌ക്കും രാഷ്‌ട്ര​ത്തി​നു​മി​ട​യിൽ ഒരു വിടവ്‌ സൃഷ്ടി​ക്കു​ന്നു. രാജാവ്‌ ലൂഥറൻ മതത്തിൽപ്പെ​ട്ട​വ​നാ​യി​രി​ക്കേ​ണ്ട​തി​ല്ലെ​ന്നും ലൂഥറൻ സഭയിൽപ്പെട്ട ഒരു മാതാ​വി​നോ പിതാ​വി​നോ ജനിക്കുന്ന കുട്ടികൾ സ്വാഭാ​വി​ക​മാ​യി ലൂഥറൻ രാഷ്‌ട്ര സഭയിലെ അംഗങ്ങ​ളാ​യി കണക്കാ​ക്ക​പ്പെ​ടു​ന്നി​ല്ലെ​ന്നും ഇതി​നോ​ടകം പ്രഖ്യാ​പി​ച്ചു കഴിഞ്ഞു. അതിലു​പരി, ദ ഡള്ളാസ്‌ മോർണിങ്‌ ന്യൂസ്‌ പറയു​ന്ന​ത​നു​സ​രിച്ച്‌ 2,000-ാമാ​ണ്ടോ​ടെ “സ്ഥലത്തെ ഇടവക​ക​ളും രാഷ്‌ട്ര​ങ്ങ​ളും സഭയുടെ കൈവ​ശ​മുള്ള വിപു​ല​മായ വസ്‌തു​വ​ക​ക​ളു​ടെ വില നിർണ​യിച്ച്‌ വിഭാ​ഗി​ക്കണം. സഭ അതിന്റെ 168 കോടി വരുന്ന വാർഷിക ബജറ്റ്‌ വെട്ടി​ച്ചു​രു​ക്കണം. ഇതില​ധി​ക​വും നികു​തി​ക​ളി​ലൂ​ടെ​യാണ്‌ ശേഖരി​ക്കു​ന്നത്‌.” ഈ നൂറ്റാ​ണ്ടി​നു​ശേഷം സഭ സ്വന്തമാ​യി ബിഷപ്പു​മാ​രെ നിയമി​ക്കും.

ഉദാസീ​ന​ത​യും ക്ഷയിച്ചു​വ​രുന്ന അംഗസം​ഖ്യ​യും ക്രൈ​സ്‌ത​വ​ലോ​കത്തെ ഗ്രസി​ക്കു​മ്പോൾ സ്വീഡ​നിൽ യഹോ​വ​യു​ടെ സാക്ഷികൾ തഴച്ചു​വ​ള​രു​ന്നു. ആ ദേശത്ത്‌ ദൈവ​രാ​ജ്യ​ത്തി​ന്റെ 24,487 പ്രസാ​ധ​ക​രു​ണ്ടെ​ന്നും 10 ശതമാ​ന​ത്തോ​ളം മുഴു​സമയ പയനിയർ ശുശ്രൂ​ഷ​ക​രാ​ണെ​ന്നും യഹോ​വ​യു​ടെ സാക്ഷി​ക​ളു​ടെ 1997-ലെ വാർഷിക പുസ്‌തകം റിപ്പോർട്ടു ചെയ്യുന്നു. ഇവരിൽ പലരും വലിയ വലിയ സേവന​പ​ദ​വി​കൾ എത്തിപ്പി​ടി​ക്കു​ന്നു. ഉദാഹ​ര​ണ​ത്തിന്‌, 1995-ലെ യഹോ​വ​യു​ടെ സാക്ഷി​ക​ളു​ടെ ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ 20 വിവാ​ഹിത ദമ്പതികൾ വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളിൽ മിഷി​നറി പരിശീ​ല​ന​ത്തി​നാ​യി അപേക്ഷകൾ സമർപ്പി​ച്ചു. ആ സമയത്ത്‌ മുൻ ഗിലെ​യാദ്‌ ക്ലാസ്സു​ക​ളിൽനി​ന്നു ബിരു​ദ​മെ​ടുത്ത, ലോക​ത്തി​ന്റെ വിവിധ ഭാഗങ്ങ​ളിൽ മിഷി​ന​റി​മാ​രാ​യി സേവി​ക്കുന്ന 75 സ്വീഡൻകാർ ഉണ്ടായി​രു​ന്നു. സംശയ​ലേ​ശ​മെ​ന്യേ അവരുടെ നല്ല മാതൃ​ക​യും പ്രോ​ത്സാ​ഹ​ന​മേ​കുന്ന കത്തുക​ളും സന്ദർശ​ന​ങ്ങ​ളും, ഇപ്പോൾ ഈ വലിയ പദവി എത്തിപ്പി​ടി​ക്കാൻ ശ്രമി​ക്കു​ന്ന​വരെ ഉത്തേജി​പ്പി​ച്ചി​ട്ടുണ്ട്‌.

അങ്ങനെ, ക്രൈ​സ്‌ത​വ​ലോ​ക​ത്തി​ലെ ലക്ഷക്കണ​ക്കി​നാ​ളു​കൾ മനോ​വീ​ര്യ​ത്ത​കർച്ച​മൂ​ലം ക്ലേശി​ക്കു​മ്പോൾ യഹോ​വ​യു​ടെ സാക്ഷികൾ “ഹൃദയാ​ന​ന്ദം​കൊ​ണ്ടു ഘോഷി​ക്കു”ന്നു.—യെശയ്യാ​വു 65:13, 14.

[30-ാം പേജിലെ ഭൂപടം]

സ്വീഡൻ