കണെറ്റി​ക്കട്ട്‌ സുപ്രീം കോടതി രോഗി​യു​ടെ അവകാ​ശങ്ങൾ മാനി​ക്കു​ന്നു

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റാറ്‌ ഏപ്രിൽ 16-ന്‌, യു.എസ്‌.എ.-യിലെ കണെറ്റി​ക്കട്ട്‌ സുപ്രീം കോടതി രക്തപ്പകർച്ച നിരസി​ക്കു​ന്ന​തി​നുള്ള യഹോ​വ​യു​ടെ സാക്ഷി​ക​ളു​ടെ അവകാ​ശത്തെ ഉയർത്തി​പ്പി​ടി​ച്ചു. മുമ്പു വിചാരണ കോടതി പുറ​പ്പെ​ടു​വിച്ച തീർപ്പി​നെ അസാധു​വാ​ക്കു​ന്ന​താ​യി​രു​ന്നു ആ തീരു​മാ​നം.

1994 ആഗസ്റ്റി​ലാ​യി​രു​ന്നു സംഭവം. യഹോ​വ​യു​ടെ സാക്ഷി​ക​ളി​ലൊ​രാ​ളായ നെലി വേഗയ്‌ക്കു കടിഞ്ഞൂൽ പ്രസവ​ത്തെ​ത്തു​ടർന്നു വളരെ​യ​ധി​കം രക്തവാർച്ച​യു​ണ്ടാ​യി. രക്തസ്രാ​വം നിർത്താൻ നടത്തിയ ശ്രമങ്ങ​ളെ​ല്ലാം നിഷ്‌ഫ​ല​മാ​യി. ശ്രീമതി വേഗയു​ടെ നില വഷളാ​കാൻ തുടങ്ങി. അതോടെ ആശുപ​ത്രി അധികൃ​തർ രക്തപ്പകർച്ച​യ്‌ക്ക്‌ അനുമതി നൽകുന്ന ഒരു കോട​തി​വി​ധി നേടാൻ ഇറങ്ങി​ത്തി​രി​ച്ചു. താൻ ആശുപ​ത്രി​യി​ലാ​യി​രി​ക്കു​മ്പോൾ രക്തമോ രക്തഘട​ക​ങ്ങ​ളോ തനിക്കു നൽകരു​തെന്നു നിർദേ​ശി​ക്കുന്ന വൈദ്യ വിമു​ക്ത​മാ​ക്കൽ കാർഡ്‌ ശ്രീമതി വേഗ മുന്നമേ ഒപ്പിട്ടു കൊടു​ത്തി​രു​ന്ന​താണ്‌. ആ കാർഡ​നു​സ​രിച്ച്‌, അവരുടെ തീരു​മാ​നം ഹേതു​വാ​യി ഉണ്ടാ​യേ​ക്കാ​വുന്ന ഏതു ഭവിഷ്യ​ത്തു​ക​ളിൽനി​ന്നും ആശുപ​ത്രി​യെ ഒഴിവാ​ക്കി​യി​രു​ന്നു. എന്നുവ​രി​കി​ലും, നിർബ​ന്ധ​പൂർവം രക്തപ്പകർച്ച നടത്തു​ന്നതു നവജാത ശിശു​വി​ന്റെ ക്ഷേമത്തെ മുൻനിർത്തി​യാ​ണെന്ന്‌, കുട്ടിക്ക്‌ അമ്മയുടെ ആവശ്യ​മു​ള്ള​തു​കൊ​ണ്ടാ​ണെന്ന്‌ ആശുപ​ത്രി അധികൃ​തർ വാദിച്ചു. വിചാരണ കോട​തി​യും ഉത്‌കണ്‌ഠ പ്രകട​മാ​ക്കി. രക്തവാർച്ച ഉണ്ടായ​തൊ​ഴി​ച്ചാൽ, ശ്രീമതി വേഗ ആരോ​ഗ്യ​മുള്ള യുവതി​യാ​യി​രു​ന്നു. അങ്ങനെ, ശ്രീമതി വേഗയു​ടെ ഭർത്താ​വി​ന്റെ​യും അഭിഭാ​ഷ​ക​ന്റെ​യും എതിർപ്പു​കൾ തൃണവ​ത്‌ഗ​ണി​ച്ചു​കൊ​ണ്ടുള്ള കോട​തി​യു​ടെ അനുമ​തി​പ്ര​കാ​രം രക്തപ്പകർച്ച നടത്തി.

ക്രമേണ, പ്രശ്‌നം കണെറ്റി​ക്കട്ട്‌ സുപ്രീം കോട​തി​യി​ലെത്തി. ആശുപ​ത്രി നടപടി ശ്രീമതി വേഗയു​ടെ അവകാ​ശ​ങ്ങ​ളി​ന്മേ​ലുള്ള കടന്നാ​ക്ര​മ​ണ​മാ​യി​രു​ന്നെന്നു സുപ്രീം കോടതി ഐകക​ണ്‌ഠ്യേന തീർപ്പു കൽപ്പിച്ചു. കോട​തി​വി​ധി ഇപ്രകാ​രം പ്രസ്‌താ​വി​ച്ചു: “വിചാരണ കോടതി വിചാരണ കേട്ടത്‌ അർധരാ​ത്രി​യി​ലാ​യി​രു​ന്നു. അത്യന്തം അടിയ​ന്തി​ര​മാ​യി​രുന്ന ആ സാഹച​ര്യ​ങ്ങൾ ഇരുപ​ക്ഷ​ത്തു​മു​ള്ള​വ​രു​ടെ വാദഗ​തി​കൾ മുഴു​വ​നാ​യി അവതരി​പ്പി​ക്കാൻ ഉചിത​മായ അവസരം പ്രദാനം ചെയ്‌തില്ല.”

കണെറ്റി​ക്കട്ട്‌ സുപ്രീം കോട​തി​യു​ടെ ആ തീർപ്പ്‌, യഹോ​വ​യു​ടെ സാക്ഷി​ക​ള​ല്ലാ​ത്ത​വർക്കും പ്രാമു​ഖ്യ​മാണ്‌. “ഡോക്ടർമാ​രു​ടെ തീരു​മാ​ന​ങ്ങ​ളോ​ടു യോജി​ക്കാ​തി​രു​ന്നേ​ക്കാ​വുന്ന സകല രോഗി​ക​ളെ​യും സംബന്ധി​ച്ചി​ട​ത്തോ​ളം ആ തീർപ്പ്‌ പ്രധാ​ന​പ്പെ​ട്ട​താണ്‌” എന്നു ശ്രീമതി വേഗയു​ടെ അറ്റോർണി ഡോനൾഡ്‌ റ്റി. റിഡ്‌ലി പറയുന്നു. “രോഗി​ക​ളു​ടെ മതപര​മോ മതേത​ര​മോ ആയ മൂല്യങ്ങൾ ചവിട്ടി​മെ​തി​ക്കു​ന്ന​തിൽനിന്ന്‌ ആ തീർപ്പ്‌ ആശുപ​ത്രി​കളെ വിലക്കും.”