ധീരമാ​യൊ​രു മറുപടി

ഒരു ബ്രിട്ടീഷ്‌ റോമൻ കത്തോ​ലി​ക്കാ പത്രമായ കാത്തലിക്‌ ഹെറാൾഡ്‌ ഈയിടെ പ്രസി​ദ്ധീ​ക​രിച്ച വെയിൽസിൽനി​ന്നുള്ള ഒരു വായന​ക്കാ​രന്റെ കത്താണ്‌ പിൻവ​രു​ന്നത്‌: “ഒരു രാത്രി രണ്ടു സാക്ഷികൾ എന്റെ വീട്ടു​വാ​തിൽക്കൽ വന്നു. അവർ ഉദ്ധരിച്ച പുതിയ നിയമ​ത്തി​ന്റെ ആധികാ​രി​കത കാത്തു​സൂ​ക്ഷി​ച്ചത്‌ കത്തോ​ലി​ക്കാ സഭയാ​ണെന്നു ഞാൻ പറഞ്ഞൊ​പ്പി​ച്ചു. എന്നെ അതിശ​യി​പ്പി​ച്ചു​കൊണ്ട്‌, അവരി​ലൊ​രാൾ അതു സമ്മതിച്ചു. ‘അതേ, നിങ്ങളതു കാത്തു​സൂ​ക്ഷി​ക്കു​ന്നു, പക്ഷേ നിങ്ങളത്‌ പിൻപ​റ്റു​ന്നി​ല്ല​ല്ലോ. “ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം” എന്ന്‌ യേശു പറഞ്ഞു, എന്നാൽ നിങ്ങളോ പരസ്‌പരം കൊ​ന്നൊ​ടു​ക്കു​ന്നു. കഴിഞ്ഞ യുദ്ധത്തിൽ, കത്തോ​ലി​ക്കർ കത്തോ​ലി​ക്കരെ കൊന്നു, എന്നാൽ ഒരു യഹോ​വ​യു​ടെ സാക്ഷി​യും മറ്റൊരു [സഹ]സാക്ഷിയെ കൊന്നില്ല,’ അയാൾ പറഞ്ഞു. സമ്മതി​ക്കാ​ന​ല്ലാ​തെ എനി​ക്കെന്തു ചെയ്യാ​നാ​കും? നമുക്കി​ട​യിൽത്തന്നെ യഥാർഥ ഐക്യ​മി​ല്ലാ​ത്ത​പ്പോൾ, ‘നമ്മിൽനി​ന്നു വേർപെ​ട്ടു​പോയ നമ്മുടെ സഹോ​ദരങ്ങ’ളുമായി ഐക്യ​മു​ണ്ടാ​കു​ന്ന​തി​നു​വേണ്ടി നമു​ക്കെ​ങ്ങനെ പ്രാർഥി​ക്കാ​നാ​കും? നമ്മൾ ആദ്യം ഈ അപവാദം മാറ്റി​യെ​ടു​ക്കേ​ണ്ട​തല്ലേ?”—യോഹ​ന്നാൻ 15:12.

ഈ 20-ാം നൂറ്റാ​ണ്ടി​ലെ രണ്ടു ലോക​മ​ഹാ​യു​ദ്ധ​ങ്ങ​ളും തുടങ്ങി​യത്‌ ക്രൈ​സ്‌ത​വ​ലോ​ക​ത്തി​ലാ​യി​രു​ന്നു. അതിൽ ഏതാണ്ട്‌ 5 കോടി​മു​തൽ 6 കോടി​വരെ ആളുക​ളു​ടെ ജീവൻ പൊലി​ഞ്ഞു. എന്നിരു​ന്നാ​ലും, ആ യുദ്ധങ്ങ​ളിൽ യഹോ​വ​യു​ടെ സാക്ഷികൾ പങ്കെടു​ത്തി​ല്ലെന്നു സത്യസ​ന്ധ​മാ​യി പറയാ​വു​ന്ന​താണ്‌, ഇപ്പോൾ നടന്നു​കൊ​ണ്ടി​രി​ക്കുന്ന യാതൊ​രു പോരാ​ട്ട​ത്തി​ലും അവരില്ല. ഇതെങ്ങനെ സാധ്യ​മാ​കും? ക്രിസ്‌തീയ സ്‌നേ​ഹ​ത്തി​ലും ഐക്യ​ത്തി​ലും ശക്തമായി ബന്ധിത​രാ​യി​രി​ക്കുന്ന, ലോക​വ്യാ​പ​ക​മാ​യുള്ള 50 ലക്ഷത്തി​ല​ധി​കം യഹോ​വ​യു​ടെ സാക്ഷി​ക​ളെ​ക്കു​റിച്ച്‌ കൂടുതൽ മനസ്സി​ലാ​ക്കു​ന്നത്‌ നിങ്ങൾക്കു​തന്നെ പ്രയോ​ജനം ചെയ്യും.—യെശയ്യാ​വു 2:4 താരത​മ്യം ചെയ്യുക.

[32-ാം പേജിലെ ചിത്രം]

U.S. National Archives photo