ഡോക്ടർമാ​രും ന്യായാ​ധി​പ​ന്മാ​രും യഹോ​വ​യു​ടെ സാക്ഷി​ക​ളും

യഹോ​വ​യു​ടെ സാക്ഷികൾ 1995 മാർച്ചിൽ ബ്രസീ​ലിൽ രണ്ട്‌ സെമി​നാ​റു​കൾ നടത്തി. ഉദ്ദേശ്യ​മോ? ആശുപ​ത്രി​യി​ലെ രോഗി യഹോ​വ​യു​ടെ സാക്ഷി​ക​ളിൽ ഒരാളാ​യി​രി​ക്കു​ക​യും അങ്ങനെ രക്തപ്പകർച്ച അസ്വീ​കാ​ര്യ​മാ​യി​രി​ക്കു​ക​യും ചെയ്യുന്ന സാഹച​ര്യ​ത്തിൽ വൈദ്യ​ശാ​സ്‌ത്ര-നിയമ ഉദ്യോ​ഗ​സ്ഥ​രു​ടെ സഹകരണം തേടുക.—പ്രവൃ​ത്തി​കൾ 15:29

ദുഃഖ​ക​ര​മെ​ന്നു പറയട്ടെ, ചില കേസു​ക​ളിൽ ഡോക്ടർമാർ സാക്ഷി​ക​ളായ രോഗി​ക​ളു​ടെ ആഗ്രഹ​ങ്ങളെ അവഗണി​ക്കു​ക​യും നിർബ​ന്ധിത രക്തപ്പകർച്ച നടത്താൻ കോടതി ഉത്തരവു​കൾ തേടു​ക​യും ചെയ്‌തി​ട്ടുണ്ട്‌. അത്തരം സാഹച​ര്യ​ങ്ങ​ളിൽ തങ്ങളെ​ത്തന്നെ സംരക്ഷി​ക്കു​ന്ന​തിന്‌ ലഭ്യമായ എല്ലാ നിയമ​പ​ര​മായ മാർഗ​ങ്ങ​ളും സാക്ഷികൾ ഉപയോ​ഗി​ച്ചു. എന്നിരു​ന്നാ​ലും, ഏറ്റുമു​ട്ടലല്ല മറിച്ച്‌ സഹകര​ണ​മാണ്‌ അവർ കൂടുതൽ ഇഷ്ടപ്പെ​ട്ടത്‌. അതു​കൊണ്ട്‌, സമാന​രക്തം കുത്തി​വെ​ച്ചു​കൊ​ണ്ടുള്ള ചികി​ത്സ​യ്‌ക്കു പകരമാ​യി ഉപയോ​ഗി​ക്കാ​വുന്ന അനേകം ചികി​ത്സാ​രീ​തി​ക​ളു​ണ്ടെ​ന്നും യഹോ​വ​യു​ടെ സാക്ഷികൾ അവ സന്തോ​ഷ​പൂർവം സ്വീക​രി​ക്കു​ന്നു​വെ​ന്നും സെമി​നാ​റു​കൾ ഊന്നി​പ്പ​റഞ്ഞു.a

സാവൊ പൗലോ​യി​ലെ പ്രാ​ദേ​ശിക വൈദ്യ​ശാ​സ്‌ത്ര കൗൺസി​ലി​ന്റെ ഒരു യോഗം സാക്ഷി​ക​ളു​ടെ നിലപാ​ടി​നെ പിന്താ​ങ്ങി​യി​രു​ന്നു. ഒരു ഡോക്ടർ ശുപാർശ ചെയ്‌ത ചികി​ത്സാ​രീ​തി​യോട്‌ എതിർപ്പു​ണ്ടെ​ങ്കിൽ അതു നിരസി​ക്കാ​നും മറ്റൊരു ഡോക്ടറെ തിര​ഞ്ഞെ​ടു​ക്കാ​നും രോഗിക്ക്‌ അവകാ​ശ​മു​ണ്ടെന്ന്‌ 1995 ജനുവ​രി​യിൽ ആ കൗൺസിൽ തീരു​മാ​നി​ച്ചു.

പ്രശം​സാർഹ​മാ​യി, തങ്ങളുടെ രോഗി​കൾ ആവശ്യ​പ്പെ​ടുന്ന പക്ഷം രക്തരഹിത ചികിത്സ നടത്താൻ ബ്രസീൽ വൈദ്യ​ശാ​സ്‌ത്ര സമൂഹ​ത്തി​ലെ നൂറു​ക​ണ​ക്കി​നാ​ളു​കൾ ഇപ്പോൾ സന്നദ്ധരാണ്‌. 1995 മാർച്ചി​ലെ സെമി​നാ​റു​കൾ മുതൽ, ബ്രസീ​ലി​ലെ ഡോക്ടർമാ​രും ന്യായാ​ധി​പ​ന്മാ​രും യഹോ​വ​യു​ടെ സാക്ഷി​ക​ളും തമ്മിലുള്ള സഹകരണം ശ്രദ്ധേ​യ​മാം​വണ്ണം മെച്ച​പ്പെ​ട്ടി​ട്ടുണ്ട്‌. 1997-ൽ ബ്രസീ​ലി​ലെ വൈദ്യ​ശാ​സ്‌ത്ര മാഗസി​നായ അംബി​റ്റോ ഓസ്‌പി​റ്റലർ രക്തപ്ര​ശ്‌നം സംബന്ധിച്ച തങ്ങളുടെ നിലപാട്‌ നിലനിർത്താ​നുള്ള യഹോ​വ​യു​ടെ സാക്ഷി​ക​ളു​ടെ അവകാശം ദൃഢമാ​യി പ്രഖ്യാ​പിച്ച ഒരു ലേഖനം പ്രസി​ദ്ധീ​ക​രി​ച്ചു. റിയോ ദെ ജെനയ്‌റോ, സാവൊ പൗലോ എന്നീ സംസ്ഥാ​ന​ങ്ങൾക്കു​വേ​ണ്ടി​യുള്ള പ്രാ​ദേ​ശിക വൈദ്യ​ശാ​സ്‌ത്ര കൗൺസി​ലു​കൾ പ്രസ്‌താ​വി​ച്ച​തു​പോ​ലെ, “രോഗി​യു​ടെ ജീവൻ സംരക്ഷി​ക്കാ​നുള്ള ഡോക്ട​റു​ടെ കടമ, [ചികിത്സ സംബന്ധിച്ച്‌] തിര​ഞ്ഞെ​ടു​പ്പു നടത്താൻ രോഗി​ക്കുള്ള അവകാ​ശത്തെ സംരക്ഷി​ക്കാ​നുള്ള അദ്ദേഹ​ത്തി​ന്റെ കടമയ്‌ക്ക്‌ അപ്പുറം പോക​രു​തെ”ന്നുള്ളത്‌ ഇപ്പോൾ വ്യാപ​ക​മാ​യി അംഗീ​ക​രി​ക്ക​പ്പെ​ട്ടി​ട്ടുള്ള കാര്യ​മാണ്‌.

[അടിക്കു​റി​പ്പു​കൾ]