നല്ല നടത്ത പ്രശംസ കൈവ​രു​ത്തു​ന്നു

ലാ ഗാദ്‌സെറ്റാ ദെൽ മെദാ​സോ​റ​ജാർനോ എന്ന ഇറ്റാലി​യൻ പത്രം യഹോ​വ​യു​ടെ സാക്ഷി​കളെ “മാറ്റെറ—അതുല്യ ഗുഹാ​വ​സ​തി​ക​ളു​ടെ നഗരം” എന്ന ലേഖനം പ്രസി​ദ്ധീ​ക​രി​ച്ച​തിന്‌ പ്രശം​സി​ച്ചു. 1997 ജൂലൈ 8 ലക്കം ഉണരുക! മാസി​ക​യി​ലാ​യി​രു​ന്നു പ്രസ്‌തുത ലേഖനം പ്രത്യ​ക്ഷ​പ്പെ​ട്ടത്‌. അനേകം ഭാഷക​ളിൽ അത്‌ വിപു​ല​മാ​യി വിതര​ണം​ചെ​യ്യ​പ്പെട്ടു. ഇപ്പോൾ 81 ഭാഷക​ളി​ലേക്കു പരിഭാ​ഷ​പ്പെ​ടു​ത്തുന്ന ഉണരുക!യ്‌ക്ക്‌ ലോക​വ്യാ​പ​ക​മാ​യി 1.9 കോടി പ്രതി​ക​ളു​ടെ വിതര​ണ​മുണ്ട്‌. “[മാറ്റെറ] നഗരത്തി​ന്റെ ചരി​ത്ര​പ​ര​വും കലാപ​ര​വു​മായ പൈതൃ​കം ഉന്നമി​പ്പി​ക്കാ​നുള്ള പരസ്യ​പ്ര​ചാ​ര​ണ​ങ്ങ​ളു​ടെ കാര്യ​ത്തിൽ” ഉണരുക! വേനൽക്കാല റെക്കോർഡ്‌ സൃഷ്ടി​ച്ചു​വെന്ന്‌ പത്രം അഭി​പ്രാ​യ​പ്പെട്ടു.

1997-ൽ മാറ്റെ​റ​യിൽ നടത്തപ്പെട്ട “ദൈവ​വചന വിശ്വാസ” ഡിസ്‌ട്രി​ക്‌റ്റ്‌ കൺ​വെൻ​ഷ​നോ​ടുള്ള ബന്ധത്തി​ലും പത്രം സാക്ഷി​കളെ പ്രശം​സി​ച്ചു. സാക്ഷികൾ “വേനൽക്കാ​ലത്തെ പൊള്ളുന്ന വെയി​ലിൽ, 4,000 പേരെ [നഗരത്തിലെ] XXI സെറ്റംബർ സ്റ്റേഡി​യ​ത്തിൽ സംഘടി”പ്പിച്ചു​വെന്ന്‌ ലേഖനം റിപ്പോർട്ടു​ചെ​യ്‌തു. “ഈ കായി​ക​സ്ഥ​ല​ത്തി​ന്റെ ശുചീ​ക​ര​ണ​വും പുനർപെ​യ്‌ൻറി​ങ്ങും അടിസ്ഥാന അറ്റകു​റ്റ​പ്പ​ണി​ക​ളും (വിശേ​ഷി​ച്ചും കക്കൂസ്‌ സൗകര്യ​ങ്ങ​ളു​ടെ) അവർ തികച്ചും സൗജന്യ​മാ​യി നടത്തി. ചില അത്യാ​വശ്യ വസ്‌തു​ക്കൾ അവർത​ന്നെ​യാണ്‌ വാങ്ങി​യത്‌.”

യഹോ​വ​യു​ടെ സാക്ഷികൾ നല്ല അയൽക്കാ​രാ​യി​രി​ക്കാൻ പ്രയത്‌നി​ക്കു​ന്നു. (മത്തായി 22:37-39) അവർ ഈ തിരു​വെ​ഴുത്ത്‌ ബുദ്ധ്യു​പ​ദേ​ശ​വും പിൻപ​റ്റു​ന്നു:—“നിങ്ങളു​ടെ നല്ല പ്രവൃ​ത്തി​കളെ കണ്ടറി​ഞ്ഞി​ട്ടു സന്ദർശ​ന​ദി​വ​സ​ത്തിൽ ദൈവത്തെ മഹത്വ​പ്പെ​ടു​ത്തേ​ണ്ട​തി​ന്നു [ജാതി​ക​ളു​ടെ] ഇടയിൽ നിങ്ങളു​ടെ നടപ്പു നന്നായി​രി​ക്കേണം.”—1 പത്രൊസ്‌ 2:12.