ജീവന്റെ പാതയി​ലെ വഴികാ​ട്ടി​പ്പ​ല​കകൾ

നിങ്ങൾ അപരി​ചി​ത​മായ ഒരു വഴിയി​ലൂ​ടെ നടക്കു​ക​യാ​ണെന്നു വിചാ​രി​ക്കുക. വഴികാ​ട്ടി​പ്പ​ല​കകൾ ഒരു തടസ്സമാ​യി നിങ്ങൾ കരുതു​മോ? സാധ്യ​ത​യില്ല! നിങ്ങളു​ടെ ലക്ഷ്യസ്ഥാ​ന​ത്തേക്കു നയിക്കുന്ന പാതയിൽനി​ന്നു വഴി​തെറ്റി പോകാ​തി​രി​ക്കാൻ നിങ്ങൾക്കു സഹായ​ക​മായ ഒരു ഘടകമാ​യേ തീർച്ച​യാ​യും നിങ്ങൾ അവയെ വീക്ഷി​ക്കു​ക​യു​ള്ളൂ.

എന്നാൽ, ജീവന്റെ പാതയി​ലൂ​ടെ നടക്കു​ന്ന​തി​ന്റെ കാര്യ​മോ? വഴികാ​ട്ടി​പ്പ​ല​കകൾ ഇല്ലാതെ അതു വിജയ​ക​ര​മാ​യി നിർവ​ഹി​ക്കാൻ കഴിയു​മോ? ഇക്കാര്യ​ത്തിൽ മനുഷ്യ​വർഗ​ത്തി​ന്റെ പരിമി​തി​കളെ പുരാ​ത​ന​കാ​ലത്തെ ദൈവ​ത്തി​ന്റെ ഒരു പ്രവാ​ചകൻ സമ്മതിച്ചു പറയു​ക​യു​ണ്ടാ​യി. അവൻ ഇങ്ങനെ പറഞ്ഞു: “കർത്താവേ, മനുഷ്യ​ന്റെ മാർഗ്ഗങ്ങൾ അവന്റെ നിയ​ന്ത്ര​ണ​ത്തി​ല​ല്ലെ​ന്നും നടക്കു​ന്ന​വനു തന്റെ ചുവടു​കൾ സ്വാധീ​ന​മ​ല്ലെ​ന്നും എനിക്ക​റി​യാം.”—യിരെ​മ്യാ​വു 10:23, പി.ഒ.സി. ബൈബിൾ.

അങ്ങനെ​യെ​ങ്കിൽ, ആവശ്യ​മായ മാർഗ​നിർദേശം എവിടെ കണ്ടെത്താൻ കഴിയും? അത്തരം മാർഗ​നിർദേ​ശ​ത്തി​ന്റെ ആശ്രയ​യോ​ഗ്യ​മായ ഉറവിടം മനുഷ്യ​ന്റെ സ്രഷ്ടാ​വാണ്‌. ആലങ്കാ​രിക വഴികാ​ട്ടി​പ്പ​ല​കകൾ ബൈബി​ളിൽ കാണേ​ണ്ട​താണ്‌. തന്റെ വചനത്തിൽ യഹോവ ഇങ്ങനെ പറയുന്നു: “നിങ്ങൾ വലത്തോ​ട്ടോ ഇടത്തോ​ട്ടോ തിരി​യു​മ്പോൾ: വഴി ഇതാകു​ന്നു, ഇതിൽ നടന്നു​കൊൾവിൻ എന്നൊരു വാക്കു പിറകിൽനി​ന്നു കേൾക്കും.”—യെശയ്യാ​വു 30:21.

ഉവ്വ്‌, ജീവി​ത​ത്തി​ന്റെ എല്ലാ മണ്ഡലങ്ങ​ളി​ലും ആശ്രയ​യോ​ഗ്യ​മായ മാർഗ​നിർദേശം ബൈബിൾ നൽകു​ന്നുണ്ട്‌. (യെശയ്യാ​വു 48:17; 2 തിമൊ​ഥെ​യൊസ്‌ 3:16, 17) എന്നാൽ, ബഹുഭൂ​രി​പക്ഷം മനുഷ്യ​രും ദിവ്യ മാർഗ​നിർദേശം കൂടാ​തെ​യുള്ള ജീവിത പാതയി​ലാ​ണു നടകൊ​ള്ളു​ന്നത്‌ എന്നതു ദുഃഖ​ക​ര​മാണ്‌. (മത്തായി 7:13) എങ്കിലും, വഴികാ​ട്ടി​പ്പ​ല​കകൾ നീക്കം ചെയ്യാ​നാ​വാത്ത വിധം സ്ഥാപി​ക്ക​പ്പെ​ട്ടി​ട്ടുണ്ട്‌! ജീവന്റെ പാതയിൽ നടക്കവേ നിങ്ങൾ അവയ്‌ക്കു ശ്രദ്ധ നൽകു​മോ?