“എനിക്കു സമാധാ​ന​പൂർണ​മായ അന്തരീക്ഷം അനുഭ​വി​ച്ച​റി​യാൻ കഴിഞ്ഞു”

ജർമൻ ഭാഷ സംസാ​രി​ക്കുന്ന ഒരാൾ യഹോ​വ​യു​ടെ സാക്ഷി​കളെ “ഒറ്റി​ക്കൊ​ടു​ക്കുക” എന്ന ലക്ഷ്യത്തിൽ അവരുടെ ഒരു കൺ​വെൻ​ഷനു ചെന്നു. എന്തു​കൊണ്ട്‌? “ഈ മതവി​ഭാ​ഗത്തെ തുറന്നു​കാ​ട്ടി തന്റെ സുഹൃ​ത്തു​ക്കൾ വഴി​തെ​റ്റി​പ്പോ​കു​ന്നതു തടയുക”യായി​രു​ന്നു അദ്ദേഹ​ത്തി​ന്റെ ലക്ഷ്യം. കൺ​വെൻ​ഷ​നിൽ സംബന്ധി​ച്ച​ശേഷം, അദ്ദേഹം തന്റെ സുഹൃ​ത്തു​ക്കൾക്കു പിൻവ​രുന്ന കത്ത്‌ എഴുതി:

“കൺ​വെൻ​ഷൻ സ്ഥലത്തി​ന​ടുത്ത്‌ എത്തിയ​പ്പോൾ, ഞാൻ ശരിയായ സ്ഥലത്തു​ത​ന്നെ​യാ​ണോ എത്തിയി​രി​ക്കു​ന്ന​തെന്ന്‌ എനിക്കു സംശയ​മാ​യി. സ്റ്റേഡി​യ​ത്തി​നു പുറത്ത്‌ ആരെയും കാണാ​നി​ല്ലാ​യി​രു​ന്നു. നില​ത്തൊ​ന്നും ചപ്പുച​വ​റോ ബിയർകു​പ്പി​ക​ളോ ഇല്ല. കുറെ​ക്കൂ​ടി അടു​ത്തെ​ത്തി​യ​പ്പോൾ, രണ്ടു മാന്യ​വ്യ​ക്തി​കൾ സ്റ്റേഡി​യ​വാ​തിൽക്കൽ നിൽക്കു​ന്നതു ഞാൻ കണ്ടു. അവർ എന്നെ അഭിവാ​ദനം ചെയ്‌ത്‌ അകത്തേക്കു കടത്തി​വി​ട്ടു.

“അകത്ത്‌ ഉണ്ടായി​രി​ക്കാ​നി​ട​യുള്ള ആയിര​ക്ക​ണ​ക്കിന്‌ ആളുക​ളു​ടെ ബഹളം കേൾക്കു​മെന്നു ഞാൻ പ്രതീ​ക്ഷി​ച്ചെ​ങ്കി​ലും അവിടം വളരെ ശാന്തമാ​യി​രു​ന്നു. ‘ഒരുപക്ഷേ ഏറെ​പ്പേ​രൊ​ന്നും വന്നെത്തി​യി​ട്ടി​ല്ലാ​യി​രി​ക്കും’ എന്നാണു ഞാൻ വിചാ​രി​ച്ചത്‌.

“ഞാൻ അകത്തു പ്രവേ​ശി​ച്ച​പ്പോൾ, പെട്ടെ​ന്നു​തന്നെ എന്റെ ശ്രദ്ധ പ്ലാറ്റു​ഫോ​മിൽ നടന്നു​കൊ​ണ്ടി​രുന്ന നാടക​ത്തി​ലേക്കു തിരിഞ്ഞു. സ്റ്റേഡിയം ആയിര​ക്ക​ണ​ക്കി​നു സാക്ഷി​ക​ളെ​ക്കൊ​ണ്ടു നിറഞ്ഞി​രി​ക്കു​ന്നു​വെന്നു പിന്നീ​ടാണ്‌ എനിക്കു മനസ്സി​ലാ​യത്‌. അവരെ​ല്ലാ​വ​രും ശ്രദ്ധാ​പൂർവം നാടകം വീക്ഷി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. എനിക്കു സമാധാ​ന​പൂർണ​മായ അന്തരീക്ഷം അനുഭ​വി​ച്ച​റി​യാൻ കഴിഞ്ഞു. കൺ​വെൻ​ഷന്റെ ശേഷിച്ച പരിപാ​ടി​ക​ളു​ടെ സമയത്ത്‌ ഞാൻ കണ്ടതും കേട്ടതും അനുഭ​വി​ച്ച​റി​ഞ്ഞ​തു​മായ സംഗതി​കൾ എന്നിൽ ആഴമായ മതിപ്പ്‌ ഉളവാക്കി.

“സാക്ഷി​ക​ളു​മാ​യി ഇടപഴ​കി​യ​പ്പോൾ എനിക്ക്‌ അവരുടെ സന്തുഷ്ട​മായ മുഖങ്ങ​ളും സ്‌നേ​ഹ​പ്ര​ക​ട​ന​ങ്ങ​ളും ശ്രദ്ധി​ക്കാൻ കഴിഞ്ഞു. അപ്പോൾ, ‘ഇവർതന്നെ യഥാർഥ ദൈവ​ജനം’ എന്ന ചിന്തയെ എനിക്ക്‌ അടിച്ച​മർത്താൻ കഴിഞ്ഞില്ല!”

‘തന്റെ സുഹൃ​ത്തു​ക്കൾ വഴി​തെ​റ്റി​പ്പോ​കു​ന്നതു തടയു’ന്നതിനു​പ​കരം, ആ യുവാവ്‌ അവരോട്‌ ഒരു ബൈബി​ള​ധ്യ​യനം ആവശ്യ​പ്പെട്ടു. ഫലമോ? ഇന്ന്‌ അദ്ദേഹം ഒരു ക്രിസ്‌തീയ മൂപ്പൻ ആണ്‌. അദ്ദേഹ​വും കുടും​ബ​വും സ്വിറ്റ്‌സർലൻഡി​ലെ സൂഗി​ലുള്ള ഒരു സഭയിൽ സജീവാം​ഗങ്ങൾ ആണ്‌.