സാക്ഷി​കൾക്ക്‌ അധികാ​രി​ക​ളു​ടെ പ്രശംസ

മഡ്രി​ഡിന്‌ 500 കിലോ​മീ​റ്റർ തെക്കു​പ​ടി​ഞ്ഞാ​റാ​യി സ്ഥിതി​ചെ​യ്യുന്ന, സ്‌പെ​യി​നി​ലെ തുറമുഖ നഗരമായ കാഥി​ത്തി​ലെ മേയർ, ഡോന്യ തിയോ​ഫില മാർട്ടീ​നെസ്‌, യഹോ​വ​യു​ടെ സാക്ഷി​കൾക്ക്‌ ഒരു ഫലകം (മുകളിൽ കാണി​ച്ചി​രി​ക്കു​ന്നു) സമ്മാനി​ച്ചു. അതിൽ ഇങ്ങനെ എഴുതി​യി​രി​ക്കു​ന്നു: “കാഥിത്ത്‌ നഗരത്തി​നു​വേണ്ടി യഹോ​വ​യു​ടെ സാക്ഷികൾ ചെയ്‌തി​രി​ക്കുന്ന സേവന​ങ്ങ​ളെ​യും ശ്രമങ്ങ​ളെ​യും വിലമ​തി​ച്ചു​കൊണ്ട്‌ കാഥിത്ത്‌ മുനി​സി​പ്പൽ അധികൃ​തർ നൽകുന്ന ഉപഹാരം.” ആ ബഹുമതി ലഭിക്കാൻ സാക്ഷികൾ എന്താണു ചെയ്‌തത്‌?

നഗരത്തി​ലെ മുനി​സി​പ്പൽ സ്റ്റേഡി​യ​ത്തി​ന്റെ ഒരു ഭാഗം പുതുക്കി പണിയു​ന്ന​തിൽ സാക്ഷികൾ വഹിച്ച പങ്കിനുള്ള അംഗീ​കാ​ര​മാ​യി​ട്ടാണ്‌ അതു നൽകി​യത്‌. നിരവധി വാരാ​ന്ത​ങ്ങ​ളി​ലാ​യി നൂറു​ക​ണ​ക്കി​നു സാക്ഷികൾ കറൻസാ ഫുട്‌ബോൾ സ്റ്റേഡി​യ​ത്തി​ന്റെ ഗ്രൗണ്ട്‌ ഫ്‌ളോ​റി​ലുള്ള കക്കൂസു​കൾ പുതു​ക്കി​പ്പ​ണി​യു​ന്ന​തി​നു സഹായ​ഹ​സ്‌തം നീട്ടി. ഇപ്പോൾ ആ സ്റ്റേഡിയം ഉപയോ​ഗി​ക്കുന്ന സകലരും അതിന്റെ പൈപ്പു​കൾ, പ്ലംബിങ്‌-ഫ്‌ളോ​റിങ്‌ സംവി​ധാ​നങ്ങൾ എന്നിവ​യിൽ നിന്നു പ്രയോ​ജനം അനുഭ​വി​ക്കു​ന്നു.

കുറച്ചു കാലമാ​യി യഹോ​വ​യു​ടെ സാക്ഷി​കൾക്കു കാഥിത്ത്‌ നഗരത്തിൽ നല്ല പേരാ​ണു​ള്ളത്‌. എല്ലാ വർഷവും സാക്ഷി​കൾക്കു വാർഷിക ഡിസ്‌ട്രി​ക്‌റ്റ്‌ കൺ​വെൻ​ഷൻ നടത്തു​ന്ന​തി​നു മുനി​സി​പ്പൽ അധികൃ​തർ കറൻസാ സ്റ്റേഡിയം സസന്തോ​ഷം ലഭ്യമാ​ക്കു​ന്നു. തന്മൂലം, പ്രസ്‌തുത സ്റ്റേഡിയം നല്ല നിലയിൽ സൂക്ഷി​ക്കു​ന്ന​തി​നു തങ്ങളാ​ലാ​കു​ന്നതു ചെയ്യാൻ സാക്ഷി​കൾക്കു സന്തോ​ഷ​മേ​യു​ള്ളൂ.

ഇത്തരം ശാരീ​രിക അധ്വാ​ന​ത്തി​നു പുറമേ, നഗരത്തി​ന്റെ സമീപ​പ്ര​ദേ​ശ​ത്തുള്ള ആളുകളെ മറ്റൊരു വിധത്തിൽ സഹായി​ക്കാ​നും യഹോ​വ​യു​ടെ സാക്ഷികൾ അവരെ ക്രമമാ​യി സന്ദർശി​ക്കു​ന്നു. അവർ ദൈവ​രാ​ജ്യ​ത്തി​ന്റെ “സുവാർത്ത” പ്രഖ്യാ​പി​ക്കു​ന്നു. മനുഷ്യ​രു​ടെ പ്രശംസ കിട്ടാനല്ല അവർ പരസ്യ ശുശ്രൂ​ഷ​യിൽ ഏർപ്പെ​ടു​ന്നത്‌. മറിച്ച്‌, ‘രാജ്യ​ത്തി​ന്റെ സുവാർത്ത’ പ്രസം​ഗി​ക്കാ​നും “സകല ജനതക​ളിൽ നിന്നു​ള്ള​വരെ ശിഷ്യ​രാ​ക്കാ”നുമുള്ള യേശു​വി​ന്റെ കൽപ്പന​യോ​ടുള്ള അനുസ​രണം എന്ന നിലയി​ലാണ്‌ അവർ അതു നിർവ​ഹി​ക്കു​ന്നത്‌. (മത്തായി 24:14; 28:19; NW) ഈ വിധത്തിൽ, ആളുകളെ “നീതി​യു​ടെ മാർഗ്ഗ​ത്തിൽ” അഭ്യസി​പ്പി​ച്ചു​കൊ​ണ്ടു സമൂഹത്തെ സേവി​ക്കാൻ യഹോ​വ​യു​ടെ സാക്ഷികൾ താത്‌പ​ര്യ​പ്പെ​ടു​ന്നു.—സദൃശ​വാ​ക്യ​ങ്ങൾ 12:28.