കുട്ടി​കളെ വളർത്തു​ന്ന​തി​ലെ വെല്ലു​വി​ളി​യെ നേരിടൽ

കുട്ടി​കളെ, പ്രത്യേ​കി​ച്ചും കൗമാര പ്രായ​ക്കാ​രെ, വളർത്തു​ന്നതു മാതാ​പി​താ​ക്കളെ സംബന്ധി​ച്ചി​ട​ത്തോ​ളം ഒരു വലിയ വെല്ലു​വി​ളി​യാണ്‌. മദ്യവും മയക്കു​മ​രു​ന്നും പരീക്ഷി​ച്ചു​നോ​ക്കു​ന്നത്‌ “കൗമാ​ര​പ്രാ​യ​ക്കാർക്ക്‌ ഇടയിൽ സാധാ​രണം” ആയിത്തീർന്നി​രി​ക്കു​ന്നു എന്ന്‌ കാനഡ​യി​ലെ മോൺട്രി​യോ​ളി​ലുള്ള ദ ഗസ്സെറ്റ്‌ റിപ്പോർട്ടു ചെയ്യുന്നു. തങ്ങളുടെ “കൗമാ​ര​പ്രാ​യ​ക്കാ​രു​ടെ പെരു​മാ​റ്റ​ത്തി​ലു​ണ്ടാ​കുന്ന മാറ്റം സംബന്ധി​ച്ചു ശ്രദ്ധാ​ലു​ക്കൾ ആയിരി​ക്കാ​നുള്ള ഉത്തരവാ​ദി​ത്വം” മാതാ​പി​താ​ക്കൾക്ക്‌ ഉണ്ടെന്ന്‌ അത്‌ ഊന്നി​പ്പ​റ​യു​ന്നു.

കൗമാ​ര​പ്രാ​യ​ക്കാർക്കി​ട​യിൽ അത്തരം പ്രശ്‌നങ്ങൾ ഉണ്ടെന്നു സൂചി​പ്പി​ച്ചേ​ക്കാ​വുന്ന ഏതെല്ലാം സംഗതി​കളെ കുറിച്ചു മാതാ​പി​താ​ക്കൾ ജാഗ്രത പുലർത്തണം? അമേരി​ക്കൻ അക്കാഡമി ഓഫ്‌ ചൈൽഡ്‌ ആൻഡ്‌ അഡോ​ള​സെന്റ്‌ സൈക്യാ​ട്രി നൽകുന്ന ശാരീ​രി​ക​വും വൈകാ​രി​ക​വും സാമൂ​ഹി​ക​വു​മായ മുന്നറി​യി​പ്പിൻ സൂചന​ക​ളിൽ വിട്ടു​മാ​റാത്ത തളർച്ച, വ്യക്തി​ത്വ​ത്തി​ലും മനോ​ഭാ​വ​ത്തി​ലും ഉണ്ടാകുന്ന മാറ്റം, കൂടുതൽ സമയം കിടപ്പു​മു​റി​യിൽ കഴിച്ചു​കൂ​ട്ടൽ, വഴക്കടി​ക്കുന്ന സ്വഭാവം, നിയമ​വി​രുദ്ധ കാര്യ​ങ്ങ​ളിൽ ഏർപ്പെ​ടു​ന്നതു മൂലമുള്ള പിടി​ക്ക​പ്പെടൽ എന്നിവ ഉൾപ്പെ​ടു​ന്നു.

ഹാനി​ക​ര​മാ​യ അത്തരം പരീക്ഷ​ണ​ങ്ങ​ളിൽ നിന്നും അതിന്റെ പ്രത്യാ​ഘാ​ത​ങ്ങ​ളിൽ നിന്നും മാതാ​പി​താ​ക്കൾക്കു തങ്ങളുടെ കുട്ടി​കളെ എങ്ങനെ സംരക്ഷി​ക്കാ​നാ​കും? കുട്ടി​യു​ടെ സ്വഭാ​വ​രൂ​പ​വ​ത്‌കരണ വർഷങ്ങ​ളിൽ തുറന്ന ആശയവി​നി​മയം നടത്തു​ന്ന​തും പരസ്‌പര ആദരവ്‌ ഊട്ടി​വ​ളർത്തു​ന്ന​തും പിൽക്കാല വർഷങ്ങ​ളി​ലെ പ്രശ്‌നങ്ങൾ പരമാ​വധി കുറയ്‌ക്കു​ന്ന​തി​നു സഹായ​ക​മാ​യേ​ക്കാം എന്നു മക്‌ഗിൽ യൂണി​വേ​ഴ്‌സി​റ്റി​യി​ലെ ഡോ. ജെഫ്രി എൽ. ഡെറെ​വെൻസ്‌കി കരുതു​ന്നു. കൗമാ​ര​പ്രാ​യ​ത്തിൽ എത്തുന്ന​തോ​ടെ കൂടുതൽ സ്വാത​ന്ത്ര്യ​ത്തി​നുള്ള ആഗ്രഹം കുട്ടി​ക​ളിൽ തലപൊ​ക്കു​ന്നെ​ങ്കി​ലും “മാതാ​പി​താ​ക്ക​ളു​ടെ മാർഗ​ദർശ​ന​വും പിന്തു​ണ​യും നല്ല മാതൃ​ക​യും സ്‌നേ​ഹ​വും” അവർക്കു തുടർന്നും ആവശ്യ​മാ​ണെന്ന്‌ ദ ഗസ്സെറ്റ്‌ കൂട്ടി​ച്ചേർക്കു​ന്നു. ഈ വീക്ഷണങ്ങൾ, “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല” എന്ന ബൈബിൾ സദൃശ​വാ​ക്യ​ത്തെ പ്രതി​ഫ​ലി​പ്പി​ക്കു​ന്നു. (സദൃശ​വാ​ക്യ​ങ്ങൾ 22:6) കുട്ടി​കൾക്കു മാതൃക വെക്കാ​നും അവരുടെ സുഹൃ​ത്തു​ക്കൾ ആയിരി​ക്കാ​നും അവരു​മാ​യി ആശയവി​നി​മയം നടത്താ​നും അവരെ പ്രബോ​ധി​പ്പി​ക്കാ​നും ദൈവം മാതാ​പി​താ​ക്കളെ ബുദ്ധി​യു​പ​ദേ​ശി​ക്കു​ന്നു.—ആവർത്ത​ന​പു​സ്‌തകം 6:6, 7.